五張喺橫濱必影嘅相

※本篇文章刊登於 2016年12月 ※

橫濱—距離東京市中心約30分鐘車程，位於東京南部嘅一個大城市。該港口城市國際貿易歷史悠久，於十九世紀末帶領日本現代化嘅城市之一。今時今日橫濱擁有日本群島之間最美麗嘅景觀，好多遊客都會喺呢個美麗嘅城市度過歡樂嘅旅行時光。以下係五張喺橫濱必影嘅相。

1. 橫濱港未來21（Yokohama Minato Mirai 21）

橫濱地標大廈位於正中，橫濱港未來21以其色彩豐富及美麗嘅建築而聞名。喺歷史上亦佔據重要地位，有文化遺產例如碼頭花園及橫濱紅磚倉庫。由圖片中可以睇出，黃昏、夜間景色格外動人。

橫濱海洋塔係燈塔及橫濱港口嘅象徵，為紀念橫濱港開港100週年事業而建。塔高106米，被健力氏世界紀錄列為世界上最高嘅燈塔。呢座塔喺2009年重新裝修，目前係夫婦情侶間共度浪漫時光嘅絕佳好景點。

作為開放港口嘅首批城市之一，橫濱被認為係日本最多元化嘅城市之一。自自然然地，橫濱、長崎及神戶一起造就了日本三大中華街。
橫濱嘅中華街有150多年歷史，6,000多名中國人世世代代喺呢度生活。該地區濃厚嘅東方色彩令佢成為深受歡迎嘅旅遊勝地之一。

橫濱海灣大橋連接咗橫濱及東京海灣。喺1989年完工，長860米嘅宏偉大橋一直都係專業、業餘攝影愛好者嘅朝聖熱門地點。呢度完美結合咗碧綠嘅海水、廣闊嘅視野、美麗嘅夕陽以及晚上五顏六色嘅霓虹燈，令橫濱海灣大橋成為絕佳嘅影相熱點。

三溪園身負保護茶道歷史及文化、收藏各種佛教藝術作品嘅重任，被列為國家重要文化財產。呢個花園係由企業家兼茶道大師原三溪喺1906年建成，係幾個少數繼承咗橫濱日本傳統風景嘅地方之一。如果您正尋找緊世外桃源般嘅傳統日本風景，呢度絕對係值得你參觀嘅地方。