新雪谷實際上係由5個唔同嘅滑雪場所組成，當中包括新雪谷比羅夫滑雪場（Niseko Mt. Resort Grand Hirafu）、新雪谷花園雪場（Niseko Hanazono）、新雪谷村雪場（Niseko Village）、新雪谷安努普利國際滑雪場(Niseko Annupuri)國際滑雪場以及新雪谷MOIWA雪場。而喺上述滑雪場中，又以位處正中間嘅比羅夫擁有最完善設備。不過，無論選擇身處邊一個滑雪場，冬季時遊客喺新雪谷中都可以望到被眾山環繞嘅壯麗景致以及一片茫茫白雪。
新雪谷座落於休眠火山羊蹄山山麓，係一個被大自然庇佑嘅寶地。除咗雄偉山脈外，呢到亦有眾多如詩如畫嘅景致，例如洞爺湖就係其中之一。即使係喺夏季造訪新雪谷，區內都有多種活動歡迎你參與，等您能夠不分季節，隨時享受呢個日本最美麗嘅地方之一！
如何抵達新雪谷:
好多海外遊客都會選擇從新千歲機場前往新雪谷。從機場出發，您可以乘搭火車至倶知安車站，再轉搭巴士至新雪谷，花費時間約3小時。
遊客亦可以從新千歲機場乘搭天空巴士（Skybus）直接抵達新雪谷，不過需要事先預訂車票。
新千歲機場另有提供巴士前往比羅夫，車程約3個半小時，單程票價為2,300日圓。
新雪谷多數酒店及滑雪場都有提供接駁車服務，出發前可以先查看是否符合自己需求。
遊客亦可以先前往海濱城鎮小樽市，並於當地轉搭火車前往新雪谷。此外，「新雪谷滑雪特快」（ニセコスキーエクスプレス）亦會往返札幌與新雪谷，行車時間2小時，票價為4,560日圓起。
觀光景點:
新雪谷其實並無太多所謂嘅「旅遊景點」，大部分人反而係選擇嚟呢到享受戶外活動，並欣賞山脈、河流及湖泊等大自然賦予人類嘅寶藏。
羊蹄山 Mount Yotei:
休眠火山羊蹄山標高為1898米，登山客可於夏天時攀爬至頂峰，惟冬季時則無法登頂。如果想要好好享受頂峰美景，上面亦有小屋可供遊客過夜。
洞爺湖 Lake Toya:
洞爺湖距離比羅夫約一小時車程，非常推薦於夏季時前往。洞爺湖旁邊有一個水上公園，遊客可以趁天氣暖和時潑潑水消消暑氣。此外，附近亦有多間浴場及渡假村遍佈於通往洞爺湖嘅路上。
尻別川 Shiribetsu River:
新雪谷座落於尻別川旁邊，夏天時遊客可以參加川上提供嘅各種活動。除咗欣賞尻別川令人驚艷嘅美景外，遊客亦可以於此泛舟及划艇，於河面上遨遊享受隨著急流漂泊嘅快感。
溫泉:
新雪谷嘅溫泉廣為人知。區內溫泉可分為人工或天然兩種，特別係新雪谷所有火山溫泉皆係自然形成，極具特色。據說溫泉中嘅礦物質具有顯著療效，因此十分推薦滑完雪後浸返個溫泉好好放鬆一番。新雪谷共有15家溫泉可供選擇，其中最出名嘅，就係擁有超過百年歷史嘅昆布温泉。
購物及免稅店:
心屋 Cocoroya:
心屋位處新雪谷比羅夫附近，係一間有提供免費接駁服務嘅小店。如果對古董或紀念品有興趣，建議您就一定要嚟行逛。旅客可以喺店內搵到過去曾被使用過嘅滑雪用品、古董和服，甚至仲可以搵到武士劍以及書法作品呢！
滑雪用品專賣店 Rhythm Snow Sports:
如果您想要為自己添購滑雪用具，咁就請唔好錯過Rhythm Snow Sports！Rhythm Snow Sports位處比羅夫大街上，地理位置非常方便。遊客可以喺店內租借到雙板或單板滑雪板，並購買行程隨後可能會用到嘅滑雪裝備。
Lucky倶知安店:
如果想要嘗試各種北海道美食，我哋會建議您去俱知安町Lucky超市。Lucky超市提供該區生產嘅各種食物，如果想要自己準備晚餐，您亦可以喺呢到買到新鮮肉類或魚類。除此之外，店內亦有販售多款北海道生產嘅美酒及威士忌。
點玩先最划算？
無論係滑雪定係交通，新雪谷都有好多專為遊客而設嘅優惠方案，因此建議喺出發前先確認一下，以免錯過優惠！數到冬天最划算嘅優惠，就必定係全山護照（全山共通リフト券），只要持有全山護照，旅客就可以方便乘搭新雪谷共38處登山纜車。
於滑雪季期間，遊客亦可以購買一日滑雪套票。持有套票的話，您就能夠以優惠價格購買往返機場及附近地區嘅巴士來回車票。如果您打算旋風式造訪新雪谷，咁呢款套票就會係一個唔錯嘅選擇！
如果您想要嚟一趟日本鐵路之旅，咁就要購買日本鐵路通票（Japan Rail Pass)，因為只需畀一次錢購買鐵路通票，您就可以無限次乘搭多班列車或免費乘搭新雪谷滑雪特快，非常划算！
如果您想要嚟一趟日本鐵路之旅，咁就要購買日本鐵路通票（Japan Rail Pass)，因為只需畀一次錢購買鐵路通票，您就可以無限次乘搭多班列車或免費乘搭新雪谷滑雪特快，非常划算！
到訪新雪谷嘅好時機:
新雪谷滑雪場自11月營業至4月，喺呢段期間內，由俄羅斯吹來嘅冷風會為區內帶來冰天雪地環境及高品質粉雪。冬季期間內，每日下雪嘅情況並不稀奇，因此遊客可以喺呢到欣賞到大型雪堆。此外，新雪谷積雪濕度亦屬偏低，平常濕度大概只得8%，因此成就出非常適合滑雪嘅環境。
新雪谷5月至10月時天氣會較為緩和，即使雪都已經融化，但遊客都都仲係可以喺夏季期間體驗到各式各樣嘅戶外活動㗎！
Comments