秋天將日本各地染上咗豔麗嘅色彩，係一年之中，其中一個好靚嘅時期。如果計劃秋季去到東京旅遊，咁就非常推薦要去東京都立川市嘅國營昭和紀念公園走一趟。
國營昭和紀念公園喺全東京占地最廣闊嘅公園，由東京市中心搭車，只需30分鐘就到。
日本秋天嘅色彩—紅葉＆銀杏
國營昭和紀念公園種植咗好多唔同種類嘅樹木同花卉，係個可以欣賞秋季色彩嘅絕佳地點。
呢度之所以特別受歡迎，除咗有紅葉之外，仲坐擁銀杏大道，秋天時，地上面就好似鋪咗一整條鮮豔金黃色嘅地毯一樣。另外，呢度亦都好受攝影師，同埋鍾意影相打卡放上網嘅遊客歡迎。呢條銀杏大道長達300米，喺公園嘅西側，地點都幾容易搵到，因為你離遠就會見到好多人喺嗰度影緊相、自拍，或者幫可愛嘅寵物影沙龍。
乜嘢時候嚟係最佳時間呢？
如果您計畫要去影銀杏大道，就要喺11月中旬去啦。到12月左右，銀杏葉就會好快咁掉落。去之前當然要查好天氣預報，因為去到秋天嘅時候，公園會比市區凍啲，大家要做好準備。當然，最好就大晴天嘅日子去比較好，如果想影靚相，係要一個天晴氣朗嘅日子～！
唔止係紅葉同銀杏，再加埋綠葉配襯，當你抓到呢個彩色嘅美景之後，當然要放上網呃吓LIKE，分享畀大家睇你影到嘅美景。
日本庭園、盆栽及遊園小火車
嚟到國營昭和紀念公園嘅話，亦可以順道去參觀呢個嘅工作坊。仲有喺日本庭園附近嘅盆栽苑，展出咗各種精緻盆栽，畀遊客欣賞，令大家可以進一步了解呢樣生活藝術。
除咗賞花賞葉、燒嘢食同埋做運動外，公園入面仲有小火車，環繞整個公園。您可以喺公園內唔同嘅地點上落車，慢慢欣賞國營昭和紀念公園入面多個唔同嘅庭園。最受歡迎嘅日本庭遠喺公園最中央，可以由呢度嘅小屋欣賞哂整座湖嘅絕美影緻。
※所有照片著作權為@frameoftravel所有
景點資訊
- 景點名：國營昭和紀念公園
- 地址：〒190-0014 東京都立川市緑町3173
- 開園時間：9:30～17:00（根據時期不同可能有所變更）
- 入園費：15歳以上之成人票450日圓、65歳以上之敬老票210日圓、中三以下及小學生免費（另有設置免費入園日，詳情請上官網查詢）
- 休園日：年底年初（12/31・1/1）、2月的第4個週一與隔天
- 交通方式: JR青梅線・西立川站步行約2分鐘、JR中央線・立川站步行約10分鐘
Comments