大分縣位於日本九州地區，縣內擁有豐富溫泉資源，好多遊客都係為咗體驗傳統溫泉而慕名而來。事實上，大分縣除咗溫泉之外，仲有好多充滿魅力嘅景點㗎！
大分縣觀光景點
大分縣坐擁多個引人入勝嘅景點，有佛教寺院等歷史建築，亦有主題公園等現代設施。配上多姿多采嘅活動，保證一定可以符合每位遊客嘅喜好及需求！
別府：日本著名溫泉地
別府市係大分縣最著名嘅城市之一，亦係日本數一數二嘅溫泉勝地。別府地區涵蓋著豐富溫泉資源，縣內有多個擁有豐富歷史傳統嘅溫泉景點。
即使您唔係為咗為咗浸溫泉而到別府旅行，您一樣可以喺別府參觀到其他唔同類型嘅景點，例如高崎山自然公園內嘅野生猴園，又或大分海洋宮殿水族館海之卵嘅海象表演。
大分縣久住山自然美景
久住山係環繞大分縣嘅九重山脈內嘅主峰，高峰位於阿蘇久住國家公園廣大腹地之中。九住山擁有豐富花卉與生物種類，對於鍾意行山健行嘅人嚟講絕對係天堂！
若您喺10月到11月期間到訪，您仲有機會欣賞被紅葉染紅嘅山頭！而最適合一覽九重山脈美景嘅地方，非連接別府與阿蘇嘅牧之戶山頂(牧の戸峠)莫屬。另外，登山口處附近嘅長者原訪客中心亦有展示出以九重山群為主嘅地形地質、動植物等相關資料與影片。
大分縣國東半島
位於別府外側嘅國東半島與瀨戶內海相連，整座半島由海拔721米高嘅兩子山爲首嘅大型圓錐火山所形成。山谷呈放射狀延伸，島上遍佈著森林、奇峰及奇岩。自古以來，島上嘅佛教文化就十分昌盛，大多數寺院以及佛教遺迹至今仍得以留存於整個半島地區。其中較為知名嘅，就有兩子寺、富貴寺，以及歷史悠久嘅宇佐神宮。
購物與免稅店資訊
Tokiwa Wasada Town
大分市內嘅Tokiwa Wasada Town係一座傳統日式購物中心，場內進駐著大型電器專賣店K’s電器等各式店舖。無論您係想要挑選日本流行服飾，又或國際知名品牌服飾特賣，呢到都一定可以滿足您嘅購物需求！
相關資訊
- 名稱：Tokiwa Wasada Town
- 地址：大分市大字玉澤
- 交通方式：從大分站乘搭大分巴士於Wasada Town巴士站下車
Park Place 大分 (AEON購物中心)
Park Place係大分縣內新落成嘅購物商場，商品種類範圍廣泛，您可以想像到嘅產品呢到幾乎都有！店家涵蓋國內外知名品牌，商場內甚至更設有戲院，行到攰時遊客不妨可以睇返場戲順便休息一下。正因為Park Place商場內店舖應有盡有，此地亦成為大分縣內青少年嘅熱門假日遊樂場所。日本知名連鎖美食店以至知名國際咖啡店都有喺到設有分店㗎！
相關資訊
- 名稱：Park Place 大分
- 地址：大分市公園通西2丁目1番
- 交通方式：從大分站前巴士站乘搭3號或6號巴士，於Park Place大分巴士站下車
建議旅遊季節
好多當地人都會推薦旅客於每年10月至11月期間造訪大分縣，因為呢段時期嘅天氣比較穩定，氣溫、濕度亦較為舒爽，相當適合旅行。大分縣嘅夏天通常悶熱又潮濕，因此夏天旅遊時可能比較無咁舒服。此外，當地人亦推薦4月到5月春季期間到大分縣旅遊，由於氣候涼爽而且正值櫻花盛開，呢個時候到大分賞櫻一樣都係咁快活逍遙㗎！
前往大分縣嘅交通方式
從九州其他城市出發
九州各地有多條路線可以到達大分站。您可以乘搭從博多經小倉到大分嘅日豐本線，或者乘搭從熊本市出發嘅豐肥本線。
如果您想乘搭巴士前往大分縣，好消息係該縣幾乎所有主要城市都有通往大分市嘅巴士路線。其中大分至福岡路線係最受歡迎嘅路線之一，車程約需2到3個小時。
若您想沿途欣賞風景、悠哉地前往大分的話，編輯部推薦您乘搭太陽花號渡輪，從關西地區嘅神戶或大阪港出發前往大分。太陽花號渡輪另有提供船上住宿服務。
從大分機場出發
距離大分機場最近嘅火車站係杵築站，但是從機場也需要乘搭巴士先能夠抵達，因此從大分機場乘搭巴士前往市區係最好方法。巴士路線方面，您可選擇開往別府站、大分站或湯布院站嘅機場快線巴士或利木津巴士。
大分市區內交通
當地公共交通主要為巴士及火車。如果您想喺九州乘搭火車，「JR九州鐵路周遊券」係一大推薦。除咗可以免除分開購買單程車飛嘅煩惱，鐵路周遊券仲可以幫您慳返唔少交通費𠻹！
若您想深度造訪大分縣，最便宜且方便嘅方式就莫過於租車自駕遊喇。自駕最大嘅好處，就係方便您輕鬆前往公共文通工具難以到達嘅名勝美景。
唔少當地人可能都會同您講，大分縣嘅景點魅力與本州等其他地區不相上下。事實上，倘若您想體驗道地農村風情與悠閒的生活步調的話，咁大分縣就非常適合！雖然大分縣往往唔屬於大部分外國遊客首選旅遊目的地，但對於初次造訪九州嘅旅客嚟講，大分縣絕對會係相當唔錯嘅選擇！
Comments