講起名古屋，大家會諗起以金錿而出名嘅名古屋城，仲有味噌炸豬排、世界炸雞翼等美食。文化上稍為獨特嘅名古屋，有個叫做「榮」嘅中心市區，好多外國人嚟旅遊都會到訪名古屋市，但如果特登咁遠水路嚟到名古屋，只去名古屋就太可惜！其實由名古屋可以即日來回去到好多地方，今次就等 FUN! JAPAN 精選出五個唔可以錯過嘅觀光景點畀大家。大家按地方嘅圖片，就會連結到去相關嘅介紹文章！
※金錿係指裝飾喺名古屋城屋頂兩端嘅金色魚形幻獸
以合掌造而有名嘅世界遺產白川鄉！
白川鄉非常受外國人歡迎。無論是稻田青鬱的夏季，還是積雪的隆冬，都能體會夢幻般的風景。從名古屋到白川鄉開車約需2小時半。兩地之間也有高速巴士，就算對附近不熟悉的旅客也能輕鬆當日來回。
到名花之里體驗世界第一花燈！
三重縣桑名市嘅名花之里，可以欣賞到秋海棠、玫瑰、繡球花等，係日本最大規模之一嘅植物園。呢到除咗值物之外，最出名嘅係以700萬個LED燈排成嘅日本第一花燈！非常壯觀。由名古屋開車去大概要30分鐘。因為亦可以搭高速巴士去，所以成為訪日旅客注目嘅人氣景點。
日本通一定會想去一次嘅伊勢神宮
日本人「想去一遊」嘅排行榜上經常榜上有名嘅伊勢神宮，當然亦都深受嚟日本旅行嘅遊客歡迎。伊勢神宮不單止係香火鼎盛嘅著名神社，亦係出名嘅能量景點。另外，重現咗江戶時代街景嘅托福橫丁亦係佢魅力之一。由名古屋去三重縣伊勢市，電車大概需要個半鐘。
其實可以由名古屋即日來回去京都！
要去世界知名嘅觀光地京都，由名古屋出發嘅話，推薦坐新幹線去，只要30分鐘左右就到了，係咪意外地好快呢？！若果係外國旅客，喺日本用無限坐新幹線嘅 JR Pass，就算住名古屋都可以輕鬆到京都。當然，就算坐一般電車亦都可以即日來回，單程大概2個鐘左右。
名古屋亦可即日來回去大阪！
近年來深受遊客歡迎嘅大阪，亦都係可以由名古屋即日來回。一般電車車程大概２小時，完全可以即日來回。但如果用JR Pass坐新幹線嘅外國遊客，1個鐘就去到。完全可以以名古屋做據點，遊哂成個關西地區！
Comments