唔知大家嘅手袋裡都裝咗啲咩嘢呢？今次要同大家分享一聽就知好時尚嘅百貨公司服飾採購嘅返工手袋。
喺日本某知名百貨公司擔任女性服飾部門嘅時裝採購專員，有著身高超過1.70米嘅纖瘦身材，一身時下流行嘅穿搭，整體打扮得好in好靚。翻開佢返工用嘅手袋，話唔定可以發現保持好身材同好品味嘅祕密，就等我哋一齊嚟睇吓啦！
皮革用品中窺見優雅女性氣質
心儀歐洲品牌嘅物主，平時鍾意去意大利或法國旅行中尋找靈感，喺圖片中嘅Celine手袋同長銀包，加埋Valentino散紙包就可以略見一二！而且佢鍾意返工搭車途中聽西洋音樂，一聽之吓係咪覺得佢喜愛西方文化呢？但其實佢由細到大都鍾意研究茶道同花道，係個深愛日本文化嘅人嚟㗎！
講開又講，點解佢唔係用折疊式銀包而係用長銀包呢？原來係因為「以防萬一臨時有慶祝活動時需要用到紙鈔，所以平時都會隨身帶住無摺痕嘅嘅銀紙」。原來喺日本嘅慶祝活動場合上，包禮金時要用無摺痕嘅鈔票，係日本人嘅基本禮貌，能夠將傳承落嚟嘅日本優良傳統，融入自己嘅日常生活之中，真係非常高尚優雅呢～
泳鏡、泳帽？意外組合令人忍不住望多幾眼
「果然係有啲奇怪吧…」佢怕醜咁介紹住自己嘅興趣。習慣搭車上班途中或者中午休息時會閱讀小說，呢點都可以理解。但點解返工用嘅手袋入面會有泳鏡同埋泳帽呢？
「我每日放工後都一定會去健身中心游水。由於gym房可以借到泳衣同毛巾，所以就可以將需要自備嘅物品減到最少，結果就變成剩係帶住泳鏡同泳帽返工喇。」
原來如此。咁樣望落大膽嘅做法，其實入面都蘊藏咗生活小智慧呢。
您覺得今次嘅介紹點樣呢？大家都憧憬嘅百貨公司時尚服飾買手，用嘅物品意外地唔係太花俏，反而畀人一種高尚優雅嘅感覺！
更重要嘅係，本人仲有每日都去游水嘅習慣，實在係擁有非常高嘅健康同打扮意識！
呢位有氣質嘅百貨公司時尚服飾採購，同場仲同我哋分享埋化妝袋，內裡居然有超過30樣嘢！想知道當中有啲咩？咁就千祈唔好錯過我地遲啲嘅介紹喇～歡迎大家多多留言畀我哋聽您嘅感想呀！
Comments