化妝袋系列文章嚟到第5回，今次要介紹嘅就係電機製造業內勤OL嘅化妝袋。辦公室長期開著冷氣，室內又凍又乾燥，因此亦容易出現唔上妝、嘴唇乾等問題…相信唔少女性都有以上煩惱吧？如果妳都係當中一員，就請妳一定要睇吓今次介紹嘅化妝袋內裝咗啲乜嘢喇！
護唇膏與唇膏數量引人注目
要對付乾燥，護唇膏可謂非常重要。雖然可以想像到主角會經常喺辦公室搽唇膏，但就算如此，上圖唇膏嘅數量都未免太多了吧…？
「由淡粉紅色到深紅色、或珍珠色澤，各種唇蜜嘅款式我都有。因應早上、中午、晚上唔同時段；辦公室業務、開會、食飯等唔同地方、場合，我所使用嘅唇膏亦有不同，所以先會有咁多支。」
的確，一早返工就化鮮豔妝容又好似唔太適合；相反，聚餐時太過淡妝又難以令對方感覺到氣勢。唇膏嘅顏色深淺原來係為咗應付唔同場合！咁呢支透明嘅棒狀物體又係係咩嚟嘅呢？等我哋趁呢個機會，徹底了解日本OL嘅唇膏哲學啦！
配合透明棒與唇膏刷頭謹慎地搽唇膏
據講本人基本上唔會直接將唇膏搽上嘴唇，而係使用唇膏刷作輔助。咁呢支透明棒又係咩東東呢？
「就好似百貨公司化妝品專櫃售貨員所用嘅工具一樣，先將唇膏或唇蜜搽喺透明棒上，之後再用唇膏刷搽上嘴唇。」
的確，現場所見，透明棒可以將本人嘅唇妝化得非常貼服嘅同時，又有保持唇膏與唇蜜乾淨嘅功能。了解完其功用之後，再落嚟就等我哋睇吓佢到底係點樣化唇妝啦！
以下呢支就係今次所用到嘅唇蜜。
首先將唇蜜搽上透明棒。
之後再用唇膏刷沾上唇蜜，並搽上嘴唇。
聽起嚟好似好晒工夫，但係其實只要跟住圖片步驟，好快就可以完成。
唇妝一直一成不變嘅妳，又或在意唇妝嘅妳，下次一於試吓用呢個方法啦！試完之後記住要同我哋分享妳嘅心得呀！
Comments