[KAWAII小資女穿搭術 with GU]
上一次同大家介紹過同款橙色針織上衫嘅穿搭，可能會有讀者覺得橙色太鮮豔、好難配搭，於是紛紛問我哋其實有無第二隻顏色係好襯啲嘅呢？徇眾要求，我哋今次就購入咗一件深藍色針織上衣！深藍色款的話大家應該都會比較容易接受啩？而且今次仲會順便介紹埋模特兒自己手工製作嘅飾品，所以千祈唔好錯過今次內容，記住要睇到最後喇！
以同色系配搭著出上班風與整潔感
首先我哋拎嚟襯深藍色上衫嘅，就係同樣嚟自GU嘅淺藍色褲，然後再配上一個同樣係藍色系嘅手袋，咁就可以畀人乾淨整潔嘅良好印象。當您唔知要點樣穿搭嘅時候，可以嘗試以同色系服飾進行搭配，係唔係即時就覺得安心得多呢？今次我哋仲特登配上尖頭高踭鞋，瞬間打造出型格風！
隨著領口形狀改變，臉部印象亦會隨之改變！
因應衣服有領、無領、V領、圓領等唔同衫領嘅形狀，臉部印象亦會隨之改變，所以衣領係穿搭當中非常重要嘅一環。如果您想要整潔俐落嘅感覺的話，可以選擇V領；想要打造可愛印象的話，則可以選擇圓領或無領嘅上衫。由於今次介紹嘅針織上衣係V領圓領兼備嘅設計，因此前後兩面都方便穿搭，您可以根據當天風格再自行選擇。上圖係使用圓領做主軸嘅作為穿搭，配上質料柔軟嘅白色長褲，就可以即時展現出女性氣質。
配上手工飾品，豪華感立即升級！
本系列文章當中相當吸睛嘅飾品，其實係由模特兒自己手工製作之物。雖然好想配戴名牌飾品又或高價位嘅品牌飾品，但總係無法隨便話買就買…有同樣煩惱嘅您，有無諗過嘗試自己嚟做一個呢？喺雜誌或網站上睇到想要嘅飾品後，就去手工雜貨店選購材料啦！您可以做出自己想要嘅飾品後再自行加工裝飾，如果能夠做出一個自己都好滿意好鍾意嘅作品，咁每日嘅穿搭就一定會更有趣喇！
Comments