大阪除咗係日本其中一個主要城市之一，喺大阪你仲可以見到日本嘅過去、現在同未來！咁講嘅因原係，呢度有好多歷史條久嘅紀念碑同好似大阪城咁嘅歷史建築，但同時又可以搵到好似梅田藍天大廈呢種充滿未來感嘅新式建築。好多本地人同埋遊客都鍾意將大阪叫做美食天堂。章魚燒、蒽燒、大阪燒等呢啲傳統食物喺大阪好受歡迎。
除此之外，大阪當然唔只有食物同購物受歡迎，呢度仲有好多地方適合熱愛影相嘅攝影師。今次我地就介紹4個好多攝影師鍾意嘅拍攝地點畀大家啦～
法善寺橫町（Hozenji Yokocho）
「法善寺橫町」係以大阪市南部法善寺為中心延伸嘅一條石板路，兩邊有攤檔賣各式小食。呢條巷寬3米、長80米。鍾意朝早安詳嘅寺廟，同埋法善寺嘅人，同埋鍾意夜晚去酒吧或者酒館飲一杯嘅人，都會喺到來來往往，喺呢度可以捕捉到人來人往嘅愉快氣氛，同埋充滿香火味嘅懷舊氣息，對鍾意街頭攝影嘅攝影師嚟講，係一個絕佳嘅拍攝地點。
道頓堀（Dotonbori）
提到道頓堀，相信大家首先會諗到掛滿霓虹燈牌！喺呢啲繽紛霓虹燈之間，最受歡迎嘅可以話係零食製造商「江崎固力果」嘅招牌。其實而家放出嚟嘅，己經係固力果公司嘅第6個招牌，一共使用咗140,000個LED燈。除咗日頭LED唔會開之外，由日落後嘅30分鐘開始，一路到深夜12點，都可以睇到「固力果人」同背景會隔一段時間就有變化。而呢啲燈牌、招牌真係日頭夜晚完全截然不同，所以想影靚相嘅話，可以日頭嚟完夜晚再嚟。影完道頓堀嘅日頭，可以去食餐飯或者行吓街，夜晚再返嚟影開咗燈嘅招牌就時間啱啱好！我地亦都推薦呢度附近有專賣螃蟹嘅餐廳—「螃蟹道樂」嘅招牌。
大阪城（Osaka Castle）
建於豐臣秀吉時期嘅大阪城天守閣（通常講到城堡，大家就會起天守閣；無人住喺裡面，主要用來彰顯權力）亦係一個熱門嘅影相位。而家呢個天守閣係建於1931年嘅第三代天守閣。大阪城嘅外觀優雅、壯觀，唔理你近拍等遠拍，都非常上鏡。雖然大阪城嘅三樓同四樓有重要文化財產，唔可以影相，但我地推介你去八樓嘅展望台展望台俯瞰大阪市，同埋二樓嘅鯱鉾（日本神話中動物，有老虎的頭和鯉魚嘅身體，裝飾喺城堡主樓屋頂）影相。偏好歷史建築嘅攝影師相信會鍾意嚟呢個城堡。
梅田藍天大廈（Umeda Sky Building）
大阪最受歡迎嘅景點同地標之一，喺梅田藍天大廈頂樓有個空中庭園展望台。而梅田藍天大廈就係「兩棟喺空中相連的摩天大廈」，佢嘅建築型態係世界少見。梅田藍天大廈有一個360度嘅開放式屋頂設計，可以睇哂成個城市嘅，呢度亦可以睇日落夕陽，更加以浪漫氣氛聞名。上圖拍攝於展望台。因為呢度影到好靚嘅景色，所以好受風景攝影的的歡迎。
Comments