彈牙飽滿、口感柔軟、粒粒分明、甜味越食越明顯，正正就係日本嘅迷人之處。而家市面有一款號稱可以將白飯煮得更好食嘅電飯煲，佢就係AICHI DOBBY製造嘅「VERMICULAR Rice Pot」。
目標係成為煮出最好食白飯嘅最佳電飯煲
事實上，電飯煲嘅製造商AICHI DOBBY原本並非家電製造廠商。品牌最初係一家使用鑄造與加工技術製造紡織機器嘅公司，到後來活用自家技術，先開發出鑄鐵搪瓷鍋「VERMICULAR」系列商品。
而「VERMICULAR Rice Pot」，就係有著鑄鐵搪瓷鍋身嘅自動電飯煲，煮出嚟嘅白飯格外美味，因而成為熱門商品。
加少量水就可以煮餸，同時亦支援低溫烹煮
「VERMICULAR Rice Pot」唔單只可以煮飯，仲可以煮埋餸。烹煮食材時從中火轉至慢火，依然可以穩定地烹調食材。活用煲身高密閉性嘅特徵的話，仲可以利用食材本身水分或自行添加少量水分就即可進行烹煮，將食材原汁原味鎖住。除此之外，更可以利用35～90°C低溫烹煮功能，連烤牛肉或糖漬醃漬料理等菜式都可以輕鬆完成！
能煮出好食白飯之理由
「VERMICULAR Rice Pot」可以煮出好食白飯嘅理由有幾個。首先，高品質鑄造搪瓷鍋「VERMICULAR」具有高保溫與遠紅效應功能，可以均勻加熱食材； 另外，透過高超金屬加工技術，煲身最高可達至0.01mm以下嘅煲蓋緊閉密度，因此喺保持光澤與新鮮度嘅同時，亦可以煮出彈牙飽滿嘅白飯。
要食到美味白飯從此就係咁簡單
毫無疑問，用鑄造搪瓷鍋「VERMICULAR」嚟煮白飯當然有味道保證。但如果用gas爐嚟煮，風味就總係差咁啲。呢個時候，您就需要用到全自動嘅「VERMICULAR Rice Pot」。只需放入白米與水並按下開關，就可以用電加熱煮出好食白飯。除咗煮白米之外，飯煲仲附設煮糙米與煮粥模式，仲可以煮出帶有焦香嘅煲仔飯呢！
為追求真．美味而誕生嘅電飯鍋
「VERMICULAR Rice Pot」為獲得工匠寶貴技術加持下、以希望能輕鬆烹飪出靚飯嘅理念而誕生嘅日本電飯煲。雖然不設保溫功能，亦無可以調整白飯柔軟度或口感等嘅附加功能，但一切一切都係源自煮出最好食白飯嘅堅持。「VERMICULAR Rice Pot」，係目前可以煮出最好食白飯嘅電飯煲之一。
【產品概述】
VERMICULAR Rice Pot
價格：86,184日圓（含稅價）
尺寸：W311×D296×H208mm
重量：約6.9kg
電壓：100V（50/60Hz）
電力：1350W
照片・文字：Takahiro Koyama
Comments