慶祝萬聖節嘅活動由90年代起普及到世界各地，日本亦唔例外。萬聖節係一個民間傳統節日，源起於驅除妖魔鬼怪得到神明的保護，後來演變成為化妝變裝活動，直到而家，變裝已經成為日本萬聖節嘅重點。日本人鍾意祭典鍾意湊熱鬧，無論係日本定國外嘅節日，都係舉行祭典嘅好藉口，好似西方嘅情人節、聖誕節都會慶祝。對於傳統上係信仰佛教同神道嘅日本而言，呢啲慶祝活動只係同朋友出街玩嘅理由，同宗教文化就似乎無乜關係。
無論如何，近幾年萬聖節喺日本越嚟越受歡迎，特別係踏入2000年之後。當夏天踏入尾聲時，商家就開始這幾年萬聖節越來越受到歡迎，特別是西元2000年之後。當夏天進入尾聲，商家就會開始部置萬聖節嘅生意，去到8月尾到9月期間，就會發現好多舖頭都擺滿哂萬聖節嘅裝飾品、服裝同有關萬聖節嘅週邊產品。例如例如：以傑克南瓜燈（Jack o’Lantern）做品牌嘅甜點或者係南瓜味嘅糖果。唔可以唔提，連某100YEN店都會設有萬聖節專區。
日本好多地方都會舉行萬聖節相關活動，今次我地嚟介紹首都圈內嘅兩個大規模嘅萬聖節活動地點，分別係：神奈川・川崎市同東京・澀谷。
日本最大規模嘅萬聖節活動「Kawasaki Halloween」
想參加呢個活動，您必須上網買飛先可以成為遊行隊伍嘅成員，票價為每人1,000円，包咗參加變裝比賽嘅報名費同埋慶功宴嘅入場資格。但係主辦單位只接受最多2000人報名參加遊行，如果你想成為當中嘅一員，就要快手報名，通常一到10月初，就會有超過一半以上即刻被訂購。不過如果訂唔到飛亦唔使太擔心，唔遊行都可以去睇遊行，做觀眾去川崎睇呢場活動係免費架。可以從外面欣賞呢場化妝變妝，有成2,000個充滿唔同特色嘅藝術家集合。
用「藝術家」呢個字眼一啲都無誇張到，因為參加者好多都係有豐富經驗嘅變妝愛好者，甚至係專業化妝人士。日本人喺服裝上嘅想像力同埋講究細節嘅追求，係超乎大家想像嘅程度。如果你咁啱萬聖節時期嚟日本，可以嚟呢度體驗吓日本最大規模嘅萬聖節活動啊。
活動資訊
- 活動名稱：Kawasaki Halloween 2019
- 活動期間：10月1日(二)至10月31日(四)
- 地點：JR「川崎」站周邊商業設施與商店街
- 遊行日期：10月27日(日)下午
- 遊行地點：JR「川崎站」周邊
- 交通方式：JR「川崎」站或京急「京急川崎」站
澀谷成不夜城 變裝人潮佔領澀谷站前全向十字路口
澀谷嘅活動比較無組織，亦唔係正式官方活動，但當然唔會因為咁樣而減少佢地有趣！呢度唔會有人講「Treat or Trick」，因為大部份變裝嚟玩嘅都係大人。澀谷站附近嘅主要街道都係活動範圍，主要集中喺「澀谷CENTER街」（センター街），係呢度，與其話係萬聖節遊行，應該形容成「慢慢流動嘅變裝者嘅河川」比較貼切。
活動最多人嘅時候，會寸步難行，但係咁先至最好玩。街道上嘅人就算唔識都會互相歡呼，影相。想同日本人（或者其他地方嘅人？）交流一下，又或者想湊吓熱鬧嘅話，呢個絕對係個好大會。變裝嘅高質素，會令你對佢地嘅創意同埋花妝變妝所花費嘅精神同時間感到驚訝。
部分三五成群約埋一齊慶祝活動嘅好友，會組團一齊扮演《ONE PIECE航海王》或《復仇者聯盟》中登場嘅動漫角色。有趣嘅係，街上不時都會出現「死敵」狹路相逢嘅戰鬥場面，令人會心微笑又夠熱鬧。當然，呢啲都係搞氣氛，重現經典場面(?)。唔會無端端有蝙蝠俠對孫悟空，尤其我地都估到邊個贏嘅時候。
關於澀谷萬聖節
到咗10月31日萬聖節當天，東京・澀谷站周圍都會出現大量變裝人士。喺萬聖節嘅期後期間，亦會針對當時嘅人潮狀況要隨時進行適當嘅交通管制，有一部份馬路或者變成「行人專用區」。而如果到萬聖節正日，就更加會湧現人潮，由JR澀谷站前到全向十字路口，以至到澀谷中心街都係人山人海，超級熱鬧。
當萬聖節嚟嘅時候，通常我地會先諗起歐美國家，尤其喺美國係同家人聚會嘅時節，但喺日本呢個節日被重新加上咗新嘅特色。日本嘅開P方式係只要有青春嘅心態，就任何人都可以融入一齊玩，所以如果你呢段時期嚟到日本嘅話，就唔好錯過呢個機會，體驗下一個特別嘅萬聖節，感受吓呢個歡樂熱鬧嘅節日。不過玩得開心之餘，亦要多加留意避免糾紛，唔好發生意外。
Comments