由食材加熱、到煮食用等功能都一應俱全嘅微波焗爐係日本一般家庭普及率超過90%嘅人氣煮食用家電。世界上其他國家普遍都係微波爐與焗爐各自成獨立一體，但喺日本，則係一體多用嘅微波焗爐較受歡迎！
微波焗爐集加熱與健康煮食於一身
喺眾多微波焗爐款式中，以主打「健康」煮食功能嘅Sharp「Healsio」系列份外受到矚目。佢係一款以加熱到約300℃嘅超高溫水蒸氣嚟處理食物嘅水波爐。
用水蒸烤所以格外健康
「Healsio」系列最大嘅特徵，就係除微波之外嘅煮食全部都以水波爐機能進行。加熱到300℃嘅超高溫水蒸氣除咗提高爐腔溫度，亦可以將食材加熱烤熟。由於超高溫水蒸氣有減除食材本身油脂及鹽分嘅效果，因此可以達至脫油減鹽嘅健康煮食。此外亦可以將本身含有油脂嘅雞肉等肉類處理得如炸過一般，從而煮出未經油炸嘅炸雞𠻹！
同時於表面烤出焦痕
最新嘅「Healsio AX-XW400」型號仲追加咗於食材表面烤出焦痕嘅燒烤機能。將超高溫水蒸氣集中於爐腔頂部後吹送到食材上，就可以確實地於食材上烤出焦痕。如此一來，就不單可以煮出健康料理，就連牛排等香到叫人流口水嘅菜式或甜品都可以輕鬆簡單處理！
「自動調理」助您不必調整食材數量與溫度
「Healsio」運用超高溫水蒸氣將料理加熱嘅最大特徵，就係可以將食材由低溫開始加熱。換句話說，即係可以將冷凍食材與蔬菜類等冷藏與常溫食材同時放於爐腔內加熱處理；而且Healsio亦可以透過爐腔溫度變化速度，推測出食材數量從而正確加熱。只要使用「自動煮食」機能，就唔再需要對個別食材進行解凍、預熱等處理。
使用超高溫水蒸氣嚟煮食，享用料理從此就可以變得健康又簡單方便！
圖・文：Takahiro Koyama
Comments