日本夏天有個重要嘅節日，「盂蘭盆節」日語稱為「お盆(OBON)」，係死者鬼魂回歸嘅季節，日本人係呢個時候要迎接祖先嘅靈魂返屋企。但除咗祖先靈魂之外，懷著怨恨嘅怨靈亦一樣會係呢個時期返回陽世。所以日本嘅夏季亦會解脫呢啲怨靈嘅遺憾，並且令佢地成佛。喺日本，夏天一到，戲院就開始上有關撞鬼、怪異經歷嘅恐怖電影，雜誌同報紙都會開始做一堆靈異特集，可說話係日本嘅習俗。好似話聽鬼故可以令人發寒，正好解暑呢！今次就等我地一齊嚟睇下幾個日本出名嘅都市傳說同鬼故吧！Are you ready？
都市傳說：裂嘴女
裂嘴女喺一個於1970年代尾開始廣為流傳嘅都市傳說。傳說話穿紅色外套，戴住口罩嘅年輕漂亮女性，會喺路上問放學回家嘅小朋友話：「我ｑ靚嗎？」如果回答「靚」嘅話，她就會拎開口罩問：「咁樣都靚嗎？」一睇就嚇死人，佢嘅嘴裂到耳邊啊！如果回答「唔靚」，就會被她用鐮刀砍死。
有關呢個傳說嘅起源，有一個可能性比較高嘅講法話係：因為家境貧窮無力讓小朋友去補習嘅父母，為咗令小孩放棄去補習，所以編出呢個「晚上出外會遇到裂嘴女」嘅故事，令小孩唔敢喺晚上外出。
都市傳說：廁所的花子
「廁所的花子」傳說，以各種唔同風格嘅故事，喺全日本嘅小朋友之間流傳。最普遍嘅一種傳說係，將學校三樓所有廁所嘅門都敲三下問「花子子喺度嗎？」，她就會回答「喺度。」然後廁所門會被打開，跟住就會被一個身穿紅裙嘅Bob頭女生拖入廁所。廁所花子嘅出沒地點係放學後嘅女生廁所，不過就算想遇見花子，都千祈唔好非法闖入學校女廁哦！
日本民間傳說：阿菊
阿菊係日本三大幽靈其中之一。傳說中阿菊喺官員屋企做女傭，打爛咗主人好鍾意嘅十隻碟中嘅其中一隻。狂怒嘅主人為咗處罰她，砍掉阿菊嘅中指，仲將佢困喺房入面。阿菊後來趁隙脫逃，跳落主人家嘅古井而死。之後每日就會喺古井入面傳出「一隻……兩隻……」嘅數碟聲，最後阿菊會發出全屋都聽到嘅悲痛哭叫「少咗一隻…」。而事件後無耐，主人家出生嘅小孩，右手缺咗中指…
日本民間傳說：轤轆首
轤轆首嘅外表同一般人幾乎無異，但半夜修頸就會伸長，係日本有名嘅妖怪。傳說中呢種條頸伸長變妖怪嘅現象，會發生喺好多睡夢中嘅女性身上，聽完真係嚇到夜晚瞓唔著！由於喺江戶時代以後嘅文獻多次出現，因此有種講法話，「轤轆首」並非妖怪而係一種異常體質嘅人。
日本民間傳說：野箆坊
野箆坊係臉上無眼睛、鼻子、嘴巴、耳朵等五官嘅妖怪，由好耐以前開始，日本各地就有好多有關呢個妖怪嘅故事。除咗臉之外，野箆坊外表同一般人無乜分別。佢以嚇人為生存價值，據說只要嚇到人就滿足，唔會再有其他危害。喺好多電影同動畫中都會出現，除咗令人感到恐怖之外，睇起嚟仲有啲好笑。
恐怖電影：貞子
喺1998年《午夜凶鈴》上映後，「貞子」帶領咗日系恐怖電影嘅風潮。故事講述有志成為女演員嘅山村貞子被投入井底殺害，佢嘅特徵係身穿白衣，喺長長嘅黑髮中露出一隻眼睛。由於對人世尚有遺憾同怨恨，所以佢會咒殺睇咗「詛咒錄影帶」嘅人。貞子喺電視機爬出來，或者由井入出來嘅畫面非常經典。但而家電視機已經唔喺大牛龜，本來以為貞子有存續的危機了，結果喺電影《貞子3D》中，佢嘅活動伸移到網路同埋所有螢幕上。
恐怖電影：鬼來電
呢套喺2004年上映嘅日本電影。經手機收到死亡預告嘅人，會如同預告所言一樣死去。呢套恐怖電影，後來系列化，仲有荷里活remake版呢。
某日手機上顯示「你有未接來電」，一聽留言卻係令人汗毛直豎嘅自己慘叫聲錄音。來電顯示亦係自己嘅手機號碼，來電時間係三日後。當時以為係惡作劇而不以為意，但三天後卻發出同錄音同樣的慘叫，喺來電時間死去。從此「死亡預告電話」嘅恐怖開始蔓延…
大家睇完呢啲鬼故同都市傳說，有覺得炎夏變得寒風陣陣嗎？………………
Comments