每年秋季都係去日本旅遊嘅絕佳時機！因為呢個時期喺日本各地都可有好靚嘅風景同景點值得親身到訪。尤其係好多景點喺呢個時期，都會染上秋天嘅色彩。日本人稱為「紅葉（Koyo）」或者
「楓（Momiji）」，而欣賞紅葉嘅景點偏布全日本，不如我地一次過睇吓唔同地區有邊到可以睇絕景？！
東京賞楓好去處
小石川後樂園（Koishikawa Koraku-en）
位於東京都正中心，呢個咁靚嘅花園由十七世紀開始就已經座落呢個位置。你可以好輕鬆咁嚟到呢到，欣賞楓葉、松樹、紫藤花等唔同嘅花卉同觀葉植物交織出嘅美景。小石川後樂園內部喺富有歷史嘅中式庭園造景，大家可以體驗到有別於一般日式庭園嘅美感。除咗欣賞園內嘅樹木、同小橋流水外，仲可以浸淫喺呢到係有著特殊歷史價值嘅古蹟文化之中。
[相關資訊]
- 名稱：小石川後樂園（Koishikawa Korakuen garden）
- 地址：〒112-0004 東京都文京區後樂1-6-6
- 電話：03-3811-3015
- 營業時間：上午9:00至下午17:00（入園時間至16:30）
- 休息時間：年末年初（12/29至1/1）
- 入場費用：成人300円，65歲或以上150円；小學及學齡前兒童、居住於東京都或就讀東京都中三及以下學生，免入園費
- 交通：
- (1) 都營大江戶線「飯田橋站」徒步3分鐘
- (2) JR總武線「飯田橋站」、東京Metro東西線、有樂町線或南北線「飯田橋站」徒步8分鐘
- (3) 東京Metro丸之內線、南北線「後樂園站」徒步8分鐘
- 地圖：
神宮外苑前銀杏大道（Gingko Trees at Gaien Mae）
喺神宮外苑靠近澀谷區域嘅地方，可以搵到一條兩旁都種著銀杏嘅大道，秋天時銀杏葉轉成金黃色，將呢條大道染上秋天嘅色彩。也因此每年秋天，呢個就成為咗東京都內熱門嘅拍照景點。好多人都會嚟呢到影相打卡，喺銀杏大道嘅盡頭係聖德紀念繪畫館，復古嘅建築配上金黃嘅銀杏，非常適合做呃LIKE相嘅背景！
[相關資訊]
- 名稱：神宮外苑前（Jingu Gaien Mae）
- 地址：〒160-0013 東京都新宿區霞之丘町２
- 開放日期：2019年11月15日至12月1日
- 開放時間：10:00～20:00
- 費用：免費
- 地圖：
高尾山（Mt. Takao）
由東京都心搭電車去高尾山，車程大概一個鐘，呢到嘅美景吸引唔少鍾意郊遊嘅人同埋行山愛好者嚟拜訪。您可以搭登山纜車到山頂享受高尾山色彩繽紛嘅秋天，同屋企人朋友自己準備定嘢食嚟野餐，都係一個唔錯嘅選擇。
[相關資訊]
- 名稱：高尾山（Mount Takao）
- 地點：纜車 清瀧站（山腳上）、十一丁目茶屋（登山途中）、高尾森林中心（高尾山頂）
- 建議賞楓期間：11/1～11/30
- 電話：042-643-3115
- 地圖：
國營昭和紀念公園（Showa Kinen Park）
國營昭和紀念公園係全東京最大嘅公園，園內絕佳嘅風景亦都吸引好多遊客到訪！你可以喺呢到欣賞到壯觀嘅銀杏大道，而掉落嚟嘅落葉就好似舖成一張金黃色嘅地毯咁，係非常適合影相放上網嘅景點之一。你亦都可以喺到燒嘢食、野餐，或者進行其他戶外活動！
[相關資訊]
- 國營昭和紀念公園（Showa Kinen Park）
- 地址：〒190-0014 東京都立川市綠町3173
- 時期：11月至隔年2月底
- 營業時間：9:30～16:30
- 入園費：15歳以上的成人票為450円、65歳以上的敬老票為210円、國中小學生免費（另有設置免費入園日，詳情請上官方網站確認）
- 休園日：年底年初（12/31・1/1）、2月的第4個週一與隔天
- 交通方式: JR青梅線・西立川站步行約2分鐘、JR中央線・立川站步行約10分鐘
- 地圖：
東京近郊賞楓景點
成田山新勝寺（Narita Temple）
成田山新勝寺位於成田機場同東京都心之間，鄰近成田機場。呢個咁靚嘅寺廟佔地廣大，而且係千葉縣入面最受歡迎嘅秋季賞楓地點。寺院旁邊嘅公園有座好大嘅湖，您可以見到鯉魚喺湖入面暢游。而呢到種咗上百種唔同嘅樹木，秋天時顏色繽紛，非常賞心悅目。
[相關資訊]
- 名稱：成田山公園（Naritasan Park），成田山新勝寺（Naritasan Shinshoji Temple）
- 地址：〒286-0023 千葉縣成田市成田1
- 電話：0476-22-2211
