日本首都，東京係嚟日本旅行遊客嘅主要旅遊觀光地之一。東京鐵塔、淺草、秋葉原、原宿等，可以觀光嘅同時，又有得食好嘢同埋行街買嘢。
但係難得去旅行，如果又只喺東京購物就好似有啲可惜。所以FUN！JAPAN團隊今次精選咗５個由東京可以即日來回嘅觀光地，咁就唔使次次返鄕下都淨係買嘢咁悶。按推介地點嘅圖片就會跳去相關介紹嘅文章！
講起日本就會諗起富士山！
事實上，去富士山都可以由東京出發即日來回。除咗搭火車去之外，仲可以搭旅遊巴士。亦都有由新宿等主要車站出發旅遊巴士，更加有啲會提供中文、英文等外語嘅導覽服務。包埋午餐都大概10,000円左右就可以去富士山下打卡。
由東京出發想浸溫泉， 就一定要去箱根湯本！
箱根係一個好受歡迎嘅溫泉度假勝地！ 仲可以搭纜車睇到富士山美景、又有湖上遊船、 仲有箱根神社，非常多選擇，好適合遊客觀光嘅地方。去箱根可以由新宿搭小田急浪漫特快號（小田急ロマンスカー），大概個半鐘頭車就到。 單程價格2,280円。
享受浪漫時刻嘅橫濱！
橫濱喺好多電影、電視劇嘅拍攝場地，亦係出名嘅約會聖地，海景、港口、公園、摩天輪等，有好多好浪漫嘅景點，夜景亦都好靚呢！由澀谷搭電車只要30分鐘，就可以嚟到呢個環境氣氛完全唔同嘅地方。既然都到咗東京，不如去埋橫濱吧！
求姻緣超出名嘅 埼玉・川越「冰川神社」
冰川神社係喺1500年前創設，非常歷史悠久嘅神社。本殿嘅雕刻精緻細膩，也被列為埼玉縣嘅重要文化財。川越冰川神社祭祀著五柱神。呢啲神明之間互相有關係，其中有兩對夫婦之神，因此，據說這裡亦係祈求「夫婦圓滿、緣分」嘅地方。由東京池袋去只係需要40分鐘左右，地理位置相當方便。
適合一家大細嘅遊樂場集合喺千葉縣！
喺東京都隔離嘅千葉縣，唔喺東京都內但叫「東京迪士尼度假區®」嘅主題公園，仲有喺千葉船橋嘅安徒生公園等，適合一家大細去玩，除此之外，千葉縣入面仲有可以睇海景同埋浸溫泉嘅觀光地。因為千葉好大，近嘅地方可能由東京搭半個鐘車就到，遠嘅話可以成兩個鐘車程，所以諗住去千葉嘅話，要揀好地方，計好時間去行吓。
Comments