來去高知
高知有一座稱作高知龍馬機場（Kochi Ryoma Airport）嘅小型機場，提供連結大阪、東京與福岡嘅航班服務。
不過如果您較鍾意乘搭日本鐵路運輸系統於日本國內旅遊的話，咁您都可以從岡山乘搭JR土讚線（Dosan Line）到高知。當然您亦可以由岡山選搭特急南風號（Nanpu Limited Express Train），雖然索價要5,990日圓，但僅花2小時即可抵達。
觀光景點
✓高知城（Kochi Castle）:
高知城係日本國內僅存嘅白色城堡之一，因而備受矚目。您可以免費於園內散步或者花費400日圓走入城堡參觀並一睹城內風采。特別係春季遊覽時，您一定要趁機由城內眺望遠處美不勝收嘅景色！
✓播磨屋橋（Harimayabashi Bridge）:
播磨屋橋因作為當地民間愛情故事之舞台而聞名。故事講述一位和尚愛上當地一位女子，某一日和尚喺播磨屋橋上將日式髮夾送畀呢位女子作為禮物，結果使得秘戀被揭發。最終呢對戀人因而走上私奔之路，而呢座橋就係因為呢段愛情故事而一躍成名。
✓地球33番地（Chikyu 33 Banchi）:
如果您嚟到高知，地球33番地必定係縣內一個好玩又奇妙嘅景點，因為佢就位於東経133度33分33秒及北緯33度33分33秒，所屬經緯度一共出現咗6次33。全世界只得10處地方嘅經緯度係以如此數字排列㗎咋！
✓高知縣立牧野植物園（Kochi Prefectural Makino Botanical Garden）:
如果您是愛好植物之人，咁就可以不妨考慮嚟到高知縣立牧野植物園作小旅行，因為您可以喺園內搵到超過1,500種植物物種。植物園原為向舉世聞名嘅植物學家牧野富太郎博士致敬而成立，園內共被劃分為超過六個區域，遊客隨處都可見到各式各樣嘅植物。園區入場費為500日圓。
✓五台山（Mount Godaisan）:
五台山係一座落於高知市中心嘅山峰，其命名源自中國五台山。山上有一座聲名遠播嘅寺廟竹林寺，此處同時亦係高知有名嘅朝聖聖地。
免稅輕鬆購
✓當地美味:
日本人通常都會用鰹魚乾（即由鰹魚刨成嘅薄片）為料理增添風味，欠缺鰹魚乾就彷彿少一樣調味，可見其地位之重要。嚟到高知，遊客必買手信之一就係鰹魚乾，高知縣內您隨處都會見到售賣鰹魚乾嘅店舖。
✓永旺夢樂城購物中心（AEON Mall）:
如果您想要喺高知購物又想身處室內商場就買齊所有心儀商品的話，永旺夢樂城購物中心就會係您最佳選擇。喺呢到您可以搵到無印良品等多個日本常見品牌以及其他衣服、飾品、鞋子或生活雜貨。購物中心營業時間為每日早上9點到晚上11點。
交通優惠
如果您想喺高知境內以慳錢又有效率嘅交通方式移動的話，從JR高知站出發嘅MY遊巴士（My-Yu Bus）會係您值得考慮嘅方式之一，最重要係一日券只需900日圓，非常抵坐！
最佳到訪時節
高知係眾多觀光勝地中尤其擁有分明四季氣候嘅地方之一，意味著遊客可以在此充分感受季節流動，幾時造訪全關乎閣下個人喜好！
★春季：
推薦一定要喺春暖花開之際造訪高知，因為屆時您可以喺市內欣賞到日本最著名亦最美麗嘅櫻花。而且一年當中，春季氣溫份外宜人，整個城市都會喺霎那之間被染上粉嫩色彩㗎！
★夏季：
隨著季節推移，您可以喺氣溫逐漸升高嘅夏日時節將波光粼粼且綿延無盡嘅太平洋盡收眼底。
★秋季：
秋季時，您可以享受到由掉落於城市中嘅片片亮銅色秋葉所帶來嘅多采多姿景色。秋天嘅高知氣候溫和，但與此同時亦係日本國內旅遊較為繁忙之時期。
★冬季：
雖然踏入冬季後氣溫會逐漸減低，但如果您鍾意萬物皆靜嘅氣氛的話，冬季就會係您到訪嘅最佳時機，尤其係您可以計劃走訪附近山區同時享受環山雪景！
Comments