有無曾經幻想過自己嘅係武術高手，一個可以打十個？甚至可以打穿牆？唔理你係咪練過功夫定食過夜粥，至少應該都有睇過劈木板或者打瓦片嘅表現。仲有無人記得龍珠入面比達點練劈磚呢？有無諗過唔駛去練武都可以空手劈瓦片呢？就等我地帶大家嚟體驗一下吧！
淺草・破瓦專門店「Karawana」
歡迎嚟到淺草嘅破瓦專門店「Karawana」。由淺草嘅人氣觀光景點・淺草寺或者花屋敷遊樂園行路嚟，只需要五分鐘就到，「Karawana」係個隱藏景點，最特別嘅係佢地提供機會俾任何人體驗空手碎瓦片。當您一走入進道場，熱情嘅主人・川口先生就會嚟迎接你，跟住會教你設施嘅基本規則，同埋空手破瓦嘅歷史。他們嘅收費規則好簡單，打碎嘅瓦片越多，就要畀越多錢。一片瓦500円、五片瓦2000円，或10片瓦3900円...... 除左呢啲選擇之外，您仲可以選擇挑戰打破他們的“店內健力士紀錄”，打破到目前為止嚟嘅客人創下嘅最高瓦片擊破紀錄。目前這個紀錄（直到10/16）係23片，挑戰費係5,000円，但如果您可以打破紀錄嘅話，「Karawana」不僅會將報名費全額退回，仲會將您嘅相，掛起嚟做紀念！
除此之外，呢個地方亦提供左其他嘅有趣折扣優惠，例如「破iPhone優惠」，即係話如果你有爆左螢幕嘅iPhone，就有折扣（但Android手機嘅話就不適用此優惠）。另外，如果著和服去嘅話，亦會有「和服優惠」。坐人力車去嘅話，就會有「人力車優惠」！
擊碎23片瓦嘅紀錄影片：
同意書同說明書
喺解釋哂所有場內規則後，你必須喺同意遵守規則嘅合意書上簽名。同意書有日文、中文同英文版，所以唔使擔心睇唔明。你想知佢地點處理打碎左嘅瓦片？據說佢地會將瓦片暫時放喺後院，日後都係會用返嚟做起屋嘅屋瓦。將會實際運用在房子的屋瓦上。
選擇衣裝
您可以自己揀唔同嘅服裝，有「法被」、空手道袍或者跆拳道袍，換左衫嘅話，打起嚟都好似有型有勢嘅。不過你都可以揀唔換衫，著返自己便服。換好衫之後要戴手套，川口先生就會示範俾你睇空手破瓦嘅正確姿勢，您可以揀用拳頭直接朝下重擊，或者者用拳槌重敲。
拳擊
初學者比較建議使用拳捶，因為比較容易瞄準。
留意唔好郁到雙腳前面底下支撐嘅磚塊平行石塊，以免發生意外。
當川口先生講完說明後，就可以開始挑戰碎瓦片！小編揀左挑戰10片瓦，而結果係…….
最後只剩返一塊，其他瓦片都有好靚咁被我我劈成兩半！！
「Kawarana」會喺客人挑戰破瓦片嘅時候幫手拍哂成個過程，係咪好想睇下我點挑戰呢？去片：
當您完成破瓦體驗時，會收到一張貼紙作為紀念。
雖然我並沒有成功咁一次劈開所有瓦片，但成個破瓦嘅體驗過程都好好玩，好難忘。呢項體驗絕對令人腎上腺素上升，之後成日都highhigh地好開心(笑)。喺淺草附近睇完神社寺廟巡禮，平靜過後，呢項體驗或者係可以幫提起幹勁嘅大好方法呢。你會唔會去淺草時諗下順便嚟呢個玩下？
店鋪資訊
- 店鋪名稱：破瓦專門店「Karawana」
- 地址：東京都台東區淺草2-27-17
- 營業時間：早上10:00至下午5:00（僅六、日與國定假日營業）
- 交通：東京地下鐵「淺草」站步行10分鐘
- 地圖：
Comments