相信各位讀者行入日本文具店嘅時候，通常都可以喺店內搵到一個專門擺放貼紙嘅角落。事實上，貼紙係日本一個好重要嘅文化，因為其正正就代表著“kawaii”，亦即係“可愛”嘅日文。日本人、特別係女子高中生，經常都會用貼紙嚟裝飾自己嘅筆記簿、行事曆、手機保護殼等等，令自己嘅隨身配件變得特別又時尚。而呢一次，我哋就會為您介紹呢啲可愛又引領潮流嘅日式貼紙！您可以喺日本各地都有分店嘅東急Hands買到呢啲款式㗎！
壽司貼紙組合
呢套貼紙一定可以成為最正嘅日本手信！透過呢一set貼紙，您就可以簡單感受到雙重日本文化元素—壽司與“和紙”（日本傳統造紙）。當打開呢套包裝時，感覺就如壽司被送到枱上、您正為自己倒一杯綠茶一樣，可以準備開始享用您嘅豪華大餐！壽司貼紙套裝內包含咗十種唔同嘅圖案設計，每個圖案都分別各有五張貼紙，令人非常滿足！價格為350日圓（不含稅）。
標籤貼紙
呢套貼紙嘅色彩毫無疑問地地可以吸引到眾人目光！作為一款label貼紙，您可以喺上面寫低您想寫嘅字句，然後將佢貼喺任何物件上。計我話，佢就非常適合用於貼喺您準備要送畀人嘅禮物上，如此一來絕對可以令您份禮物顯得更暖心！將label貼紙貼喺相簿上亦係一個非常唔錯嘅主意，您既可以喺上面標明相片日期，亦可以隨心記低您嗰日做過嘅事情，一舉兩得。貼紙價格為220日圓（不含稅）。
“B-SIDE LABEL”人情味貼紙
“B-SIDE LABEL”係日本一家知名貼紙廠商嘅出品。佢哋出產嘅貼紙種類十分廣泛，由可愛型到超現實主義嘅款式都應有盡有。就等我先嚟介紹可愛型啦！如同上圖羊駝貼紙一樣，324日圓就可以畀您將佢貼喺手機殼、手袋、筆記簿等物品上，令您嘅物品變得更有趣味亦充滿個人風格。整體嚟講，B-SIDE LABEL所製作嘅貼紙種類都比較貼近普普風藝術，不過佢哋其實都有提供唔同風格嘅紙膠帶。您可以喺上文提到嘅東急Hands百貨，又或者全日本B-SIDE LABEL分店搵到多款紙膠帶。
MT 紙膠帶
當提到紙膠帶嘅最新發展動態時，就絕對不得不提"MT"呢家紙膠帶廠商。“MT”指嘅即係“Masking tape”，亦即係紙膠帶嘅英文，品牌直接取英文開首字母縮寫作為公司名稱。廠商現時喺日本已經變得非常出名，並出產過多款有趣膠帶，而且膠帶都係用紙做成，唔會帶有太強黏性，您唔使擔心使用紙膠帶時唔小心貼歪失誤，因為您可以好輕易地就撕開重貼。依我所見，MT膠帶非常適合用作裝飾，例如用來將明信片或照片貼喺牆上就啱晒！
Comments