平常見到日本街頭各式各樣嘅食券機，您都一定有感受過日本係個充滿高科技嘅國家吧？有啲食券機甚至仲會令旅客大感苦惱，唔知道到底應該點樣用𠻹！
其中一個例子，就係好多拉麵店同連鎖牛丼店都有引入嘅餐券販賣機。您或者會有疑問，到底應該點樣用呢部機點餐呢？
今次「拉麵冒險」（Ramen Adventures）blog主Brian就要嚟同大家介紹餐券販賣機嘅使用方法。
想要更純熟地活用餐券販賣機？即睇 Fun Japan 團隊提供嘅幾個小建議啦！
1. 銀包內一定要放定幾張1000yen鈔票
首先需要注意嘅就係，有啲食券機並唔接受面額大於5000yen嘅鈔票，所以喺銀包內放定幾張1000yen鈔票會比較保險。
如果您今日剛好只得1萬yen大鈔，咁您就要搵店員幫手唱錢喇！
2. 點餐要眼明手快!!
如果您花太多時間喺食券機前猶豫食乜，咁部機就會退返您張鈔票出嚟。為咗避免發生呢種情況，我哋建議您喺放入紙鈔前就要先決定好自己想食嘅款式。如果唔確定有乜選擇，就問吓店員啦！
此外，好多食券機嘅下半部都會有其他小菜嘅選項，如果想要試一下新菜式，可以不妨順便睇睇。
3. 準備好回答基本問題！
部分拉麵店店員會喺確認食券時會向您確認口味、偏好等問題，例如麵條軟硬度、湯底濃度以及大細份量。
如果店員喺您遞食券時用日文問您問題，咁佢就非常有可能係問緊您上述列出嘅問題。
除非您有特別要求（例如您係大胃王，要食好多），不然就建議回答「普通でお願いします」（發音：futsu de onegai shimasu），即「正常就好」之意。
如果您希望份量多啲，咁您可以話「大盛り」（發音：Oomori，意思為較多份量）。
希望呢篇文章對您有幫助，等您下次遊日時可以留下一段美好回憶啦！
如果想睇到更多關於日本嘅影片，可以到YouTube上嘅 Yummy Japan 頻道睇下！
https://www.youtube.com/user/YummyJpn
※ Fun! Japan Youtube 頻道：
https://www.youtube.com/c/Funjapantravel
Comments