今次要同大家分享嘅係妳我都曾經憧憬過嘅百貨公司時尚買手嘅化妝袋。於日本某知名百貨公司中負責女性服飾部門嘅時尚採購專員有著晶瑩剔透嘅雪白肌膚以及乾淨整潔嘅妝容，相信翻開佢嘅化妝袋的話，話唔定就可以發現本人保持美麗肌膚嘅祕密，就等我哋一齊嚟睇下啦！
總數居然有成38樣？化妝袋內原來放咗好多小物品以防萬一！
喺呢系列文章當中，發生」無法將所有物品影晒出嚟」嘅情況都係第一次！打開化妝袋，發現內裡居然有成38樣小物品！多得令人懷疑究竟係咪每日都會用得晒呢？事不宜遲，咁就等我哋逐一介紹上圖中嘅商品啦～
化妝袋內放有隱形眼鏡、御木本（Mikimoto）珍珠配方面膜、卸妝cream、化妝水、保濕乳液、乳液、隔離霜、粉底以及海綿。
「我每日放工後都會去游水，所以卸妝cream、化妝水、乳液都係必需品。就算出差嘅時候都唔會大意，我習慣睡前一定要敷面膜，尤其御木本（Mikimoto）珍珠配方面膜係心水，因為我覺得佢美白效果好顯著，所以係我很鍾意而且一直持續用嘅產品。」
果然係有好多美白保養為主嘅商品呢。咦？呢塊形狀特殊嘅海綿又係用嚟做咩嘅呢？
「呢塊水滴狀嘅海綿係上粉底時用嘅。由於係水滴形狀，所以由臉部大面積嘅部分到比較難上嘅地方都可以搽得均勻，洗乾淨後仲可以重覆使用，非常好用㗎！」
一般女生都係用粉底附贈嘅海綿上妝，但如果換成用呢種形狀嘅海綿嚟上妝，應該會更貼服吧！
大地色眼影配上粉紅色唇膏，就係無論咩衫都襯得到嘅自然妝感
雖然化妝會隨著時代而有唔同嘅流行妝容，但大地色基底眼妝配上粉紅色唇膏就幾時都係經典嘅不敗款式。除此之外，妝感仲可以襯托出本人嘅雪白肌膚，如果對自己嘅肌膚無一定自信，其實係好難襯得起嘅。
「因為駁咗假眼睫毛，本身亦有戴開color con，所以如果再喺臉上放更多顏色，就會畀人感覺太花俏。我本人偏向鍾意自然妝感，所以選擇粉紅色嘅唇膏就可以等氣色望上去更好！」
據講，雖然本人平時都係用粉紅色唇膏，但如果有新色唇膏發售時，都會忍唔住要試一下，果然係對流行趨勢好敏感呢！
Comments