鹿兒島縣位於日本九州最南端，而鹿兒島縣嘅範圍仲包括咗南方唔少島嶼。呢個縣內有豐富自然資源，有好多活火山同睡火山，感謝美好大自然造就多個國家公園。每一個喺鹿兒島嘅事物都非常推薦，就等小編為大家介紹鹿兒島各種美好事物啦！
鹿兒島七大必去景點
鹿兒島必去① 櫻島
既然都去到鹿兒島，咁點可以錯過鹿兒島具代表性嘅景點「櫻島」呢？櫻島係日本知名嘅國家地標之一，海拔1,117米。山腳下嘅旅客服務中心隨時提供最新嘅行山資訊，讓遊客可以安全行山。櫻島上有三個主峰，北岳、中岳，以及南岳。每座山頂上都設有觀測點，隨時觀測每個火山口嘅噴發狀況。
景點資訊
- 名稱：櫻島
- 地址：鹿兒島縣鹿兒島市櫻島赤水町891-1420
- 交通方式：
- 首先要喺從鹿兒島港搭船到櫻島，渡輪班次頻繁，船嘅航程時間只需15分鐘。
- 櫻島上遊覽的話自駕遊車係最簡單方便嘅方式。如果唔揸車，都可以搭櫻島觀光巴士，每個鐘都有從渡輪碼頭開車嘅班次，帶你去櫻島各個主要景點。另外都可以喺渡輪碼頭外租借單車。
鹿兒島必去② 知覧武家屋敷群
知覧武家屋敷群係一個歷史超過250年嘅武士文化區，裡面有七座仍維持以往風貌嘅庭園。呢個區域內有700米長嘅閑靜街道，為咗保留佢嘅歷史氣氛，而且為咗保留歷史氣氛，你唔會睇到任何電線杆或停泊路邊嘅車。遊客可以買500円嘅門票去參觀區內七個傳統庭園。
景點資訊
- 名稱：知覧武家屋敷群
- 地址：鹿兒島縣南九州市知覧町郡
- 開放時間：24小時
- 交通方式：從鹿兒島市乘搭前往知覽嘅巴士（車程80分鐘，車資900円，從鹿兒島中央車站・鹿兒島市山形屋巴士中心出發），沿途會經平川站（距離知覽30分鐘），喺武家屋敷入口前巴士站落車即達。大部分巴士都會繼續開往距離知覧武家屋敷庭園2公里處嘅知覽特攻和平會館。
鹿兒島必去③ 知覽特攻和平會館 （神風特攻隊員紀念館）
「知覧特攻平和會館」展示咗二次世界大戰期間為日本執行不少任務嘅「神風特攻隊」嘅遺物同相。呢間博物館就建立喺特攻隊當年執行任務嘅小航空站旁。
會館內展示咗神風特攻隊嘅遺物同相，包括隨筆文章及遺書。其中一個展示廳，按飛行員過生時間順序，排列每位飛行員嘅相。展示內容仲包括咗四架曾於戰爭中使用、最後墜入大海嘅飛機。和平會館嘅開放時間為每日09:00至17:00，最後入館時間為閉館前1個半鐘。
景點資訊
- 名稱：知覽特攻和平會館
- 地址：鹿兒島縣南九州市知覽町郡17881
- 開館時間：09:00-17:00
- 票價：大人500円、兒童300円
- 導覽需事前預約。
- 交通方式：
- 從鹿兒島開車出發的話，經指宿SKYLINE「知覧交流道」下高速公路往南九州方向，車程大約1個鐘。
- 乘搭公共交通工具的話，從鹿兒島中央車站或鹿兒島市山形屋巴士中心，乘坐開往知覽方向嘅巴士，於特攻觀音入口處落車即達。
鹿兒島必去④ 鹿兒島西郷隆盛像
鹿兒島係日本歷史上最重要嘅城市之一，亦係日本「最後的武士」西鄉隆盛之故鄉。西鄉隆盛喺西南戰爭中扮演關鍵角色，係推動明治維新及推翻幕府統治嘅大功臣。對於歷史或與武士文化有興趣嘅人嚟講，鹿兒島係一個非常值得造訪嘅地方。呢度有好多同西郷隆盛有關嘅景點，其中西郷隆盛銅像每日都吸引咗好多遊客前往參觀。
景點資訊
- 名稱：西郷隆盛銅像
- 地址：鹿兒島縣鹿兒島市城山町4−36
- 交通方式：鹿兒島市電朝日通站步行約10分鐘
鹿兒島必去⑤ 鹿兒島縣歷史資料中心——黎明館
