沖繩嘅魅力唔單止係本島，仲有可以享受絕妙風景嘅離島亦係其魅力之一。由沖繩本島出發，搭乘船或者飛機都可以簡單咁到訪。盡情享受每個島嘅方式亦有所不同，今次介紹其中嘅「單日享受離島之旅」及「離島過夜之旅」。了解詳情後一定會令您感得好興奮想去玩、出發後更加可以沐浴喺離島嘅魅力之中！
一日旅派嘅話，「慶良間藍」係一定要體驗！
您有聽過「慶良間藍」嗎？
世界海洋中透明度係數一數二，見過佢美麗又獨特嘅藍，您腦海入面再容納唔倒第二個海洋。因為海嘅顏色，亦直接被稱為「慶良間藍」（Kerama Blue）。您可以喺阿嘉島享受呢個景觀。超過20個大小不等嘅島喺慶良間諸島滙集。人口約只有300人嘅小島，搭船時間約1個小時10分鐘至1個小時30分鐘，係個輕鬆愉快就可以到達嘅離島。
想同海龜一齊玩！
阿嘉島係海龜產卵同覓食嘅地方，因此會有同海龜相遇嘅機會！潛水或浮潛嘅同時尋找海龜嘅蹤影，呢種旅行團行程我想參加！
呢度係影相自拍嘅熱門景點！
※照片提供：RikkaDokka
講起阿嘉島，就唔能唔提位於島上東因嘅北濱海灘。清澈嘅海水美麗動人，
唔單止可以體驗水上活動，喺沙灘上影相亦係充滿樂趣。不論點樣攞景都好睇，係自拍嘅熱門景點XD！
離海灘不遠處就有生長茂密嘅原生林，碧藍海水與綠意，可以同時喺呢度貼近沖繩大自然。
慶良間藍、海龜等…沖繩嘅離島之旅，一日遊亦係充滿咗唔少有緣嘅相會啊！
＜交通方式＞
由那霸市嘅泊碼頭旅客候船大樓搭乘渡輪或快艇。
泊碼頭地址：沖縄県那覇市前島3丁目25-1
〇搭渡輪去
所需時間：1個小時30分鐘
1日2班船，大人往返4,030日圓、小孩往返2,020日圓
〇搭快艇去
所需時間1個小時10分鐘
1日2班，大人往返5,970日圓 小孩往返2,990日圓
過夜派嘅話，當然係宮古島！
通往天堂嘅橋！？
※照片提供：Where to Go in OKINAWA
由沖繩本島出發搭乘飛機約50分鐘嘅時間，就去到擁有多個參觀景點嘅宮古島。首先想去嘅地方係連接宮古島同伊良部島全長3.5公里嘅伊良部大橋。喺日本被稱為首屈一指嘅美，一邊揸車一邊欣賞絕美景色。天氣晴朗嘅日子，穿越向住海延伸嘅伊良部大橋嘅話，佢嘅靚讓您驚田不已！
一連串絕對會喺instagram上閃耀嘅風景！
※照片提供：Where to Go in OKINAWA
沖繩嘅離島入面，宮古島係其中透明度超高嘅美麗海洋。每年平圴氣溫為攝氏23度，冬天最冬嘅時候都有溫暖嘅20度。整年開辦嘅海上活動亦多，無論幾時到訪都可以盡興正係宮古島嘅魅力所在。
※照片提供：Where to Go in OKINAWA
一定要見識一下號稱東洋第一靚嘅「與那霸前浜海灘」，7公里長嘅白砂灘及透明度極高湛藍嘅海水！
可以獨占這樣的美景住宿就在這裡！
※照片提供：Rikka Dokka
可以同海龜相遇嘅湖就喺Shigira度假村旁邊，呢度有可以遠望海邊嘅游泳池，亦有欣賞戶外星空美景嘅按摩浴缸，是一個舒適嘅離島住宿地點。
※照片提供： Rikka Dokka
由宮古島東急飯店度假村可以望倒剛才提及嘅東洋第一靚「與那霸前浜海灘」，不論係閨蜜之旅、定係三五知己或家人同行之旅，都非常適合您！
＜交通方式＞
由那霸搭飛機嘅話
所需時間：約50分鐘
金額：單程5,500日圓
※一日約有15班航班（因應季節，時間及航班會有所變動）
您鍾意邊一種玩轉沖繩離島嘅方法呢？歡迎您喺右方留言欄留言比我哋～
Comments