所謂嘅「關東煮」，即係先用昆布、鰹魚乾熬煮高湯，再將烤豆腐、薩摩炸魚餅、魚丸、魚肉山藥餅、獅子狗(竹輪)等魚肉製品，同埋蒟蒻、白蘿蔔、烚蛋，以長時間燉煮而成嘅料理。日本便利店收銀處旁邊通常都設有關東煮販賣區，因此關東煮可謂貼近人民生活嘅國民美食之一，特別係寒冷冬天就更加受人喜愛。今次就等我哋嚟介紹關東煮嘅歷史同食法啦！
關東煮源自用竹籤串成豆腐火烤嘅「田樂豆腐」
「田樂」即古時人民種田時為祈求五穀豐收、而隨著太鼓同笛子節奏翩翩起舞嘅文化。因為將豆腐串起後嘅外觀酷似田樂舞，因此後人就喺「田樂」（でんがく）二字（dengaku）前加上「お」（O）、再省略後面變成「おでん」（Oden）。自此之後，食法就演變成於豆腐表面抹上味噌後再烤焗，然後再慢慢演變成現今食到嘅味噌田樂豆腐。除咗豆腐以外，江戶時代亦出現使用芋頭、茄子、蒟蒻等多種食材代替豆腐嘅變種食法𠻹！
隨著醬酒醸造盛行，關東煮因而誕生
由田樂豆腐演變到今日關東煮嘅過程有好多唔同講法。其中一種係江戶時代後期、千葉縣銚子市、及野田市盛行醸造醬油，因此將醬酒滲入食材，關東煮做法就順應誕生。與現今相比，當時市面並無太多湯汁；直至到咗明治時期湯汁種類逐漸變多，做法就喺大正時期向關西方向流傳，所以關西日文叫法並唔叫「おでん」（Oden）而係叫「関東煮」，亦即係我哋所講嘅關東煮名字由來。
昭和初期只可以喺專門店或小食攤買到關東煮，直至昭和後期先成為家庭料理
昭和初期，關東煮仲係一樣要去專門店或者小食攤先食得到嘅野，喺民居入面係幾乎食唔到嘅。但隨著時代演變，湯頭、魚肉製品等開始喺超市出售，百姓只要將食材放入湯汁裡面煮，就可以簡單煮出關東煮，於是發展成家常菜之一。到咗1980年，便利店仲開始賣關東煮，正式成為貼近人民生活嘅國民美食。
我想知道關東煮嘅製法同食法！
用昆布同鰹魚乾煮好湯底後，需要先將長時間煮過嘅白蘿蔔、蛋等食材放入湯入面，然後再陸續加入其他食材，之後再較慢火燉煮就得。要留意魚肉山藥餅等煮太耐會爛嘅食材，記得要最後先放啊！如果想煮得更入味，亦不妨可以用刀喺食材表面先輕輕切過一刀，先再放入湯到～食嘅時候，可以喺碗碟上沾芥末等調味料。日本國內亦盛行熱日本酒／熱燗（atsukan）（約50度左右）配關東煮嘅套餐，喺寒冷冬天下，呢個配搭絕對會係令身體暖入心嘅人氣配搭！
當然，關東煮亦喺遊日觀光客當中具有極高人氣。下次您到日本嘅時候，請您記住一定要試，之後同我哋分享您嘅感想呀！
Comments