全世界都注目嘅日本鐵路系統同新幹線，凝聚了日本最新科技技術嘅鐵路系統，佢嘅跟時刻表運行嘅準確性、高速嘅行駛速度、列車嘅流線外型、車廂內嘅美觀設計等，通通都係新幹線嘅魅力所在。而且搭電車仲可以由車窗欣賞到沿途風景，更加唔可以錯過好好食嘅特式車站便當（駅便）。每個人鍾意新幹線嘅原因可能各有唔同，今次想同大家分享有關日本新幹線嘅精選文章，一次過列出清單，方便大家睇之餘，仲可以分享畀鍾意鐵路嘅親朋好友！
關於新幹線
新幹線係日本精密設計，高速嘅大眾運輸電動列車嘅名稱。新幹線由推出至今，以其舒適、安全、令人難以置信嘅高速，載客超過100億人次。事實上，目前嘅新幹線列車，每日都以高達每小時320公里嘅時速運行。新幹線既係一個喺日本旅遊時嘅方便交通方式，亦係可以體驗人類最先進科技，最有效率嘅公共交通工具嘅大好機會。
→閱讀更多相關內容：【新幹線特輯】 新幹線排成一排！
北海道新幹線：連接新青森至新函館北斗
而家由本州可以搭新幹線去到北海道。2016年3月開始營運嘅北海道新幹線，連接「新青森站」 （青森縣）至「新函館北斗站」（北海道）。北海道新幹線嘅列車有「隼號」（Hayabusa, はやぶさ）同「疾風號」（Hayate, はやて）兩種……
→閱讀更多相關內容：【新幹線特輯】北海道新幹線
東北新幹線：連接東京與新青森
1982年6月開通嘅東北新幹線，連接東京（東京都）至新青森（青森縣），係JR東日本管轄區入面距離最長嘅一條新幹線。東北新幹線嘅列車分別有「隼號」（Hayabusa，はやぶさ）、「疾風號」（Hayate, はやて）、「山彥號」（Yambiko，やまびこ）、「那須野號」（Nasuno，なすの）一共四種……
→閱讀更多相關內容：【新幹線特輯】東北新幹線：連接東京與新青森
秋田新幹線：連接盛岡與秋田
1997年3月開通嘅秋田新幹線，連接盛岡（岩手縣）至秋田（秋田縣）。列車名稱叫「小町號」（Komachi, こまち）……
→閱讀更多相關內容：【新幹線特輯】秋田新幹線：連接盛岡與秋田
山形新幹線：連接福島至新庄
1992年7月開通嘅山形新幹線，連接福島（福島縣）至新庄（山形縣），呢條線路有部份列車嘅車廂入面設有足浴池。山形新幹線嘅列車有「翼號」（Tsubasa, つばさ）、「足湯新幹線號」（Toreiyu Tsubasa, とれいゆつばさ）兩種……
→請點此看更多內容：【新幹線特輯】 山形新幹線：連接福島與新庄
北陸新幹線：連接高崎與金澤
隨住北陸新幹線喺2015年3月開通，而家由東京站出發，經由高崎（群馬縣），大概兩個幾鐘就可以到達金澤（石川縣）！北陸新幹線列車有「光輝號」（Kagayaki，かがやき）、「白鷹號」（Hakutaka，はくたか）、「淺間」（Asama，あさま）、「劍號」（Tsurugi，つるぎ）共四種……
→請點此看更多內容：【新幹線特輯】 北陸新幹線：連接高崎與金澤
上越新幹線：連接大宮與新潟
上越新幹線於1982年11月開通，連接大宮（埼玉縣）至新潟（新潟縣）。列車有「朱鷺」（Toki, とき）、「谷川號」（Tanigawa, たにがわ）、「Max朱鷺號」（Maxとき）、「Max谷川號」（Maxたにがわ）、「現美新幹線」（げんびしんかんせん）等五種。
東海道新幹線：連接東京與新大阪
1964年10月開通嘅東海道新幹線，連接東京（東京都）至新大阪（大阪府），係日本新幹線嘅第一條路線。東海道新幹線嘅列車有「希望號」（Nozomi, のぞみ)、「光號」（Hikari, ひかり) 、「回聲號」（Kodama, こだま)三種……
→請點此看更多內容：【新幹線特輯】 東海道新幹線：連接東京至新大阪
山陽新幹線：連接新大阪至博多
1975年10月開通嘅山陽新幹線，連接新大阪（大阪府）與博多（福岡縣），係日本國內第二條新幹線。山陽新幹線嘅列車有「希望號」（Nozomi, のぞみ）、「光號」（Hikari, ひかり）、「光號鐵路之星」（Hikari Rail Star, ひかりレールスター）、「回聲號」（Kodama, こだま）、「瑞穗號」（Mizuho, みずほ）、「櫻號」（Sakura, さくら）共六種……
→請點此看更多內容：【新幹線特輯】 山陽新幹線：連接新大阪與博多
九州新幹線：連接博多至鹿兒島中央
九州新幹線於2004年3月開通，連接博多（福岡縣）與鹿兒島中央（鹿兒島縣）。列車共有三種：「瑞穗號」（Mizuho, みずほ）、「櫻號」（Sakura, さくら）和「燕號」（Tsubame，つばめ）。
Doctor Yellow & East-i：新幹線檢測車
Doctor Yellow及East-i係新幹線檢測車嘅名稱。呢種列車上面似乎無乘客，咁佢究竟用嚟做咩呢？
→請點此看更多內容：【新幹線特輯】 令人幸福嘅黃色新幹線？
新幹線基地：日本全國有10個以上嘅新幹線車輛基地
喺新幹線車輛基地，可以一次睇到好多新幹線列車。車輛喺呢啲地址會進行車廂清潔、定期維護等工程。
有時會有好幾節車廂連埋一齊，形成總長超過100米嘅新幹線列車，喺基地排開非常壯觀！
→請點此看更多內容：【新幹線特輯】 新幹線排成一排！
新幹線變形機器人：以新幹線為主題嘅動畫
日日本大手玩具廠「TAKARA TOMY」推出嘅鐵道玩具‧PLARAIL鐵道王國，除左普通鐵道模型，仲推出左「新幹線戰士」玩具系列。今次呢批新款玩具，係重現返係動畫《新幹線戰士 SHINKALION THE ANIMATION》中登場嘅款式。大家同小編一齊嚟睇下「新幹線戰士 SHINKALION」嘅人氣商品吧！
→請點此看更多內容：《新幹線戰士》- 新幹線變身做機械人
Comments