- 交通方式：搭乘電車。可從成田機場第二航廈站搭乘JR線或京成線電鐵，無論您選乘任何線路嘅急行列車，車程都係8分鐘左右。喺成田站落車後徒步走約10分鐘，就可見到成田山新勝寺喺你嘅左手邊。
- 地圖：
京都賞楓絕佳景點
嵐山（Arashiyama）
喺秋天嘅紅葉季節裡，京都嘅嵐山可以話係數一收二嘅賞楓地點。呢到嘅景色真係好似畫一樣。你仲可以搭小火車遊覽嵐山，穿越山谷，悠閒咁欣賞森林、山谷同河流等自然風景之美。喺小火車嵐山站落車之後，即刻就可以見到著名嘅嵐山竹林！
[相關資訊]
- 名稱：嵐山（Arashiyama）
- 交通：點去嵐山？
- 由京都站搭JR線電車：乘搭JR嵯峨野線（山陰本線）到嵯峨嵐山站落車，步行約10分鐘。
- 由京都站搭巴士：搭京都市巴士28號，喺嵐山天龍寺前落車（約30分鐘）。
- 乘搭阪急線電車（從大阪地區）：喺河原町、烏丸、大宮或西院站皆可上車，喺桂站落車轉乘阪急嵐山線至嵐山站落車。
- 坐的士：由京都市區搭的士至嵐山需時約25分鐘，車費大概2000円
- 由京都站搭京都地下鐵：搭京都地下鐵烏丸線至烏丸御池站，轉乘東西線往西行，並喺最後一站太秦天神川站落車，然後轉乘嵐電（嵐山本線）至京福嵐山站。
- 踩單車：沿著丸玉町通一直往西行就可以到達嵐山。
- 地圖：
清水寺（Kiyomizudera）
位於京都市區嘅北面，清水寺座落於山丘上面，可以俯瞰京都市區嘅最佳景觀。您可以喺到觀賞秋天火紅同鮮燈色交織嘅楓葉圍繞住木製寺院建築，交織出美麗如畫嘅風景。你亦可以跟住其他遊客嘅腳步，排隊試下音羽瀑布清澈甘甜嘅泉水！
[相關資訊]
- 名稱：清水寺（Kiyomizu）
- 交通：
- 由京都站搭京都市營巴士：搭206號巴士往北大路巴士站方向（經東濱通），或200號巴士往銀閣寺方向（經清水寺祇園），喺五条坂站落車後往東行10分鐘。
- 京都巴士（僅星期六及國定假日行駛）：搭18號巴士（往小原方向），喺五条坂站落車後往東行10分鐘。
- 地址：605-0862京都府京都市東山區清水一丁目294
- 開放時間：早上6:00開園（閉園時間隨著季節有所變動）
高台寺（Kodaiji）
距離清水寺非常近，高台寺高雅端莊嘅花園以夜楓最出名。打燈之後嘅楓樹，依偎喺寺院池塘邊，池水反映出燈光同楓葉嘅景色，令每個人都可以陶醉喺呢個咁靚嘅晚色中！
[相關資訊]
- 所在地：京都市
- 地址：京都府京都市東山區
- 交通：從京都站搭乘電車約20分鐘、搭乘公車約15分鐘（避免遇上交通壅塞，還是建議搭乘公車或電車）
- 開放時間：紅葉季節點燈時間由下午5:30至夜間9:30
- 入園費：600円
北海道賞楓最佳去處
大雪山（Daisetsuzan）
呢個係北海道最大嘅國家公園，山區入面幽美嘅自然風景，都幾受遊客歡迎。雖然唔似前文所介紹嘅紅葉景點咁交通方便，但北海道大雪山嘅紅葉季節景色真係美不勝收，壯觀到令人驚嘆。而且因為北海道喺日本最北面，所以紅葉季節嘅時期比其他地方都早，可以率先搶睇日本第一輪嘅紅葉！
[相關資訊]
- 地點：北海道・旭川
- 交通方式：由旭川站或旭川機場站每日有三班巴士可直通旭岳纜車站。
- 地址（旭岳纜車站）：〒071-1472 北海道上川郡東川町
山梨賞楓最佳去處
富士五湖區域（Mt. Fuji Five Lakes）
山梨縣北區圍繞富士山嘅五座湖，稱為富士五湖區域，呢度嘅風景無論乜嘢時候都令人感到心曠神怡。而當秋天紅葉時期降臨嘅時候，呢度嘅風景會靚到令人忍唔住驚歎！除咗賞楓之外，呢度仲有好多觀賞點可以見到好靚嘅富士山。推薦您到河口湖一遊，因為呢度可以享受清幽嘅湖景同自然秋色交織出嚟，好似畫一樣嘅風景。
廣島賞楓最佳去處
宮島（Miyajima）
宮島係鄰近廣島市嘅一個小島，呢到最著名嘅就係嚴島神社嘅海上紅色鳥居，無論係觀光客或者當地居民，都鍾意前往島上嘅嚴島神社參拜。紅葉季節嘅時候，您可以親身體會到呢度嘅自然氣息，被自己景色包圍下，仲可以享用非常人氣，但少少非自然嘅楓葉甜品，！
無論您選擇去邊一個景點體驗日本嘅秋天，我們都希望你可以盡情享受日本咁靚嘅紅葉！
[相關資訊]
- 名稱：宮島（Miyajima）
- 地址：〒1162-18 廣島縣甘日市宮島
- 交通：
- 可由廣島和平公園站搭船直通宮島：約時55分鐘，單程2,000円，來回3,600円。每日大概有3～12班船。請預先確認船嘅班次。
- 廣島港至宮島嘅交通船：需時25分鐘，單程1,850円，一天約有6～8班船。請預先確認船嘅班次。
Comments