海之卵水族館（Umitamago）係大分縣唯一一座擁有獨特展覽嘅水族館。海之卵水族館嘅設計同日本其他水族館唔同，比較似現代藝術館。水族館嘅主題係體驗現代藝術與海洋生活嘅完美結合。
一入水族館，你可以見到天花板上懸掛兩條巨大鯨魚，如果你親身去到，睇吓覺唔覺得好似藝術館展示作品咁呢？
海之卵水族館內各區特色
河流區域
遊客第一個去到嘅展示廳係河流區域。呢個係一個人造、模擬河川生態環境嘅展區。呢度水族箱入面嘅生物同水流都係從大分地區河流引嚟嘅。
驚奇區域
驚奇區域喺每一季都有唔同主題，等遊客可以學到唔同海洋生物嘅特性。今次睇嚟驚奇區有額外嘅水族箱展示可愛嘅日本傳統設計，好似櫻花水族箱、裝招財貓嘅水族箱等等。
驚奇區大部分水族箱都獨具特色，而且提供好多導覽資訊，隔離導覽展板上有好多關於水族箱裡生物嘅有趣小知識。導覽展板上亦附有英文翻譯。驚奇區其中一個有趣嘅地方就係藝術角落。喺呢個角落，遊客可以喺海洋生物身上學到藝術概念。水母身上炫麗嘅顏色能夠改變燈光顏色，仲可以睇到美麗嘅珊瑚。
科學區域
科學區好似一個研究海洋生活嘅大實驗室因而得名。遊客可以喺度學到各種海洋生物嘅種類同詳細知識。
戶外水池
二樓有幾個戶外水池，喺特定時間會有工作人員同可愛海洋生物喺舞台上表演，例如海象跳舞同海豚特技表演。另外，成個區域都建於別府灣上，遊客可以當喺海灣嘅美麗海濱風景下欣賞戶外展覽。
ASOBEACH
呢個名為ASOBEACH（ASO海濱）基本上係一個可以同海豚接觸嘅水池，設計成有柔軟白砂嘅人工海岸。遊客可以喺呢度同聰明嘅海豚玩遊戲，小朋友應該會好鐘意！
海之卵水族館的開館時間與入場票價
海之卵水族館嘅開館時間根據月份而有所不同。3月至10月為9:00〜18:00，而11月到隔年2月為9:00〜17:00。另外，8月暑假會有特別開放時間，水族館無固定休館日，但會因不定期嘅設施維護而閉館，所以出發前最好上官網確認最新資訊。另外，館內有各種海洋動物表演，有興趣亦可以上官網睇時間表。
水族館門票為2,300日圓（成人）、1,150日圓（中小學生）、750日圓（4歲及以上孩童）。
海之卵水族館的交通資訊
從大分站或別府站去海之卵水族館都非常方便。從大分巴士站搭往別府方向嘅大分交通巴士，或從別府巴士站搭前往大分站嘅巴士，於「高崎山自然動物園前」巴士站落車即達。
景點資訊
- 名稱: 海之卵水族館
- 地址: 大分縣大分市大字神崎字3078-22
Comments