大家好，我係Navio！
喺日本，「半夜返屋企」係一件好麻煩嘅事，因為凌晨12點到1點之間，鐵路列車就會陸續停駛（各線停駛時間各有不同）。
如果您喺日本玩到半夜先啟程返住宿嘅地方，唯一嘅解決辦法就係搭的士。
當然，搭的士比搭鐵路要貴得多，但除此之外，就無其他方法可以畀您喺半夜時順利抵達家門。
喺日本，「半夜返屋企」係一件好麻煩嘅事，因為凌晨12點到1點之間，鐵路列車就會陸續停駛（各線停駛時間各有不同）。
如果您喺日本玩到半夜先啟程返住宿嘅地方，唯一嘅解決辦法就係搭的士。
當然，搭的士比搭鐵路要貴得多，但除此之外，就無其他方法可以畀您喺半夜時順利抵達家門。
首先，我要嚟分享一下我某次喺凌晨兩點搭的士嘅經驗。照片上企喺馬路中間嘅係我朋友，佢當時正喺到設法截的士。
唔使擔心，您並唔係街上唯一一個咁夜先返屋企嘅人。好多人（尤其係飲醉酒嘅人）都係呢個時候先啱啱結束俱樂部或酒吧活動，準備搭的士返屋企。
您可能會問，真係有必要企喺馬路中間截車嗎？老實講，雖然呢個行為確實係有啲危險，但如果企喺行人路上等，的士好快就會被其他人截走。尤其深夜時分的士數量唔多，好多車都已經載有乘客。不過截車還截車，都需要注意一下安全呀！
日本的士上都會有一塊寫有漢字嘅LED燈牌，我今日就係要嚟介紹呢啲漢字嘅意思。
只不過的士開得太快，我無影低呢啲漢字嘅相，希望下面嘅介紹可以幫到你哋手啦！
1. 空車 （紅色燈）： 代表車上無乘客、您可以乘搭，因此要截車嘅話就要注意「空車」字樣
2. 賃送 / 実車 （淺綠色燈）： 代表車上有乘客 （無法為其他客人提供服務）
3. 支払 （橙色燈）： 代表車上乘客正畀緊錢，等一陣可能就可以載客
4. 迎車 （橙色燈）： 代表的士已經被其他人預訂，正前往載客路上，無法另外提供載客服務
5. 割増 （淺綠色燈）： 代表夜間車資加價
6. 回送 （淺綠色燈）： 不再提供服務
7. 高速 （橙色燈）： 通常於高速公路上行駛時顯示
8. SOS （紅色燈）： 代表緊急狀態
喺等咗個半鐘之後，我哋終於都喺凌晨3點半截到的士喇！
我返到屋企時已經係凌晨4點，您話係唔係一個好有趣嘅體驗呢？
-nav-
Comments