沖繩同日本嘅其他地方好唔同。沖繩位於日本嘅最南端，由好多個熱帶氣候嘅島嶼組成，換句話講，呢度全年都可以休閒咁享受海灘。如果想要搵個悠閒海攤，遠離東京大阪等大都市，咁就要考慮到訪日本最具陽光海灘氣息嘅沖繩。
沖繩成日被誤會只係一個大島，但其實佢係由363個大大小小嘅島嶼組成。所有島嶼都有自己嘅特色。今次等我地一齊嚟睇吓去沖繩一定要識嘅沖繩十大島嶼。
沖繩本島 (Okinawa Honto)
沖繩本島係沖繩地區最大嘅島嶼。由二次大戰至今，沖繩一直具重要軍事地位，時至今日仍然有美軍駐守係度，仲經常會舉行軍事演習。那霸市(Naha)係呢度嘅首府，好適合作為到訪各個小島嘅據點。
石垣島 (Ishigaki)
石垣島因為川平灣 (Kabira Bay) 嘅美景而獲得日本米芝連綠色導覽嘅三粒星評價。來到石垣島可以享受到清澈翠綠嘅海水同乾淨原始嘅海灘，同時仲有好多鬼蝠魟魚聚集嘅 Manta Scramble。呢度海灘嘅砂因為有星星嘅形狀，所以被稱為星砂，非常出名。所以去沙灘時記得要望清楚啲沙。晚飯仲可以享用著名嘅石垣牛佳餚添。
宮古島 (Miyako-jima)
連本地人都話宮古島係全沖繩最靚嘅島嶼，相信嚟過嘅遊客都會有同感。最主要係呢度有清澈嘅海灘，而且由沖繩本島乘搭渡輪嚟亦好方便。如果鍾意潛水或浮潛，就唔好可以錯過呢度嘅藍色海水同尤如水晶般清澈嘅海底景色。
與那國島 (Yonaguni)
與那國島可能係日本有人居住嘅島之中，最遠離本島嘅一個。由呢度甚至可以望得見鄰近嘅台灣。 島附近嘅海底被認為係潛水者天堂，甚至有一處海底遺跡。呢度仲有一種名為「泡盛 (awamori)」嘅沖繩傳統烈酒，有機會要試吓。嚟呢度嘅最佳交通方式係由石垣島再轉船來，又或者由西表島搭飛機。
古宇利 (Kouri) & 瀨底 (Sesoko)
古宇利與瀨底，位於沖繩嘅北部，可以經由古宇利大橋前往，同時古宇利仲號稱擁有沖繩最美海灘。而瀨底就有海灘度假酒店，搭車就可以到達。如果會去沖繩北區遊覽嘅話，好值得順道一去啊值。
Nagannu島
Nagannu島位於沖繩南部，可以由那霸搭船前往。島嘅四周有好多熱帶魚同珊瑚礁，非常適合潛水或浮潛活動。仲可以玩好多其他有趣活動，例如海底漫步。又或者可以單純帶本書喺海灘上渡過悠閒時光。
竹富島 (Taketomi)
由石垣島搭船去竹富島，只需要15分鐘。拜訪呢個島嘅其中一個理由係—佢係沖繩最細嘅島。你甚至可以徒步行均成個島，喺途中造訪各個傳統村莊。如果唔想行路，仲可以選擇體驗吓牛車之旅。
西表島 (Iriomote)
多數沖繩島嶼都係以海灘做賣點，但如果想遠足行山，或者玩划獨木舟，西表島就係個好選擇。西表島有「日本的加拉巴哥群島」之稱，島上佈滿咗一大片森林同叢林，聚集咗各種奇花異草同動物。由鄰近嘅石垣島乘搭噴射船，只需要40分鐘就可抵達西表島。
波照間島 (Hateruma)
波照間島係日本最東南部有住民嘅島嶼。喺呢度有廣闊潔白嘅海灘，同埋碧綠嘅海水。由於島周圍嘅水淺，且沒有強烈的海流，所以呢度好適合浮潛。
久米島 (Kume)
琉球群島中嘅久米島，以豐富自然同動植物聞名。整個島被規劃做國家公園，好適合遠足。島中間有美麗嘅河流將島分為兩半，有好多景色秀麗嘅溼地，很適合想要一探沖繩自然風光嘅遊客。喜歡賞鳥嘅人，亦可以喺久米島發現非常豐富嘅品種。呢度仲可以玩到好多種水上活動，例如風箏衝浪同滑翔翼等。
沖繩同日本本州真係好大分別，如果有機會嚟沖繩睇吓完全唔同嘅生活，會發現每個島嶼都有唔同特色。平時去日本未必會諗起陽光海灘嘅度假方式，但如果嚟到沖繩，就絕對唔會令你失望。
Comments