通常當外國人第一次嚟到日本嘅時候，都一定會去試試日本人最愛嘅日式食物「拉麵」。如果鍾意食拉麵嘅您，都想知道拉麵餐廳背後嘅故事，咁呢篇文章就一定可以令您有所得著喇！
何謂豚骨拉麵？
首先，我哋要先為您解釋何謂「豚骨」。豚骨，即豬骨，代表料理中含有豬骨成分。例如使用咗大量豬骨湯汁嘅博多原創拉麵，就幾乎係全日本最受歡迎嘅麵食種類。相較其他麵條，豚骨拉麵用上較細麵條，原因係傳說由於博多港漁夫們需要盡快將麵食完，粗麵條並唔適合，因此就用上細麵代替，從而令漁夫們可以喺返到海上辛勤工作之前盡可能食到最多份量。
豚骨拉麵的湯汁
要講豚骨湯汁口味上嘅特色，就必定係有厚度且順喉嘅口感。要形容呢種口感，我會話佢比較似香菇湯：清淡得嚟又夠滑順。其實呢款湯汁係由煮熟嘅豚肉與豚骨煮成，湯汁溫度令所有食材嘅味道都融合埋一齊，因而創造出如此獨特嘅口味。豚肉得以與其他食材煮得相當熟嫩，食客就可以品嚐到食材完美喺口中融化嘅夢幻口感。
不過，亦有部分日本人認為豚骨拉麵油膩而且重口味，但對外國人嚟講，豚骨卻有著非凡魅力。除此之外，點選拉麵時一定要記住湯汁比例係可以自行決定嘅。大部分店家、例如我今日嚟到嘅呢間分店，就提供恰到好處嘅比例、即唔會太油，亦唔會太淡。
一蘭拉麵
一蘭係相當常見嘅大型拉麵連鎖店之一，分店及粉絲遍佈全國。作為源自福岡嘅品牌，一蘭當然就以豚骨拉麵做主打菜式。
一蘭經營模式
一蘭分店有著兩個有別於其他餐廳嘅經營特色：自助點餐模式與獨立吧台，而兩者都係為咗節省時間與保障個人私隱而誕生。實際上，有好多女性對於到拉麵店用餐都會感到卻步，原因主要係唔想被其他人見到又或聽到食拉麵時發出聲音，因此獨立式座位設計，就正好為女性們解決上述煩惱。
喺行入店舖之前，您必須先揀好您想要邊一種拉麵，然後再揀小菜或其他配菜（蛋、叉燒、蔬菜等…），無論邊一項都係日式拉麵餐廳中常見嘅款式。當買完餐券後，您就可以舒適地坐喺座位上，靜待服務人員向您遞上您一張黃色紙仔。紙上寫有詳細選項，您可以隨心挑選想要嘅麵條硬度、辣度又或湯汁濃度等等。
就如上述所講，吧台被分成數個小隔間，客人可以獨享私人空間，而職員則會由您面前嘅小布幕為您送上拉麵。當填寫完黃色表格後，您就可以㩒鐘，叫職員為您收走表格。
您或者會覺得呢個系統非常詭異，又或因為職員唔會親自到顧客身旁點餐而感到失禮，但其實種種舉動都係為咗鼓勵膽小嘅女生們能夠享用到佢哋最愛嘅豚骨湯拉麵。呢種咁有特色嘅食拉麵方式，建議您下次一定要試吓！
一蘭之森工廠
對於喜愛一蘭拉麵、又或純粹對一蘭商品充滿好奇心嘅人嚟講，一蘭之森可謂不容錯過嘅景點。一蘭之森頂層內設有一間餐廳，每週都會提供唔同款式嘅高級料理，而餐廳內亦設有3種房間、博物館以及開放式櫥窗畀遊客參觀工廠內部，因此您可以直接透過窗口觀看員工們平時製作拉麵嘅過程。但要注意，參觀只限上午9點至下午4點期間開放。
博物館
博物館範圍並唔算大，工廠亦不設見學區。館內4間房間由走廊連接，內裡寫滿咗關於準備料理過程嘅詳細內容以及一蘭創業嘅歷史。雖然文章都係由日文寫成，可能需要連同日本朋友一齊參觀或請人導覽先能夠理解箇中內容，但絕對可以令您了解到唔少關於一蘭嘅知識。
最後，館內雖然不設導覽服務，但就有多間公司提供「私人導遊」，想要朝聖一蘭嘅朋友不妨可以將呢個景點加入行程吖！
交通方式
由於博物館並非位處市中心，所而交通唔算太方便，但六亦因此可以趁機欣賞福岡郊區田野山區風光，由設施內嘅庭園內眺望極致視野景觀！
從天神出發，您可以自駕（約40分鐘）或乘搭火車前往。
乘搭福岡市地下鐵機場線至周船寺站後轉乘的士一蘭之森約需15分鐘／1,500日圓。
基本資訊
- 地址：福岡縣糸島市志摩松隈256-10
- 營業時間：每天 10:00～21:00
- 地圖：
Comments