作為保養肌膚嘅一環，相信妳都會喺清潔完臉部之後搽化妝水保養。呢項例行公事不單可以確保水份滲透入妳肌膚細胞內，仲可以避免皮膚乾燥。若妳仲猶豫緊喺日本應該買邊類型嘅化妝水，咁妳應該唔會感到失望，因為日本實在有太多產品可以揀喇！我哋今日就會仔細為各位介紹幾款喺一般藥妝店就可以搵得到、CP值超高嘅化妝水產品！
MUJI 無印良品敏感肌化妝水
近幾年，無印良品嘅肌膚保養系列產品已經因為物美價廉而得到化妝品界公認。無印良品嘅肌膚哲學係提供簡單、實用而適異性高嘅產品畀顧客，所以妳會發現佢哋嘅產品包裝通常都係行簡單風格。
三種化妝水功效各有不同
無印良品提供咗三個唔同種類嘅化妝水畀顧客選擇：清爽型、保濕型、高度保濕性，三者分別有唔同質地與保濕效果：
清爽型：50ml，260日圓（含稅）、200ml，580日圓（含稅）、400ml，980日圓（含稅）
保濕型：50ml，260日圓（含稅）、200ml，580日圓（含稅）、400ml，980日圓（含稅）
高度保濕型：50ml，300日圓（含稅）、200ml，700日圓（含稅）、400ml，1,200日圓（含稅）
Senka 專科 完美保濕化粧水
「專科」係資生堂旗下一個品牌。佢哋嘅產品主打高度保濕，就算擁有乾燥膚質、又或正值乾燥秋冬期間，品牌嘅化妝水都一樣可以滲透入妳肌膚深層、達到保濕效果。當妳喺貨架上選購佢哋嘅產品時要格外留意，因為化妝水同乳液兩種產品外觀非常相似，但就有額外標示喺包裝上，只要揀選前仔細睇清楚就唔會拎錯。產品來自化妝產品嘅一大製造商・資生堂，專科產品品質有保證，而呢款產品內亦添加咗「天然蠶絲蛋白」、「膠原蛋白」以及「玻尿酸」，所以雖然質地清爽，但實際用起上嚟就會發覺係非常保濕！
售價：200ml，798日圓（不含稅）
日本女性之間極度人氣嘅Avene 雅漾舒膚活泉水
雅漾舒膚活泉水於法國原產地風靡嘅程度，幾乎係每人一支。產品主要成分為南法阿維內區域出產嘅泉水，該區泉水富含礦物質營養，並且由鈣離子與鎂離子維持著良好平衡比例，因此對肌膚保養十分有效。而泉水則係直接由源頭接駁到工廠無菌室，所以此產品不含任何添加防腐劑。要留意使用本產品時，係唔需要將佢倒到手上，而係用噴霧罐直接以畫圓方式噴到洗乾淨後嘅臉上即可。妳亦可以喺覺得乾燥時，隨時用佢進行臉部保濕。雅漾舒膚活泉水依容量分成三種包裝：50ml、150ml以及300ml，尤以50ml包裝輕巧，方便隨身攜帶使用。
售價：50ml，756日圓（含稅）150ml，1,620日圓（含稅）300ml，2,376日圓（含稅）
Comments