有否喺安排京都之旅時，面臨因為景點太多而唔知揀邊樣嘅困擾呢？呢篇文章將協助各位解決呢個難題，以下係5個精選推薦嘅京都必遊景點。
(1) 嵐山及嵯峨野地區
位於京都市西北部嘅嵐山及嵯峨野地區景色優美，有好多寺院神社座落於此，同時亦有唔少好味嘅餐廳，因此總係遊人如織，亦係最常推薦比旅行者嘅景點。
上圖為嵐山嘅渡月橋，橋下嘅桂川係嵐山地區嘅象徵。沿住由嵯峨嵐山站到渡月橋嘅街道前進，可以喺沿途見倒好多販售紀念品嘅商店、餐廳、博物館、以及神社、寺院。下圖為著名嘅嵐山竹林，漫步喺竹林當中，感覺好似進入另一個世外桃源般嘅世界。溫和陽光嘅照射下，呼吸清涼新鮮嘅空氣，令人感覺清新舒暢。
(2) 伏見稻荷大社（千本鳥居）
伏見稻荷大社以綿延看不到盡頭嘅「千本鳥居」著名，位於京都市嘅南部。伏見稻荷大社主祀稻荷大神，係掌管五穀豐饒、商業繁盛、交通安全等嘅守護神。信眾及商家們捐獻建造嘅紅色鳥居數量眾多並且仍然持續增加當中。沿住千本鳥居嘅小徑可以一路直通到山頂，即使神社主殿晚間已經關閉，但鳥居部分仍然開放可供遊客進入。
★旅遊資訊
伏見稻荷大社（Fushimi Inari Taisha）
地址：京都市伏見區深草藪之内町68
地圖：
(3) 京都御所
京都御所係歷史上過去嘅日本天皇及皇族居住嘅宮殿，直至明治時代初期將皇居遷往江戶城（依家嘅東京）之前，一直為警備森嚴嘅重地。今時今日嘅京都御所已開放供民眾參觀，過去一段時間曾經係一年只兩次開放，但依家全年都可以造訪，近距離感受日本古代皇室嘅建築風格以及周邊嘅寺院神社。
★旅遊資訊
京都御所（Kyoto Imperial Palace）
地址：京都府京都市上京区京都御苑3
地圖：
(4) 錦市場
品嚐各地美食係旅行當中不可或缺嘅一個項目。因此不能錯過被稱之為「京都廚房」嘅錦市場。行一轉錦市場，可以睇倒京都本地嘅各種食材。同其他好多嘅市場一樣，錦市場總係熱鬧而且充滿人潮，其中包含當地居民，以及嚟尋找新鮮美味食物嘅遊客。雖然商店街道狹窄，走在其中可能同人撞晒膊頭又行得慢，但係咁樣更加可以好好感受市場嘅熱鬧並逐一觀察尋找吸引您嘅食物。
★旅遊資訊
錦市場（NIshiki Ichiba）
地址：京都府京都市中京区 富小路通四条上る西大文字町
地圖：
(5) 祇園
最後一個推薦嘅景點係最能代表京都文化嘅「祇園」。祇園係傳統藝術及娛樂文化聚集嘅地區，有好多酒吧、餐廳及高級日式料亭座落，藝妓、舞妓喺宴席上表演助興。夜晚嘅祇園路上，街旁兩側燈籠光影閃爍，柳樹隨風搖擺，氣氛相當浪漫優雅。雖然睇落相當貴價，但推薦可以安排喺午餐時段於祇園用餐，部分高級料亭有提供價格較便宜嘅午市套餐，即使係想慳錢嘅背包客之旅，亦能體驗得到京都文化嘅精華。
呢度只係京都其中嘅一小部分，仲有好多地方等住遊客嚟探索。以上介紹咗5個前往京都必遊嘅推薦景點，不妨參考上述內容安排您嘅旅程吧！
Comments