香川縣（Kagawa）呢個地區或者唔算大，但仍然令四國東部地區旅行嘅遊客充滿驚喜！喺歷史方面，呢度係佛教真言宗開山祖師——空海和尚嘅出生之地，所以四國嘅88間廟宇，一直以來都係日本佛教徒們參拜嘅聖地。唔只歷史建築物，仲有藝術之島嘅直島等多個島嶼、被稱為「日本天空之鏡」嘅鹽湖「父母之濱（父母ヶ浜）」等等，時至今日引起遊客注目嘅景點都有好多。文章以下就為大家介紹香川縣有咩好玩啦。
香川縣簡介
香川縣位於日本四國地區，暫時仲未算多遊客踏足。想玩盡全個日本、「制霸日本47個道都府」，睇吓上面地圖有邊個地區未去過？紅色就係香川縣啦，一於制霸咗埋佢啦！四國地區由四個縣構成，香川縣位於四國東北部。今次就為你介紹被瀨戶內海包圍、對面就係倉敷市等著名岡山縣地區嘅香川縣本州啦。
七大香川縣熱門旅遊景點
香川熱門景點：金刀比羅宮
香川縣嘅金刀比羅宮，被日本人親切地用「Konpira-san」來稱呼。喺本宮供奉著大物主神及崇德天皇，亦有保佑農產業、醫藥等神明，特別以「海之神」令此神社更出名。
要到達本宮，就要經過785級長石階級，兩邊排列特產商品店、日式咖啡店等，一邊行一邊睇，行上去都唔會覺得咁攰！不過就算行到上去，都仲要有體力落返嚟，所以盡力而為啦。行上去係比較難，但唔好睇見就咁快話放棄。或者借枝拐杖行，或坐上名物「駕籠」（類似古代嘅轎），仲有可以搭參拜登山巴士接辦到中途嘅大門上落車。
景點資訊
- 名稱：金刀比羅宮
- 地址：香川縣仲多度郡琴平町892-1
- 交通: 土讃本線琴平站歩行20分鐘
香川熱門景點：栗林公園
粟林公園係日本最大嘅文化財庭園，被列為重要文化遺產並已歷近400年。 庭園位於高松，以紫雲山為背景，擁有六個池塘及十三個園景山丘，仲有各種渡橋，散步道同小山丘，可以欣賞到花園景致及周圍美景，尤其西面以紫雲山作為背景，由庭園望出去每一個角度都係一幅美畫。
景點資訊
- 名稱：栗林公園
- 地址：香川縣高松市栗林町1-20-16
- 交通：
- JR栗林站步行20分鐘
- JR栗林公園北口站步行3分鐘
- KOTODEN栗林公園站步行10分鐘
- 栗林公園前巴士站步行1分鐘
- 入場費：大人410円、小童170円
- 免費入場：1月1日（日本新年）、3月16日（周年開放日）
- 開放時間：12至1月：07:00-17:00、2月：07:00-17:30、3月：06:30-18:00、4至5月及9月：05:30-18:30、10月：06:00-17:30、11月：06:30-17:00
- 固定休息日：沒有
香川熱門景點：小豆島上嘅天使之路（Angel Road）
去呢個景點影相打卡一定好呃LIKE！位於瀨戶內海中連接四個小島嘅「天使之路」，每日只會喺兩次退潮期間先會出現，每次只得四個鐘。相傳情侶手拖手行過呢條路，愛情就能夠長長久久呢。
景點資訊
- 名稱：天使之路（Angel Road）
- 地址：香川縣小豆郡小豆島町西村甲1896-1
香川熱門景點：藝術之島——直島
景點資訊
- 名稱：直島
- 地址：香川縣內
- 交通：
- 岡山宇野港碼頭→[船]約15-20分鐘→直島宮浦港碼頭
- 高松港碼頭→[船]約60分鐘→直島宮浦港碼頭
香川熱門景點：錢形砂繪
喺香川縣觀音寺有一個模仿寛永通寶錢幣嘅大型沙雕。橢圓形，長122米，南至北90米，周長345米。 夜晚仲會亮燈，呢個畫面非常特別。通常每年都會喺春天同秋天重新整理換砂，為颱風或沙崩嘅砂石翻新。
景點資訊
- 名稱：錢形砂繪
- 地址：香川県観音寺市有明町
- 開放時間：園内無限制