鹿兒島縣歷史資料中心 黎明館展示鹿兒島西南戰爭嘅相關資料。另外，如果想了解更多有關日本古代藝術及手工藝品（例如製劍），都好值得嚟呢度參觀。
黎明館成立於1968年，創建目的係為咗紀念明治維新一百週年，並於1983年向公眾開放。該館建於鶴丸城遺跡內，喺江戶時代作為薩摩（包括現時鹿兒島）藩主島津氏嘅據點。護城河、石牆同石橋仍保留至今，並且被定為縣級歷史遺跡。
景點資訊
- 名稱：鹿兒島縣歷史資料中心 黎明館
- 地址：鹿兒島縣鹿兒島市城山町7番2號
- 開館時間：09:00 – 18:00 (最後入館17:30)
- 門票：成人310円；中學高中生或以上190円、兒童120円
- 交通方式：
- 市營（路面）電車或巴士：於市役所（市政府大樓）或水族館口落車，步行5分鐘 (單程車資170円)。
- 市內巡迴觀光巴士：薩摩義士碑落車即達
鹿兒島必去⑥ 照國神社
喺1862年成立嘅照國神社同好多神社相比，歷史並唔長。神社祭祀江戶時代嘅封建貴族島津齊彬。穿過神社入口嘅美麗白色大鳥居後，迎面而來嘅係一尊巨大嘅島津齊彬雕像。島津齊彬係薩摩藩第11代藩主、島津氏第28代當家，積極將西方思想、技術和文化引進薩摩藩。1863年去世後，齊彬嘅遺體被安置在照國神社裡。天皇賜予島津齊彬「照國大明神」之神號，使其升格為神。
神社最有趣嘅特色之一，係一棵被修剪為雀鳥飛翔嘅造型，係一個好好嘅影相景點。神社內仲展示咗日本國寶，一把由傳奇鑄劍師，國宗製作嘅劍。呢把劍係1927年，由島津家嘅第30代當家島津忠重獻給神社。
同其他神社和寺廟一樣，可以買到護身符或御守。去照國神社最簡單嘅方法就係從鹿兒島中央站行20分鐘過去，搭電車到站都係快8分鐘，咁不如行吓好過啦。
景點資訊
- 名稱：照國神社
- 地址：鹿兒島縣鹿兒島市照國町19-35
- 開放時間：08:30 – 17:00
- 交通方式：從JR鹿兒島中央站步行20分鐘；或搭乘巴士約10分鐘，於天文館站落車後步行5分鐘。
鹿兒島必去⑦ 屋久島
屋久島係大自然愛好者嘅天堂，都非常適合嗰啲希望享受與世無爭及寧靜氣氛嘅人。可以按自己步伐去享受無窮無盡嘅自然美景，能夠達到徹底放鬆同充電。著名日本動畫導演宮崎駿於1995年造訪屋久島嘅白谷雲水峽時被眼前一片自然美景吸引並觸發創作靈感，用此處作為1997年經典動畫「魔法公主」嘅故事場景。
景點資訊
- 名稱：屋久島
- 地址：鹿兒島縣熊毛郡屋久島町宮之浦
- 交通方式：從宮之浦港巴士站（宮之浦巴士站・宮之浦港入口）乘搭巴士，車程約40分鐘、於終點站白谷雲水峽落車即達
- 入場費： 中學高中生以上每人300円（作為森林環境整備推進協力金）、巴士車費550円
喺鹿兒島一定要試嘅三種體驗
鹿兒島必玩① 指宿砂浴溫泉
指宿位於面向鹿兒島灣嘅海岸，以砂浴溫泉聞名。現場工作人員會用鏟將熱砂覆蓋你嘅身體，讓你瞓入溫泉熱度加溫嘅砂中享受砂浴。提供溫泉砂浴嘅兩個熱門地點係「砂浴會館 砂樂」同「Healthy Land露天溫泉」，兩者都有一般嘅室內溫泉。Healthy Land露天溫泉仲會提供大型露天浴池，可以一邊浸溫泉一邊欣賞海景。
景點資訊
- 名稱：指宿溫泉砂浴
- 地址：鹿兒島縣指宿市十二町
- 交通方式：
- 從知覽出發去指宿距離唔遠，揸車好易到。從鹿兒島市出發去就要喺鹿兒島中央站乘搭開往指宿站嘅特快列車。
