教您用Loppi機買演唱會或觀光門票

相信各位日本音樂迷或熱愛日本活動嘅遊客喺日本便利店購買門票時，或多或少都會遇上一啲問題。

我哋今日要介紹嘅，就係點用LAWSON便利店（ローソン）嘅 Loppi系統買飛。如果您想買吉卜力美術館嘅門票，都係要用呢部機嚟買飛㗎！

嚟日本嘅旅客可能會想去睇心愛樂隊嘅演唱會、參加戶外活動，又或參觀吉卜力美術館，不過您又知唔知應該點樣買飛呢？

首先您可以睇下官方網站上有無「Loopi」字樣以及一組號碼，有嘅話就代表您可以喺LAWSON買飛。

首先記低 Loppi專用號碼，然後嚟到購票機面前。
Loppi機販售嘅票券包羅萬有，當中包括活動、表演以及旅行相關票券等等。

您可以使用關鍵字或日期搜尋相關活動，但用Loppi「直接購入門票」（チケットの直接購入）功能嘅話則可以慳返10倍時間！
輸入Loppi號碼（Lコード）後，螢幕上就會出現活動相關資訊，確認內容無錯後請按下OK。
例如下面係東京代官山某會場舉辦嘅演唱會資訊：

喺選完所需門票張數後，您會面臨首個難關，因為喺呢個步驟中您必須用日文輸入姓名以及手機號碼。

如需協助，您可請求店員或朋友代為幫手。

所有步驟都完成後，Loppi機會列印一張印有所有資訊嘅紙條。您必須喺30分鐘內手持呢張紙條去收銀處畀錢，店員先會為您列印真正票券。

下面呢張就係門票喇！

接落嚟您就可以懷著興奮嘅心情去睇心愛樂隊嘅演唱會！

Loppi官網英文解說：