您知道幾多種？日本火鍋料理嘅正統食法與禮儀！

壽喜燒、涮涮鍋、牛腸鍋……將蔬菜、肉、海鮮等食材放入煲後、直接於枱上邊食邊煮嘅日式火鍋料理一般家庭餐桌上經常都會出現嘅料理，特別係寒冷嘅冬天就更係受人喜愛。今次我哋就會嚟針對火鍋料理嘅食法、餐桌禮儀以及久遠歷史嚟為大家做介紹！

火鍋料理之製法及食法

先將魚或肉等食材先放煲內、由湯頭將之煮得入味，之後就可以放入白蘿蔔、紅蘿蔔等需要長時間煮嘅食材，最後先放豆腐、香菇等容易煮爛嘅食材，等全部食材都煮熟就算大功告成。

唔同食材所搭配嘅醬汁都會有唔同，例如什錦鍋的話，就會沾上由柑橘類果汁、醋、醬油等製成嘅橙醋；放有豬肉嘅火鍋的話，則係習慣沾上芝麻醬食用。

日本國內亦有等煲內食材都被食完之後，再放入白飯、烏冬或拉麵等享用嘅食法㗎！

事實上，基本禮儀係坐喺火鍋附近嘅人要負責將食材入鍋，再一邊注意食材煮熟程度，所以入座前位置嘅安排都要經過一番事前考慮㗎～

如果係同朋友、家人等聚餐呢種輕鬆場合的話，就唔需要特登煮熟分食；但係如果係同公司上司、前輩或接待長輩等場合的話，禮儀就係要照著輩份順序嚟分食。記緊分食時係唔可以用自己筷子，而係要使用公筷。而且將筷子掉轉頭用係被日本人視為非常唔禮貌嘅動作，所以食火鍋時，要特別注意千祈唔好將自己筷子調轉嚟用呀！

火鍋料理其實係從公元前131世紀～公元前4世紀開始嘅。古人會將大型陶煲放於爐火上並放入食材烹煮，並唔係大家圍著一個煲食，而係事前就會將食材先分好。其後到咗江戶時代後期（約是18世紀後期）時，就演變成眾人於座位準備火盆或火爐、再放上約1~2人分量嘅鍋享用嘅食法－「小火鍋」。

最後到咗明治時代文明開放時期，政府亦開始鼓勵人民食用至今一直被禁止嘅肉食。因此使用牛肉為主嘅火鍋料理「牛鍋」、即「壽喜燒」鍋，就係喺呢個時候流行起嚟。直至近代矮餐桌與煤氣爐普及，就更演變成類似於現代食法、亦即係用大家圍著一個煲一齊食用嘅火鍋料理，於大眾之間廣為流行。

近年更有歐風蕃茄鍋或燉菜鍋陸續登場，從而令火鍋料理成為日本人餐桌上常見嘅料理之一。唔知您身處嘅國家嘅火鍋料理風格又係點嘅呢？請喺評論欄留言同我哋分享啦！