※本篇文章刊登於 2017年7月 ※
為什麼人們愛吃壽司？
講到壽司，大家當然會諗起日本啦！呢道健康又美味嘅料理深受人們喜愛。 喺日本呢個島國可以品嚐由金槍魚到海膽，魚卵到蝦蟹等各色各樣嘅壽司。 因應日本木土嘅氣候，海域嘅水質，當地嘅漁業，造就左各個城市或地區有其獨特嘅壽司。日本六大壽司
北海道（Hokkaido）
推薦壽司：蟹肉、海膽、魷魚、扇貝、魚籽冬季世界級滑雪勝地及夏季風景名勝聞名嘅北海道，擁有好多大自然美景並成為遊客心目中嘅熱門勝地。由於其冰冷嘅水質，北海道係日本本土可以享用倒最多種貝類嘅地方。
魷魚
魷魚，日文發音「Ika」，係函館市當地最負盛名嘅海鮮。壯觀景色嘅函館山以美味海鮮聞名，對好多「搵食」人士而言，即使花上四個鐘頭嘅車程亦在所不惜，誓要食倒當地頂級名店—壽司金。
壽司金（Sushikin）
地址：040-0035 北海道函館市松風町7-18
電話：+81 138-22-4944
海膽
海膽，日文發音（Uni），以其綿密口感及濃而不膩嘅味道為主要特色。其實喺北海道周圍都可以食倒新鮮好味嘅海膽，但喺距離札幌大概兩個鐘頭車程嘅小鎮積丹町，先可以品嚐倒最頂級新鮮嘅海膽。
お食事処みさき（Oshokujidokoro Misaki）
地址：北海道積丹郡積丹町大字日司町236
電話：+81 135-45-6547
如果唔想大老遠走到去函館或積丹町嘅話，喺北海道主要城市札幌亦可以食倒供應新鮮壽司嘅餐廳。特別係札幌嘅螃蟹，扇貝及魚籽，係世界中嘅頂級美味。
壽司善本店（Sushizen Honten）
地址：北海道札幌市中央區北１条西27-2-10
二条市場呢個市集，有好多當地人或觀光客為咗食新鮮嘅海鮮慕名而來。市集裡亦有好多餐廳，如果想品嚐美味新鮮嘅早餐，呢度會係一個不二之選。
二条市場
地址：北海道札幌市中央區南3条東1丁目
東京（Tokyo）
推薦壽司：金槍魚(吞拿)
對好多美食專家來講，尋找美味嘅金槍魚一直都係一個難題。金槍魚喺日本稱作「マグロ」（maguro），做成壽司去品嚐嘅種類主要分三種。第一種:赤身—比較便宜，肉質顏色最鮮紅，亦係油脂分布最少嘅部位。第二種:中腹肉—比赤身稍貴，油脂分佈較多。第三種:大腹肉—有入口即溶嘅油脂分布，肉質亦最為鮮美。
喺青森捕獲倒最頂級嘅金槍魚會直送到東京嘅築地魚市場販賣。就好似前面提到嘅札幌二条市場，因為漁船捕獲嘅新鮮魚會喺朝早送到，所以去築地要一大早去，以海鮮餐點作為早餐。
築地將遷移至豐洲。雖然正式遷移嘅日期未定，但造訪之前請確認相關資訊。
すしざんまい別館（Sushizanmai Bekkan）
地址：104-0045 東京都中央區築地4-10-6
電話：+81 3-5148-3737
福岡（Fukuoka）
推薦壽司：明太子、三文魚
福岡最有名嘅就係天神，博多。作為主要海港城市之一嘅福岡悠久歷史，發展得十分健全。當地有名嘅盛大祭典博多祇園山笠祭亦係特色之一。同時，呢度亦係可以食倒美味壽司嘅去處之一。
明太子，亦即是鱈魚卵，係福岡嘅人氣食材。特別係福岡嘅博多，最有名嘅係辛子明太子，係經過加工調味嘅傳統口味明太子。
三文魚最初因為被認為唔乾淨，所以起初並非日本魚生嘅主要食材。直到挪威透過外銷過剩三文魚才發現其食用價值，後來將食用方法引進日本，令三文魚亦成為了主要食材。其實喺日本都可以品嚐到高品質嘅三文魚。
稚加榮 福岡（Chikae Fukuoka）
電話：+81 92-721-4624
鹿兒島（Kagoshima）
推薦壽司：油甘魚
鹿兒島縣嘅主要城市鹿兒島市，有著溫和嘅熱帶氣候及風景怡人嘅櫻島，同時亦有全九州最美火山。該城市有第一嘅油甘魚漁獲量，只要係鹿兒島官方認證嘅鰤魚都會有高品質保證。油甘魚因為肉質甜美，脂膏豐腴，深受人所喜愛。喺日文中，依照油甘魚嘅成長階段，命名會有所不同。夏季時，較常遇到年輕嘅幼魚，這時期稱作「カンパチ」(Kanpachi)。冬季時，較常遇到中等體型嘅「ハマチ」（Hamachi）。另外，油甘魚又象徵好運，所以就請放心咁將好運食落肚啦！
迴轉壽司 めっけもん ドルフィンポート店（Mekkemon, Dolphin Port）
地址：892-0814 鹿兒島縣鹿兒島市本港新町5-4電話：+81 99-219-4550
Comments