呢篇文章係「免費日本旅行贈獎活動～沖繩之旅～ Fun! Japan 沖繩特別企劃」嘅連載文章。
您已經線上參加咗活動嗎？仲未參加嘅朋友，歡迎到沖繩特輯網頁睇詳情！→ Fun! Japan 沖繩特輯
日本各地都有佢獨特嘅飲食文化，沖繩當然亦唔例外，有佢自己嘅飲食種類及歷史。呢次介紹用人氣食材且個性十足嘅沖繩料理，以及意外地不為外人所知、喺沖繩先有嘅獨特料理。各分成5道料理，總共10道嚟介紹。全部睇過之後，邊一種會係您想食嘅沖繩料理呢？歡迎您喺右方嘅欄位留言比我哋！一共10道料理都知道晒嘅話，下次去沖繩旅行自然變成美食之旅啦！
「剩係沖繩先食倒？！」只有沖繩先有嘅本土料理
咁樣先至係正宗嘅味道！沖繩麵（豬肋排麵）
Photo credit:Okinawa Traveler
「ウチナー」（唸法：UCHINA）係沖繩嘅方言，意味住沖繩本島嘅意思。「ウチナー料理」換句話講就係最能代表沖繩嘅地道菜，其中之一就係呢味沖繩麵（豬肋排麵）。小麥製成嘅麵條中可以品嚐出鰹魚及豬肉煮出來嚟嘅醇厚湯底。豬排骨、豬腳都係份量十足。
當地嘅好朋友！苦瓜炒什錦
切片苦瓜、沖繩豆腐、午餐肉等再加蛋落去炒嘅家庭料理。比起喺餐廳、我更加推薦當地人食堂先品嚐倒嘅道地口味。
食唔停口嘅噗滋噗滋口感！海葡萄！
海葡萄，聽到呢個名會困惑佢到底係海產類？定係提子？被美稱為「綠色魚子醬」，含有豐富玻尿酸及褐藻素嘅美容食材，曾經係日本廣為討論嘅話題。 沖繩海葡萄嘅美味係日本人所公認，但聽聞當地人好似唔會點食喎。
令人上癮、彈牙嫩滑嘅口感，花生豆腐
落花生磨碎製成豆腐狀固體。加上甜甜嘅醬汁一齊吃。彈牙嫩滑口感加上花生濃郁嘅香氣正係佢嘅特色。基本嘅日常飲食，感覺好似豆腐花甜品。不過，對花生過敏人士要特別注意！
酸桔汁
酸桔係屬於桔橘類嘅水果。通常喺尚未成熟嘅綠色狀態下採摘，將酸味運用於烹飪或作為果汁。似乎含有好多有益健康成分，據說有減肥及降低血糖值嘅效果。特別係連果皮一起榨嘅果汁聽聞有好高嘅療效，不過佢真係超酸！
非原產地但請至少去試食一次！其實呢道料理喺沖繩好利害！
重份量嘅牛排、鐵板燒
Photo credit: Okinawa Traveler
喺日本，講起沖繩那霸會令好多人諗起嘅係牛排？！受到美國文化影響，從一般餐廳到高級餐廳都有，那霸市牛排店好多，沖繩縣民眾飲完酒之後，最後以牛排作結尾嘅人真係唔少呢！
另外，主廚會喺您面前現場烹調鐵板燒，真令人好想體驗一下！
受到南方大地恩寵嘅上等肉品・石垣牛
燒肉係沖繩隱藏美食之一。其中屬於石垣牛嘅肉質特別柔軟、肉脂爽口、肥美而不膩堪稱人氣第一嘅高級牛肉。可以直接品嚐倒呢種石垣牛嘅肉脂就係燒肉啦！
沖繩其實係漢堡包大國！
Photo credit: Okinawa Traveler
日本國內嘅漢堡發源地難道就係沖繩！？殘留住濃厚美國文化色彩係原因之一，並唔輸比原產地嘅高品質、隨處可以食得倒嘅雙層漢堡、三層漢堡中加入芝士同煙肉！肉感飽滿嘅Menu，請務必挑戰一下！
沖繩隱藏版美食「阿古豬肉」涮涮鍋
Photo credit: Okinawa Traveler
沖繩特有寶貴嘅「阿古豬」膽固醇低、含有豐富嘅麩胺酸。可以將佢肉脂嘅美味及甜味同時入口嘅方法就係涮涮鍋。沖繩縣內有好多講究湯底、沾醬及新鮮蔬菜嘅涮涮專門店。
結合墨西哥餅嘅「墨西哥飯」
飯上面配有墨西哥餅嘅食材芝士、生菜、番茄，落埋沙律醬一齊食係基本食法。大人同細路都鍾意嘅味道，唔單止店入面食得倒，亦係一般家庭嘅日常料理。位於那霸市中央位置嘅金武町據講係墨西哥飯嘅發源地。
睇完以上嘅介紹，唔知您覺得點呢？「只有喺沖繩先食倒嘅美食？」vs「其實呢道料理喺沖繩食先係王道！」您想品嚐邊一種呢？歡迎您留言比我哋！
Comments