香川熱門景點：父母之濱
鹽湖父母之濱係被稱為「日本的天空之鏡」，係一個打卡影相呃LIKE景點。退潮時出現水窪，天氣好時呈現鏡面，影相特別靚！
景點資訊
- 名稱： 父母之濱
- 地址：香川縣三豐市仁尾町仁尾乙
- 交通：詫間站搭約24分鐘巴士
女木島
相傳女木島以前曾有鬼怪住喺洞窟內，因而有「鬼島」之別稱。環島周全長約9公里嘅細長形島嶼上，預防冬季強風及守護村莊而建嘅石牆猶如迷宮一樣，非常特別。而且仲擺設咗多個瀨戶內海藝術然嘅常設展示藝術品。有好多景點同特色。而洞窟係喺公元前100年左右，由人手挖掘出嚟，係個有成400米入嘅大型洞穴嚟㗎！
景點資訊
- 名稱: 女木島
- 地址: 香川縣高松市女木町
- 交通: 高松港碼頭→[船]約20分鐘（只有星期六、日及日本公眾假期有接駁巴士運行）
香川縣必食美食
近年來香川縣嘅烏冬聞名於全世界，更係香川引以為傲嘅主食，被稱為「讚岐烏冬」嘅麵條入口滑順又有咬口，喺香川縣嘅食店仲可以自己揀各種天婦羅或配菜添。
讚岐烏冬有兩種選擇，「釜玉」同「清醬油」，雖然係一道簡簡單單嘅麵食，但其實好好味！「釜玉」即係喺烏冬入面加上生蛋，將生蛋攪拌撈落湯內，就會變成好似卡邦拿意粉（即白汁煙肉意粉）咁，有忌廉白汁嘅綿密口感。「清醬油」則係更簡單，只加上醬油同檸檬片就完成。呢種食法只用最少嘅調味，所以可以俾你品嚐到烏冬嘅真正原味。
香川縣嘅免稅購物好去處
Youme Town 高松（Yume Town Takamatsu）
Youme Town 高松係四國最大嘅購物中心，精挑細選160間流行服飾、書店、遊樂設施、餐廳及更多其他商店。呢個購物地點都係高松市民同遊客必去Shopping嘅好去處！甚至花一整日喺度行都得呀！丸龜町GREEN（Marugamemachi Green）
日本各地都有好多購物中心，而2012年開幕嘅丸龜町GREEN則係以綠色環保、有機為主題概念，提供好多健康生活品牌嘅商品及輕鬆自在嘅購物環境。商品方面，從化妝品、傢俬飾品，到健康有機食品街，可以喺丸龜町GREEN搵到全球潮流商品！高松三越（Takamatsu Mitsukoshi）
三越百貨係日本最大嘅連鎖百貨之一，喺全日本各地都有好多分店，有三間位於日本嘅中國地區及四國地區。從20世紀早期開始嘅三越百貨就有悠久嘅歷史，亦係四國地區最高貴嘅百貨公司，自然就有好多世界名品都集中喺呢度，好適合大家喺度買啲禮物俾親友好友，或者買俾自己就最開心啦。到香川縣嘅最佳觀光時期
一年之中任何時期都適合到訪香川縣。然而如果想盡享大自然美景同海景，咁小編就建議喺春季至秋季去。夏季的確係比較熱，但都有瀨戶內海為你帶來涼爽嘅微風。去香川縣嘅交通資訊
搭飛機：
從香港有直達香川縣高松機場（Takamatsu Airport）嘅國際線航班。從東京嘅成田及羽田機場、沖繩機場都有國內線航班到香川嘅高松機場。國內線大約20,000円。
搭電車：
請注意，新幹線並不經過香川縣，但有好多其他方法可以到香川縣所在嘅高松。如果從東京出發，最簡單嘅就係搭新幹線到岡山，然後轉搭岡山至高松嘅船，約需20,000円。另一種方法就係搭從東京開車至高松嘅寢台列車「Sunrise瀬戸」。單人床位約20,000円。如果預算有限，都可以揀普通座位，約15,000円。
搭巴士：
可以利用大阪至高松嘅高速巴士「高松Express」，都只係4,000円，所以如果你係從大阪出發，咁就最好搭呢架巴士喇。如果係從東京出發的話，可以搭夜行巴士「Dream高松號」，約6,000至11,000円。
Comments