打開日本女生手袋系列 - 20代澀谷OL篇

hk6

大家嘅返工手袋裡面都裝咗咩呢？由一定會有嘅基本物品，到個人用嘅方便用品等，好多人都有自己一套放手袋規則。今次「開手袋系列文章」，會同大家分享喺澀谷工作嘅Akari小姐嘅手袋入面裝乜嘢！由手袋入面嘅物品，可以略探一二喺東京工作嘅廿幾歲年輕上班族女性嘅生活方式！

大家好，我係Akari，今年26歲。我而家喺澀谷工作，相信好多人都認識澀谷呢個地方，係一個好有魅力同埋充滿潮流年輕文化嘅地方。最出名當然係超級多人一齊過馬路嘅澀谷十字路口，同埋澀谷109辣妹發源地。可能大家印象中澀谷都係熱鬧繁華，但其實澀谷都有安靜嘅一面，我就係喺澀谷區較安靜嘅一邊工作，比較平靜，當您想要過馬路時，亦唔會出現人山人海嘅情況。

我諗，喺澀谷較安靜嘅地方工作呢件事，養成咗我嘅性格特質，同埋每日準備迎戰嘅工作態度。好多喺東京呢個大城市返工嘅女性，或者大家稱為OL嘅人，會放好多嘢係手袋入面，但我就希望可以盡量保持手袋裡面簡單，同埋盡可能極小化。你可以睇吓上圖我嘅手袋，入面唔會有太多嘢，因為我將大部分工作相關嘅嘢，例如筆記簿、手提電腦等都放喺公司入面。咁樣唔單止令我唔使拎咁重嘅手袋，亦可以令我保持工作同生活平衡，唔使將辦公室嘅工作帶返屋企。

喺我手袋入面，其中一樣最重要嘅，就係防曬霜！ 每日24小時都一定會隨身放喺我手袋入面，因為對我地女仔嚟講，太陽日曬嘅殺傷力好大，大家應該都會同意吧～。 我亦會帶一啲止通藥應付突發性頭痛。而圖入面仲有配合我視力嘅一次拋棄式隱形眼鏡，而且相信我，呢啲物品真係成日大派用場。

然後要介紹我嘅銀包，我已經用咗佢超過4年。我鍾意佢嘅原因係，細長嘅設計，畀空好大空間我入唔同嘅卡，特別係當你住東京咁樣嘅大城市，好多時會有唔同商舖嘅積分卡，當物價貴時，用積分卡係一個生活慳錢嘅好策略。

而喺日本工作文化中，交換卡片係商業上好常見嘅禮儀，亦會因為交換卡片嘅做法好壞，而令人對你嘅印象，甚至生意業務有即時影響，有啲人會以交換卡片同埋管理卡片嘅方法，嚟判定個員工係咪優秀。 喺某程度上，日本人將卡片當成一個人嘅代表，所以要尊重自己同他人嘅話，就要將卡片放喺「神聖」同安全嘅地方。

講咁長篇大論，係因為我想介紹自己嘅卡片套。當然，主要用途顯而易見，就係用嚟來保存自己嘅卡片，或者收到嘅生意來往對象嘅卡片。而對我嚟講，因為我需要搭車去客戶到開會等，所以我亦會將我嘅交通IC卡(類似八達通卡)都放喺卡片套入面。

最後同樣好重要嘅係我家鎖匙。鎖匙扣嘅裝飾其實係喺日光東照宮（Nikko Toshogu） 得到嘅小鈴（suzu）。呢個小鈴係模仿「Nakiryu」（龍之咆哮）嘅聲音，係東照宮入面嘅著名景點，天花板上嘅龍繪畫嘅回音非常特別，好似龍哮咁。小鈴就好似保護符咁，帶畀我幸運，避免惡運靠近。