乜嘢係歌舞伎（Kabuki）？Fun! Japan Words系列文章

歌舞伎（Kabuki）係日本傳統嘅歌舞劇，起源於17世紀，亦係西方文藝復興時期，舞台劇（例如莎士比亞劇作等）蓬萊發展嘅時期。雖然兩者發展嘅時代相近，但歌舞伎同西方舞台劇就有好大分別。

歌舞伎嘅特徴

歌舞伎嘅最大特色係每個演員複雜精細嘅服裝、化妝同演技。其實最開始嘅歌舞伎係全女班演出所有角色。但到咗江戶時代，因為女性被禁止喺舞台上表演，就演變成現代咁樣，由全男班演出，連女生角色都係有男演員演釋嘅歌舞伎。

歌舞伎有提供翻譯嗎？

歌舞伎可以話喺日本嘅古典藝術當中，現時其中一項最受歡迎同愛戴嘅。雖然戲劇內容係對日本人嚟講，都好深嘅古典日文，但而家有部份劇場提供咗即時英文傳譯，只要戴上耳機，就可以聽傳譯，理解內容含意，充分咁欣賞歌舞伎表演。

歌舞伎可以喺邊度觀賞？

如果你都鍾意呢項日本傳統文化，可以去到日本大城市中嘅歌舞伎劇場，其中最出名嘅要數東京銀座嘅「歌舞伎座」，同埋大阪嘅「松竹座」，都係值得要一次嘅朝聖之地啊！