咦？奇怪喇，點解會有咁多外國人喺到排隊嘅呢？
其實呢到係JR澀谷站站內一角。
而呢批外國人排隊嘅地方、亦即係上圖所指之處，係叫做「JR資訊服務中心」（JR Information）嘅站內設施。
圖中雖無影到所有標示出嘅文字，但其實呢到係兌換日本鐵路通票（Japan Rail Pass）嘅地方。
佢係一張容許喺海外居住嘅旅客無限次數乘坐（乗り放題）JR列車嘅pass，只要以便宜價格購買一Pass在手，您就能夠盡情乘搭列車。
基本上，日本鐵路通票可以畀您喺日本旅遊期間，能夠隨時乘搭指定列車去您想去嘅地方。
不過請注意，日本鐵路通票並唔能夠喺日本國內購買，而係必須先喺您自己所住國家購買。
舉個例，嚟自香港嘅旅客就必須先喺香港購買，通票通常都會由旅行社販售。
又舉個例，我有一位嚟自印尼嘅朋友，佢就以花咗3萬幾yen購入咗一張7日鐵路pass。3萬睇上去好似好貴，但實際上呢個價錢可以話係非常抵，因為您可以喺呢這7日內無限次乘搭新幹線或日本鐵路公司嘅一般列車到您想去嘅地方，包括大阪、札幌、名古屋、川崎、長崎、京都或奈良等等。
如果您住喺日本，單係東京到大阪嘅新幹線來回車飛就已經需要超過3萬日圓。
當您喺自己所住國家買好日本鐵路通票後，就可以到日本嘅JR資訊服務中心兌換實體車飛。
喺您第一次使用時，車站職員會喺車飛蓋上紅色印章，代表首次乘搭嘅日期。
如果您都想到日本各地旅遊，就千祈唔好忘記買日本鐵路通票喇！:)
Comments