當大家去福岡觀光旅行時，當然會安排餐廳食好東西啦！所以今次文章就為大家推薦三間位於福岡嘅「日式居酒屋」類型嘅食肆。其中有氣氛舒適輕鬆嘅店，需要預約但價位經濟實惠店，同埋店員身穿和服接待客人但價位稍微較貴嘅餐廳等三種唔同種類嘅食肆。但喺呢啲餐廳都可以品嚐到福岡當地美食，歡迎大家參考吓呀！
TORITEN（とり天）：專賣雞肉天婦羅嘅日式居酒屋
小編先從呢間環境舒適且價格較為合理嘅居酒屋開始介紹。「TORITEN（とり天）」係一間專門製作雞肉天婦羅嘅餐廳。「TORI」喺日文即係雞肉咁解，而天婦羅則指裹著薄麵衣嘅炸物。一般嚟講，天婦羅係烏冬嘅配菜，但係喺呢度客人可以直接沾少少醬汁嚟享用。不過在此之前，店家會先提供一份開胃菜「TORIKAWA（雞皮）」，其實就係燒過嘅香脆雞皮。聽起嚟好似好普通，但其實好好味！至於天婦羅，真係超好味，唔似炸雞咁濃味，對腸胃負擔都無咁大。
由於酒吧空間唔大，好難容納人數多嘅客人。不過吧檯前嘅位都好舒服，所以好推薦自己一個人，或者同朋友人少少去都唔錯呀。另外呢度無英文餐廳，店員亦唔會講英文，所以溝通會有啲困難。但我相信呢啲都唔成問題，呢間店食物咁好食，氣氛又咁典型日式風格，真係好值得大家一去呀。
餐廳資訊
- 店名：TORITEN (とり天)
- 地址：福岡市中央區天神1-15-3
- 交通：由天神站往中洲川端地區徒步約5分鐘
TORIDEN（とり田）：雞肉水炊鍋
溫馨提示，呢間店個名同以上嘅店好似，但係有唔同㗎。呢間係「d」而第一間係「t」，唔好搞亂呀。不過呢間係福岡典型嘅「水炊」鍋料理，基本上就係用水煮雞肉，而雞湯味道非常地道。呢間店嘅食物、所在位置、同服務態度都非常好，所以相當受當地居民喜愛。
加白飯煮成雜炊，甚有風味
將高湯倒入去，加上蔥、椰菜、金針菇同其他食材，例如薑等等，雖然食材係喺廚房裡預先準備，但係店員會喺你面前放入鍋內。你可以直接就咁食，或者再加啲調味料都得。下面係推薦添加更夾嘅調味料：
- 七味粉（辣椒、白芝麻、黑芝麻、日本辣椒、柑橘皮、大麻籽、海苔）
- 柚子胡椒醬
- 鹽
- 柚子醋
推薦加啲柚子醋，可以帶出食材嘅甜味。如果食完之後個胃仲有空間，可以再嗌多個白飯或麵放入湯。水炊雞肉鍋嘅價錢係2,800円，加飯或麵另加600円。
餐廳資訊
- 店名：Toriden（とり田）
- 地址：福岡市中央區藥院2-3-30
- 交通：由天神南車站搭乘地鐵七隈線至藥院大通站。
SUGANOYA（菅乃屋）：身穿和服店員接待客人嘅高級餐廳
最後一個想推介嘅係可以舒適地品嚐九州料理嘅店——「SUNAGAYA（菅乃屋）」。呢間居酒屋提供熊本特有料理「生馬肉」。醬油同WASABI會隨著生馬肉一齊嚟。盤中有好多唔食得嘅裝飾配菜，視覺上可以話非常成功，令人睇見都好想食。
比較驚訝嘅係馬肉睇起嚟好似魚肉，口感柔軟且細緻。整體嚟講讓人非常滿意，但係如果你預算唔高，就有可能食唔飽。
當係俾你做個參考，小編推薦嘅食物有捲壽司、握壽司、生馬肉切片，加埋沙律、一碗飯，味噌湯同甜品，總計大約5,000円。既然去到日本先食得到，就豪食一次啦！
另外，呢間餐廳嘅傳統裝潢以及穿著和服接待客人嘅女店員，都讓外國遊客覺得好新鮮同特別添。
餐廳資訊
- 店名：SUNAGAYA（菅乃屋）
- 地址：福岡市博多區博多站中央街1-1
- 交通：由天神搭乘地鐵空港線至博多車站。餐廳位於JR博多站大樓10樓
Comments