2016年3月26日開始營運嘅北海道新幹線，行經海底嘅青函隧道，連接咗「新青森站」 (青森縣) 至「新函館北斗站」 (北海道)， 將原本隔海相望嘅日本本州東北地區同北海道連接起嚟。青森位於日本本州嘅最北端，函館位於北海道嘅最南端。依家由日本南部「九州」到北部「北海道」都可以坐新幹線相互連通旅行。北海道新幹線目前嘅終點站係新函館北斗站（北海道北斗市），並計劃喺2031年延伸至札幌站（北海道札幌市）。
由東京去函館需要幾耐時間呢？
由東京乘坐新幹線到達函館大約需要4小時。新幹線尚未通車前就需要5個多小時。如果搭飛機當然比較快，飛行時間大約為1小時20分鐘。但係搭新幹線就可以欣賞沿途景色，而且避免咗麻煩嘅搭乘登機手續同機場安全檢查。如果由日本嘅東北地方去函館，乘搭新幹線就又快又方便。要特別注意嘅係，新幹線停靠嘅函館站並唔係喺函館市入面。個車站名叫做「新函館北斗車站」（Shin-Hakodate-Hokuto station），位於北海道北斗市，距離函館市車程約20分鐘。
北海道新幹線的車輛
北海道新幹線的列車有「隼號」（Hayabusa, はやぶさ）同「疾風號」（Hayate, はやて）兩款。
隼號 (Hayabusa) & 疾風號 (Hayate)
「疾風號」只行駛青森同函館之間。而「隼號」就全車廂都係劃位座，無自由座車廂。當全車廂客満後，JR會開始販售「立席特急券」，中文嘅意思即係企位車票。（企位車票係座位客満之後先會開始售賣嘅車票，所以無法事前預約購買，而且只能乘搭指定車廂）
新幹線車票價格
東京與新函館北海道之間嘅新幹線票價為22,690日圓。綠色車廂（商務車廂）票價為30,060日圓和及8,280日圓。持外國護照者可以購買JR東日本・南北海道鐵路周遊券，日本國内嘅售價為大人27,000日圓／兒童13,500日圓，海外嘅售價為大人26,000日圓／兒童13,000日圓。(2019年11月資訊)
JR東日本・南北海道鐵路周遊票：http://www.jreasthokkaido.com/tc/（中文）
函館係受歡迎嘅觀光景點之一
函館係北海道受歡迎嘅觀光景點之一，係非常值得參訪嘅城市。函館山夜景更被列入為全球三大夜景之一。五稜郭（Goryokaku）被指定為特殊歷史遺跡，星型堡壘嘅五稜郭非常之靚，係函館嘅必到景點！
函館為日本北海道第三大城市，位於北海道南端，喺江戶時代國家隔離後最早開放嘅港口之一。除咗五稜郭之外仲有好多自然景點都被列入喺米芝蓮綠色指南中。若想接近大自然可以去駒ヶ岳（Komagatake Mountain）。北海道嘅美食亦相當有名，除咗海鮮之外，漢堡、咖哩、拉麵等等都係必吃美食。一於計劃乘搭北海道新幹線去個函館之旅，一定會成為美好回憶！
※本篇文章刊登於2016年11月※
Comments