如果講起日本出名嘅嘢食，大家可能會諗起壽司、拉麵、壽喜燒等。作為日本傳統飲食文化代表嘅和食，其中一個特徵係取材於地道，依據地域唔同而會有唔同嘅特色菜，可以品嘗到唔同嘅味道。
喺咁多種唔同嘅和食之中，我地揀咗五道代表嘅料理，推薦大家去到日本各個地方時，一定要試吓。
海中美食嘅寶庫！一次過品嘗到各種新鮮魚生嘅奢華海鮮丼（北海道）
四面環海嘅北海道出名新鮮嘅海鮮類食品，一件一件食嘅魚生壽司雖然都好好味，但會唔會想「豪氣啲」，一次過將所有海鮮放喺白飯上面嘅「海鮮丼」呢？尤其推薦嗰啲想一次過食好多唔同款式海鮮嘅人。
燒肉中嘅新寵兒！超爽口感嘅牛舌（東北）
去日本東北地區玩嘅話，就絕對唔可以錯過「牛舌」。將牛舌切片，加鹽或者醬油嚟燒烤，喺仙台嘅名物。特有嘅口感同埋香味，完全會食上癮。
唔止充滿營養價值！香滑又彈口嘅美味親子丼（関東）
去到東京咁多好嘢食，選擇多到會有選擇困難症。今次要介紹喺關東地區食嘅，係親子丼。「親」喺指雞肉，而「子」就係雞蛋，用上呢兩樣材料再放喺飯上面，就係「親子丼」。唔單止好有營養，而且香滑嘅雞蛋加上雞有雞味，相信會令喺旅行中嘅疲累都飛走。
細細件密密食就特別開心嘅章魚燒（関西）
鍾意日本嘅人，相信都會聽過「章魚燒」吧。喺小麥粉做啲皮入面，包咗章魚、薑、洋蒽等材料，燒成一粒粒嘅丸子，係起源於大阪嘅嘢食。通常會加章魚燒嘅醬油同埋沙律醬一齊食。
喺起源地食就特別好食！濃厚湯底嘅豬骨拉麵（九州）
日本嘅拉麵就喺全世界都好出名。其中一個特徵就係，無論麵條、湯底同埋餸都好豐富嘅種類同配搭。例如福岡縣嘅豬骨湯底拉麵，就係用咗豬骨嘅乳白色湯低，加上直麵嘅組合。加麵等同其他地區嘅拉麵相比，會比較特別，但就好多人鍾意呢個濃味。
日本裡面有好多好食嘅嘢，而且有一啲係要到當地先食到嘅料理，所以去日本旅行前，要做好功課，調查好餐廳等資料，咁就可以享受一個美食之旅。
Comments