日本料理中通常都牽涉大量調味料或魚產品，相信唔少素食主義者或全素食主義者前往日本旅遊時都難免會因此而感到沮喪。不過素食嘅讀者都唔使擔心，因為我哋都會為您考慮周到！東京其實都有好多素食餐廳選擇，您唔需要特登放棄您胃口。今天我哋介紹嘅，就係東京都內3家您可能會鍾意嘅素食餐廳。
T’s Tan Tan
T’s Tan Tan（ T's たんたん）係位於東京站地下街嘅素食拉麵店。坊間嘅拉麵通常都係用豬肉，雞肉或魚鮮熬成湯頭，所以素食者經常不得不放棄品嚐拉麵嘅機會。然而，T’s Tan Tan嘅拉麵湯頭只用上蔬菜與芝麻，佢哋嘅炸雞亦係由大豆製成，味道可謂同一般拉麵並無兩樣，唔講都食唔出其實係素食𠻹！
喺東京站內沿著JR京葉線方向前進，您就可以見到T’s Tan Tan舖面。由於佢位處車站內，因此晚餐時間通常都會大排長龍。我哋建議您喺午餐時段或週末到訪，咁就可以慳返啲排隊時間。
今日我就特別點咗當季menu上嘅「洋蔥味噌拉麵」同「大豆炸雞」。
T’s Tan Tan
地址：東京都千代田區丸之內1-9-1 JR東京站１樓八重洲南口改札內
交通：東京站，八重洲南出口
營業時間：週一至週日，早上7:00至晚上11:00
地圖：
SASAYA Café
由Sky Tree徒步到SASAYA Cafe只需約10分鐘步程（若您由錦絲町站起步，則需時約15分鐘）。喺通往cafe嘅途上，您可以先欣賞由Sky Tree點綴嘅萬裡無雲晴空。而到達位於河濱公園旁嘅Cafe後，你則可以身在東京內就享受到片刻寧靜氣氛。Menu方面，店家大部分素食都採用有機食材製成。除呜定食之外，佢哋亦有提供鬆餅等甜品。
我今次叫嘅係印度迷你套餐。套餐已包括兩款香氣濃郁嘅咖哩、白飯以及蔬菜配菜。店家另外亦提供使用豆豉與豆沙製成嘅料理，您甚至更可以攜定店外食物到此，喺宜人天氣下自攜午餐或小食於河邊公園一邊欣賞美景、一邊慢慢品嚐，實在係人生一大享受！
Cafe內有一家小店銷售有機食品及其他環保商品。
SASAYA Cafe
地址：東京都墨田區橫川1-1-10
交通：地下鐵淺草線「本所吾妻橋」站，步行12分鐘
JR總武線・地下鐵半藏門線「錦糸町」站，步行12分鐘（沿著大橫川親水公園）
營業時間：早上8:30至晚上6:00
地圖：
8ablish
距離表參道站僅數分鐘步程，您就可以搵到地道純素食餐廳「8ablish」嘅門牌。原宿與表參道以多元文化而著名，因此兩地四周都有好多素食／有機餐廳選擇。於2015年9月開業嘅「8ablish」深受日本人歡迎，即使我喺星期二夜晚光臨，餐廳都全場爆滿、非常熱鬧。店舖半數顧客都係外國人，內部設計時尚，您可以喺呢到感受到融入咗東京時尚街道「表參道」元素嘅新派用餐環境！
今日我點選咗「是日例湯」以及「是日意大利粉」。當您就座時，店員就會遞上手寫嘅「是日特選」菜單。
「是日例湯」實為牛蒡扁豆濃湯。味道非常濃郁，單憑味道完全唔覺似係素食。
「是日意大利粉」則係甜菜意大利粉。色彩鮮艷嘅甜菜使得料理睇上去份外好食，配上希臘卡拉瑪塔橄欖，更係完美滿足味蕾。
店內亦有一家名為「Pure DELI & STORE」嘅甜品外賣店，一場嚟到不妨順便選購埋心儀嘅零食點心吖！
8ablish
地址：東京都 港區 南青山 5-10-17 2樓
交通：地下鐵千代田線・半藏門線・銀座線「表參道」站B1出口
營業時間：週一至週五，早上9:00至晚上11:30
週六，早上8:30至晚上11:30
週日，早上8:30至晚上10:30
地圖：
Comments