- 從指宿站乘搭巴士可以去到砂浴會館 砂樂（砂むし会館砂楽）同Healthy Land露天溫泉。
鹿兒島必玩② 溶岩渚竹山徑
櫻島是係日本最活躍嘅火山之一。由於火山爆發，熔岩平原上開闢咗呢條溶岩渚行山徑，位於櫻島渡輪碼頭附近，全長約3公里。呢條行山徑，係1914年火山爆發後，熔岩流動到平原上延伸開去，將櫻島東面連結同日本本州土地上。而行山徑兩旁嘅肥沃土地佈滿茂盛地生長嘅植物同花卉。
景點資訊
- 名稱：溶岩渚遊步道
- 地址：鹿兒島市櫻島橫山町
- 交通：從鹿兒島港乘搭渡輪可以輕鬆抵達櫻島。租車的話部車都可以上埋渡輪，費用1,150円。喺櫻島渡輪碼頭附近有遊客服務中心、一個溫泉同通往熔岩行山徑嘅入口。
鹿兒島必玩③ 去長崎鼻欣賞美景
要去薩摩半島最南端嘅長崎鼻唔使好耐車程。長崎鼻最南端有一座燈塔，可以眺望有「薩摩富士」之稱嘅開聞岳，呢座924米高嘅山，都係熱門嘅登山地點，從山上可以欣賞彎岸與半島嘅全景視野。
景點資訊
- 名稱：長崎鼻
- 地址：鹿兒島縣指宿市山川岡兒水長崎鼻
- 開放時間：08:00 - 17:00
- 參觀費用：1,200円
- 交通方式：從JR山川站出發開車約15分鐘
鹿兒島必食三種特產美食
鹿兒島係日本本州地域上最南部嘅縣， 有好多日本其他縣市都食唔到嘅特色美食。以下為大家介紹鹿兒島縣三種必食嘅當地美食。
鹿兒島必食① 黑豬料理
豬肉一直係日本非常受歡迎嘅肉類。喺江戶時代，豬肉曾經作為一種藥物來販賣，據說可以令身體更強壯、更有耐力。日本幕府末代將軍德川慶喜非常鐘意食豬肉，甚至被稱為「豚一様」（「様」日文即敬重地稱呼一位人士）」。
黑豬即係「Berkshire豬」嘅豬肉，一種從英國透過沖繩島引入日本嘅黑毛豬品種。有趣嘅係呢啲豬係食蕃薯、飲淡水長大，咁就可以增加豬肉嘅風味。
鹿兒島必食② 銀帶鯡魚生片
銀帶鯡係一種體側有銀色縱帶嘅魚，鹿兒島縣同其附近海域全年都可以捕獲得到。產量比較多嘅季節係春天到初夏，但秋天到冬天捕獲嘅魚嘅肉質扎實，口感會有不同。呢個係鹿兒島縣民嘅飯枱上全年都會有嘅食材。
鹿兒島必食③ 加入煉乳同水果嘅刨冰「白熊冰」
白熊冰係加咗煉乳、水果、豆類等材料嘅刨冰。白熊呢個名嘅由來有兩種說法，其一係店家推出淋上煉乳呢款新口味時，喺諗個名時睇到煉乳罐上嘅白熊圖案，便以此命名；其二係店家喺推出淋上煉乳及放上豐富材料嘅刨冰時，從上面睇起嚟好似白熊，所以就叫做白熊冰。
鹿兒島酒店及旅館住宿推介
喺鹿兒島市有好多酒店同旅館可以揀。如果唔想住喺繁囂嘅大城市中，咁可以試吓搵櫻島隔離嘅知覽或指宿，都有唔少高品質嘅住宿選擇㗎。
Green Hotel Chiran FUKUZUMI（グリーンホテルちらん福住）
地址：897-0302鹿兒島南九州市知覽郡4810-24
Ibusuki Seaside Hotel（指宿シーサイドホテル）
地址：891-0402 鹿兒島縣指宿市十町1912
Rainbow Sakurajima（レインボー桜島）
地址：891-1419 鹿兒島縣鹿兒島市櫻島橫山町1722-16
鹿兒島嘅交通資訊
從福岡到鹿兒島市，搭巴士係最平嘅選擇。可於博多巴士總站購票，來回票價為4,000到6,000円左右，有早班亦有夜間巴士。此巴士路線由西鐵巴士公司營運，從博多巴士總站到鹿兒島站，車程約5個鐘。如果想再快啲，可以從JR博多站乘搭新幹線前往鹿兒島站，約需80分鐘，來回票價約21,000円。
Comments