新潟縣位於日本中部地帶，靠近日本海一側。隨著季節轉換，當地氣溫會出現極大變化。夏季（7至8月）氣溫約為26至27℃，而冬季（12~3月）氣溫則相當寒冷，經常落雪，平均氣溫介乎約3至5℃之間。
新潟縣以其豐富嘅大自然景觀為特徴，一年四季各具特色。您可以享受不同季節嘅美景。今次小編會為大家介紹春、夏、秋、冬，四季中各自嘅精選觀光景點&旅遊方式喔。
春天的新潟：春光明媚的景點推薦
櫻花和鬰金香等春季花卉盛開的大自然景點
左下：北方文化博物館，右下方：五泉市鬰金香祭
新潟縣擁有數個著名賞櫻勝地，包括被評選為「百選櫻花名所」嘅大河津分水、高田城址公園和村松公園。春天時，更吸引唔少觀光客前來參觀，成為縣內最受歡迎嘅櫻花景點之一。
另外，上堰潟公園以金黃色油菜花與粉嫩櫻花同框美景而聞名。除咗賞櫻勝地，北方文化博物館嘅中庭有一個壯觀嘅大紫藤棚，夜間配合亮燈氣氛非常夢幻！五泉市更加係新潟縣內著名嘅鬱金香產地，每年4月中旬至下旬會舉辦「五泉市鬱金香祭」，共有150萬株鬱金香盛開。呢個活動不僅可以欣賞到一大片色彩繽紛嘅鬱金香花田美景，仲可以購買鬱金香，以及享受美食喔！
梯田
講到盛產稻米嘅新潟春天景緻，梯田絕對係其中一個代表景點。梯田係於山坡或山谷等傾斜嘅土地上，所建造而成嘅階梯狀田地，形成其獨特嘅景色。當中，星峠梯田係一個著名嘅觀光景點。
春季時分，棚田面上會映照出夕陽或蔚藍色嘅天空，份外迷人。好彩嘅話，喺5至6月和9月嘅秋季，仲可以欣賞到雲海美景。雲海嘅絕景夠哂夢幻！
大地藝術祭
「大地藝術祭」係一個每三年舉辦一次，從春天持續到秋天，全球知名嘅現代藝術活動。參觀者可以欣賞得到來自國內外嘅藝術家所創作出嘅獨特作品，大自然與風土為主題嘅大型藝術作品等，吸引眾多旅客前來參觀。
相關文章
夏天的新潟：煙花大會和海灘戲水令人熱血沸騰！
海水浴場
新潟縣面向日本海，擁有多個海水浴場（海灘），係夏天戲水嘅絕佳地點。當中，清澈碧藍嘅笹川流和獲得「米芝蓮綠色指南日本」二星美譽嘅二龜係推薦嘅景點！除咗海水浴，仲可以享受各種水上活動和欣賞浪漫嘅夕陽美景呢。
煙花大會
講到新潟嘅夏季風物詩（某季節代表性活動），就一定係觀賞煙花大會啦！新潟有三個全國知名度極高嘅煙花大會，被稱為「越後三大煙花大會」。
7月舉辦嘅「祇園柏崎祭海之煙花大會」同8月舉辦嘅「長岡祭大型煙花大會」都規模龐大，特色係可以欣賞到從水面上綻放嘅煙花。而9月舉辦嘅「片貝祭淺原神社秋季例大祭」更會發出世界級嘅大型煙花。無論邊個煙花大會都好有歷史性，都可以欣賞盛大嘅煙花表演！
相關文章
秋天的新潟：美麗紅葉＆壯麗雲海的絕景簡直嘆為觀止！
紅葉名所
秋天去新潟時，你可以欣賞到從山脈、溪谷和瀑布等大自然景觀，或係日本庭園等各式各樣嘅紅葉風景。
縣內有多個人氣紅葉景點，如清津峽、苗名瀑布等，當中最著名係從苗場龍纜車放眼觀賞紅葉景色。如果想喺日本庭園欣賞紅葉景色，推薦前往松雲山莊和有舉辦亮燈活動嘅彌彦公園。
雲海
新潟縣擁有多個可以欣賞得到雲海嘅景點，當中大多集中於魚沼市。例如，喺人氣景點枝折峠可以欣賞到被稱為「瀑布雲」嘅雲海，雲彩有如瀑布一樣，從山上流瀉而下，相當夢幻。你仲可以喺全長約20公里，被稱為「魚沼Skyline」嘅山路上一邊遊車河一邊欣賞沿途雲海美景。另外，亦可以從健行路線登上坂戶山山頂欣賞雲海。
冬天的新潟：盡情享受冬季的雪上活動吧！
絕美雪景＆滑雪場
新潟屬於豪雪地區，冬季嘅積雪量極高。冬天去到新潟全縣各地都欣賞到被白雪覆蓋嘅美麗風景，仲有被積雪覆蓋嘅樹木等等。同時亦可以喺Gala 湯澤滑雪場、苗場滑雪場等滑雪場享受滑雪、穿著雪鞋在雪上漫步等冬季運動。
另外，新潟擁有多個溫泉鄉，讓人可以浸靚溫泉嘅同時欣賞遍地雪景。小編非常推薦大家喺冬天時分去新潟享受一個非日常又帶點奢華嘅溫泉體驗喔！
雪祭的雪上煙花和雪地燈飾
新潟不僅有冬季運動，仲有雪國獨有嘅冬季活動，例如雪地燈飾、雪上煙花等。
當中，推薦於雪地上舉行豪華煙花表演嘅雪祭——「湯之里雪祭百八燈」和「Sky lantern與冬季煙花之舞」等，以及喺上越市6個地區使用蠟燭點亮雪燈嘅「燈之回廊」等活動，係必去精彩位呀！
新潟縣亦擁有多個全年都能享受嘅事物，如觀光列車、美食、溫泉等。如果有機會，千祈唔好錯過去新潟嚟一趟探索之旅啦！
Comments