北海道之旅必訪的小樽市
小樽市係好多去北海道嘅遊客最愛造訪嘅小城鎮，呢度沿住運河發展，並且處處可見多個特色市集，您可以喺呢度搵倒手工玻璃製品店，或者專賣芝士蛋糕嘅甜品店等等。仲想發掘更多小樽嘅好去處嗎？您一定要試下呢度嘅壽司！小樽新鮮嘅海產亦甚廣為人知，所以您千祈唔好錯過啦。無論壽司或魚生都一定會係您喺小樽或北海道必吃美食！以下將介紹我哋喺小樽市內嚴選出嚟嘅四家壽司料理。壽司屋 高大（Sushiya Kodai）
「壽司屋 高大」係一家企住食嘅壽司料理店，其主廚喺小樽嘅另一家知名壽司料理「伊勢壽司」修行過之後先至獨立門戶，開自己嘅壽司店。呢家店僅提供立食吧台席，藉此縮減成本，令您可以實惠嘅價錢享用最新鮮嘅壽司。店主每日都會由魚貨市場購買當日新鮮捕獲嘅海產作為食材。我哋嘅必食推薦係三文魚及三文魚籽，呢兩樣都係北海道嘅名產！
Yoshi
「Yoshi」位於小樽車站嘅徒步圈內，若您想品嚐小樽出產嘅新鮮海產，咁就一定要嚟呢度。我哋推薦海膽壽司！佢地係由小樽港捕獲嘅馬糞海膽製成，新鮮嘅海膽食起上嚟非常鮮甜軟嫩。除咗海膽之外，亦推薦您試食佢地特製嘅海鮮丼—用大碗裝著米飯，加上如海膽、三文魚籽、蟹肉、蝦、金槍魚、三文魚及鮑魚等新鮮海產蓋於飯上製成。
小樽 政壽司（Otaru Masa Sushi）
「小樽 政壽司」係小樽市內數一數二具有豐富歷史嘅壽司老店，而佢本身已開業70多年。為咗提供比顧客最新鮮嘅海產，店長每日會親自到魚貨市場確認、採購新鮮嘅漁獲並親自帶回店料理。想謂嘅係，您絕對唔會喺呢家店食倒隔夜嘅海鮮！我哋推薦您一定要食佢們推出嘅豪華壽司盤－「匠」，包含咗金槍魚肚、牡丹蝦、龍蝦、扇貝、貴妃蚌、三文魚籽以及其餘幾味新鮮海產。我哋嘅特派員平時唔敢食海膽，但佢覺得「小樽 政壽司」嘅海膽非常好味，所以佢每次造訪呢家店時都會品嚐，依家海膽已經成為佢喺呢間店最愛嘅一味。
群來膳（Kukizen）
「群來膳」係北海道中唯一一家榮獲米芝蓮兩星殊榮嘅壽司料理店。即管如此，佢地卻以經濟實惠嘅價格提供新鮮嘅壽司料理！若您點嘅係「Omakase（お任せ，意指主廚推薦）」壽司，您就可以品嚐倒一系列令人流晒口水嘅壽司同魚生片！每道料理都經過精心手法烹製，令食材得以發揮出佢地最原始嘅美味。
Comments