大家可能都會覺得，去日本旅遊會花好多錢。但就算花幾多錢，都實在好難抗拒遊呢個咁靚嘅國家。而且遊覽時可以有好多唔同方法，其中一個嘅推介旅法，就係日本鐵道遊，即係搭火車（日文叫「電車」）旅遊。
可能外地遊客去到陌生地方，未必好敢用當地嘅鐵道系統，怕唔識路錢，又怕車飛會貴到嚇死人。
但其實日本嘅鐵道出面方便、安全、準時，就等我地嚟介紹一啲日本鐵道旅遊嘅一啲基本知識！
有乜嘢電車可以揀呢？
日本鐵路系統被認為係世界上最好嘅共公交通工具之一，唔單止快捷有效率，而且乾淨，舒適程度會為乘客帶嚟驚喜。而且日本嘅鐵路服務遍佈成個日本島，所以無論你想去邊度，用鐵道基本上都可以帶到你去目的地。
日本有好多唔同種類嘅列車，最常見就係日本鐵道公司(Japan Railways)，係原本國有鐵路民營化後嘅公司，縮寫為JR。車票上都會列咗JR標記架。
當你決定要用鐵道環遊日本後，跟住就要揀想坐嘅列車種類。日本鐵路選擇之多，可能會令旅客有選擇困難。如果唔係太趕時間，可以揀搭普通列車，或者各站停車嘅列車，慢慢欣賞沿途嘅靚景。相反，如果想快啲到目的地，唔想經唔多個站，就以以考慮搭「急行列車」。而比急行列車更快嘅叫「快速列車」，又或者你可以選擇最快速度，但班次較少嘅「特急列車」
如果真係等唔切，想要快人一步早啲到達目的地，你亦可以選擇坐日本著名嘅子彈火車—新幹線。新幹線有專用嘅高速軌道，同一般JR列車用嘅路軌唔同，速度上會快好多。
車廂分成唔同等級？
當提到日本火車時，旅客通常都可以揀普通車廂同埋「綠色車廂」，而綠色車廂(Green Car)就類似係其他地方嘅「商務」或者「頭等車廂」。「綠色車廂」會有比較大嘅座位空間，而且通常無一般車廂咁逼咁多人，所以會比較安靜，令旅程更加可以放鬆。
要注意嘅係，如果用日本鐵路通票（Japan Rail pass）嘅人，雖然可以揀坐「綠色車廂」，但需要事先訂位同埋按唔同線路加錢。
搭列車旅行要花幾錢？
搭列車環遊日本係好正，但就唔係特別平。單程幾個鐘嘅車費，唔可能平得去邊，如果搭新幹線嘅話就會更加貴。如果旅途嘅單程距離超過600公里，購買來回車票時可享有10％折扣，雖然唔多，但都算有啲幫補吓。
需要注意的一件事，就係車票喺旅遊旺季時會變加價（通常係4月、5月同12月），車票可能會要比其他時段貴上大概200日圓左右。
有折扣或是通票嗎？
如果想要搭乘火車環遊日本，建議您一定要買日本鐵路通票（Japan Rail Pass）。持有鐵路通票嘅旅客，可以係指定區間／時間內，自由搭唔唔同嘅列車，唔需要每次都買單程票，絕對可以慳好多車費。除非你遊日期間好少搭列車（火車或地鐵），如果唔係一定要搵下有無優惠PASS。
鐵路通票有唔同日數可以揀，喺指定期間內，旅客可以任搭列車。JR 7天通票要價2萬9,110日圓，14天則為4萬6,390日圓。如果想要係日本留耐啲，仲可以選擇要價5萬9,350日圓嘅21天通票。(2019年資訊)
就咁睇價錢可能會覺得鐵路通票好貴，但由東京去大阪嘅單程新幹線車票，一張就要1萬4,000日圓，來回就已經等同一張7天票嘅價錢。咁係咪慳好多呢？
需要事先訂位嗎？
遊客可以事先預定所有鐵路旅程，但其實好多時未必需要提早預訂都會有位。不過，喺新年期間、8月盂蘭盆節同埋4、5月黃金週等重要節日期間旅遊時，最好都係事先訂位比較保險，因為呢啲時候旅客人收比較多。另外亦有一啲路線係必須訂位同劃位架。如果喺去日本之前要訂位，可以透過旅行社或者日本鐵路公司嘅海外辦公室訂位。如果喺日本國內要訂位、劃位嘅話，就要去日本鐵路嘅「綠色窗口」。
Comments