祖谷蔓橋係位於德島縣祖谷嘅觀光景點，亦係一個被列為日本國家指定重要有形民俗文化財嘅珍貴景點。
關於祖谷蔓橋
橫跨祖谷溪嘅「祖谷蔓橋」位於山谷中央，係一座利用當地自然生長嘅藤蔓編結而成嘅橋樑。即使橋梁嘅繩索係採用植物而製成，但成座橋重達6公噸！祖谷蔓橋位於河水面上方約14米處，係一座非常原始嘅吊橋，歷史悠久，據聞於約800年前所架設而成。
呢片位於深山中嘅土地，其實仲有出名嘅地方，就係流傳於此嘅「怪物和幽靈傳說」。例如「子泣爺爺」（老人樣嘅嬰兒，會好似嬰兒咁泣喊）。據說祖谷蔓橋當初係敗於源平之戰嘅平氏家族，為咗前往劍山嘅平家馬場進行訓練而架設嘅橋。仲有另一個講法,相傳使用藤蔓架設橋梁，如果後方敵軍追趕上嚟嘅時侯可以即刻砍斷橋梁,斷絕追兵嘅去路。平氏家族中嘅悲劇傳說，進一步加深人們對於此地區嘅神秘感。
祖谷蔓橋必睇特色位
過祖谷蔓橋時非常刺激，由於橋係由藤蔓大略編織而成，橋面每一根木條之間嘅空隙非常闊，腳幾乎可以插進空隙裡面。過橋時，橋甚至會來回晃動。
另外，祖谷蔓橋每晚7點到9點30分會點燈。呢段時間雖然唔可以過橋，但係可以從下面欣賞點燈後閃耀嘅橋，充滿幻想般嘅氛圍。
橋樑構造亦值得注意。祖谷蔓橋每三年會重建一次，重建頻率高到令人驚訝。
祖谷蔓橋周邊景點
除咗平氏家族與祖谷蔓橋之間嘅神秘故事，另外由於祖谷蔓橋之地比較偏遠，住係呢邊嘅居民們與外界互動唔多。當中獨特嘅建築物、以茅草屋為主嘅「落合集落」景觀亦係該地區獨特有趣嘅特色。「落合集落」至今仍保存江戶時代中期建造嘅房屋。
另外，吉野川激流歷時2億年以上沖積而成嘅大步危和小步危峽谷，令該地區嘅神秘色彩增加。
祖谷山村可以講得上係充分展現出日本原始嘅自然景觀。
景點資訊
- 名稱：祖谷蔓橋
- 地址：〒 778-0102 三好市西祖谷山村善德162-2
- 交通方式：JR阿波池田站→[四國交通巴士 祖谷線]善德巴士站…步行約2分鐘 / JR大步危站→[三好市營巴士大步危線]蔓橋巴士站…步行約1分鐘
- Wi-Fi：有
- 購票方式：現場購票
- 信用卡：不可使用
Comments