秋田縣座落於日本海沿岸，係日本本州東北地區嘅縣份之一。秋田市最為人知嘅並非城市生活，而係大海、海灘、巍峨高山以及豐富溫泉等絕美自然景色。除此之外，好多人到秋田旅行嘅另一重要原因，就係為咗造訪全日本少數、至今仍保留著武士風貌嘅著名小鎮之一一角館町。
秋田的必去旅遊景點
角館町
角館町係日本知名、秋田縣內保存最好嘅武士小鎮之一，有如秋田縣皇冠上嘅寶石。不幸嘅係町內原本城堡早已荒廢，不過現時仍殘留昔日日本武士架構。小鎮可分為武士區與商業區，部分建築自1620年小鎮創建以來仍保存著大致相同嘅風貌。
千秋公園
千秋公園位於秋田縣首府秋田市。公園因為園內秋田城模型而聞名，秋田城原本建於西元前733年，不過可惜現已不存在。複刻版城堡內有一座博物館，遊客可以進內了解呢座建築嘅歷史及更多關於秋田嘅故事。每逢春天，呢度都開滿靚靚櫻花。
乳頭溫泉
乳頭溫泉位於秋田縣東邊。溫泉區由多個溫泉組成，其中最古老嘅溫泉為鶴之湯溫泉。鶴之湯嘅溫泉旅館同泉水嘅歷史可以追朔到300年前，你可以在此感受到古時人民嘅生活氣息。另外，乳頭溫泉亦係位於風景如畫嘅「十和田八幡平國立公園」範圍內。
白神山地
白神山地係位於秋田與鄰近青森地區之間嘅山脈。山上佈滿迷人原始山毛櫸森林，同時亦被列入聯合國教科文組織世界遺產。你可以呢度行山，享受擁有大部份尚未被破壞嘅自然地區體驗登山樂趣。
免稅店購物資訊
Aeon Mall秋田購物中心
被稱為秋田最大嘅購物中心，Aeon Mall秋田購物中心內裡有齊各式各樣嘅商店，除咗可以去大型連鎖商店買到國際與當地品牌嘅商品，你亦可以去大型超市購買進口食品。館內亦設有戲院及零食商店。
Topico百貨公司
Topico百貨公司位於JR秋田站旁，如果買當地紀念品，嚟呢度就啱喇！3層高嘅百貨公司內出售各式當地產品，可以花時間喺度揀手信。百貨公司裡亦設有超市，大廈頂樓則有幾間餐廳。
秋田縣產品廣場
秋田縣產品廣場位處秋田車站前著名嘅Atorion大廈地下室。你可以喺呢度搵到陶器等豐富多樣嘅當地產品。如果想搜羅紀念品或禮物，產品廣場必屬首選。
秋田的最佳旅遊季節
歸功於充滿戲劇效果嘅歷史建築作垂櫻樹背景，秋田縣、尤其係角館町因櫻花而聞名。如果有意去東北地區賞櫻，咁秋田縣亦係最適合賞櫻地點之一，建議四月底至五月初到訪。
去秋田縣的交通資訊
搭飛機
你可以從東京、名古屋、大阪及札幌等城市乘搭國內線到秋田機場，抵達秋田機場後再轉乘巴士到秋田車站。車程需40分鐘，單程票價980日圓。
搭火車
從東京出發亦可以搭乘新幹線到秋田。搭「小町號」從東京到秋田車程大約4個鐘，票價18,000円，要注意列車皆為指定席。另一東京出發選擇為從上野站乘搭名為「曙號列車」嘅夜寢車。小編推薦買JR東日本鐵路周遊券（東北地區）或日本鐵路通票（全國適用）比較抵用呀！
如果你從大阪或京都出發，就搭經秋田開往青森嘅「日本海號列車」。
搭巴士
由JR巴士公司經營嘅「Dream秋田‧東京號」夜巴可以由東京站直接搭到秋田，車程約10個鐘，車費約9,000円。另外，亦有「Flora號」由新宿開向秋田，車程為9個鐘，車費約9,700。
如果唔想咁辛苦搭夜晚喺巴士語過夜，你亦可以喺日頭由搭由仙店開向秋田嘅巴士，車程只需3個鐘，車費約4,300円。
搭船
如果由北海道南下，可以搭新日本海郵輪（新日本海フェリー）從小樽市或苫小牧市等地搭船到秋田，另外仲有船班連接到新潟市。建議提前預約，尤其係黃金週等熱門旅遊時期，更係事先預約為佳。
Comments