新手必備！日本演唱會、音樂會門票的購票方式全攻略

日本音樂市場於全球排名第二，僅次於美國。除咗日本本土藝人，外國藝人們亦經常於日本各地舉辦演唱會，因此有唔少樂迷會去日本欣賞演唱會。

然而，日本有別於香港，係以抽票制等方式販售演唱會門票。小編今次將會詳細講解有關海外居住者喺購買日本演唱會門票時各種注意事項，希望各位想去日本睇演唱會，參與「推活」嘅讀者們，參考完本篇文章後，可以更易掌握相關資訊！

日本演唱會門票的購票指南&入手方式全攻略

去日本「參戰」睇演唱會時，首先當然要準備好門票啦。

講到日本演唱會門票販售方式嘅最大特徵，除咗採取先到先得嘅購票方式之外，亦經常採用「抽票」方式銷售。所謂嘅「抽票」方式係指，於特定開放抽票期間內，通過電腦抽選該演唱會門票當選者。

以下將為大家講解通過藝人官方後援會（fans club）、一般售票等相關購買步驟，並分成四個階段作詳細說明。

一般而言，官方後援會嘅歌迷優先抽票係最大機會可以入手演唱會門票。據聞，售票階段愈遲愈難抽得中門票，如果有想去嘅演唱會，建議於較早階段申請優先購票喔！

※不同活動或有不同銷售方式，請將本文僅視為參考指南

日本演唱會門票購買方式①：官方後援會優先抽票（網站、手機應用程式）

講到入手演唱會門票最快捷嘅方式，就係參加各藝人官方後援會嘅優先抽票活動。

喺日本，官方後援會分別有分月費制和年費制兩種主要制度。通常，月費制會費大約為每個月500~1,000日圓左右，而年費制會費則大約每年4,000~10,000日圓左右。

加入官方後援會除咗可以定期收到會報、電子報之外，亦可於網站和手機應用程式上閱讀藝人專屬獨家內容、獲得會員獨家禮品和活動參加資格、擁有演唱會等歌迷優先抽票機會等著數優惠。

通常，官方後援會嘅優先抽票會喺一般公開售票之前進行。而呢個優先抽票多數會分為第一輪、第二輪、第三輪等等，實施多輪抽票。當中，每一輪中票人數有限，人氣藝人或限定演出嘅話，喺第一輪嘅抽票期間或會出現售罄情況。為咗喺搶票中爭取一席位，唔少人會嘗試申請多個帳號、與朋友合作等方法，以提高中票機會。

另外，某些營運商可能會要求會員必須居住於日本國內，對於居住於國外嘅歌迷或會有所限制，因此喺入會之前，建議查閱清楚相關條款。

日本演唱會門票購買方式②：官方網站、官方優先預售

官方網站、官方優先預售等為藝人所屬嘅經紀公司、主辦方、推廣者等單位所進行嘅售票方式。特點係不僅限於歌迷官方後援會，只要係透過官方指定嘅銷售網站，所有人都可以參加抽票。

對於未開設歌迷後援會嘅藝人嚟講，官方優先售票其實係屬於最早階段嘅抽票方式。你可以追蹤藝人嘅官方社交媒體帳號，或訂閱電子報，以儘早獲得售票資訊。

日本演唱會門票購買方式③：PLAYGUIDE優先抽選售票

此為一般售票前所進行嘅抽票銷售方式。

「PLAYGUIDE」 係指收到活動主辦方委託，負責銷售、發行和管理各種演出門票嘅公司。代表性企業包括株式會社Lawson Entertainment (Lawson Ticket)、PIA株式會社（Ticket PIA）、株式會社E-Plus (eplus)、樂天Ticket株式會社（樂天Ticket）等。

如果喺各PLAYGUIDE售票網站上註冊為免費會員，即可於指定期間內隨時申請抽票。另外，以下3間PLAYGUIDE公司除咗提供日文網站外，亦有提供英文網站。唔識日文都可以嘗試喺英文網站購買門票。

日本演唱會門票購買方式④：一般公開發售

各個PLAYGUIDE門票網站會於同一日期和時間開始公開銷售門票，你可以通過互聯網、電話、便利店機台等方式購票。

然而，部分演出可能唔會進行一般公開發售，即使進行公開發售，通常只有極少量門票，而且多數係按先到先得嘅原則發售，因此瞬間售罄嘅情況都好普遍。

即使抽中門票，你仲有最後一個可入手門票嘅機會…！？

上述所有抽選和公開發售都買唔到門票？仲未係放棄嘅時候！因為仲有一個可以通過官方渠道入手門票嘅最後機會。

官方轉售服務

• 急突然無法出席嘅門票持有者，可以通過「tiketore（チケトレ」、「TixplusTrade（チケプラTrade）」、「ticketbook」等在線平台，將門票以原價轉售第三者。
• 門票費用於交易完成前，由運營辦公室保管，因此買家可以安心進行交易。另外，轉售嘅門票可以避免被無效化、無法入場等風險，亦為其優點之一。

當日票

• 「當日票」係指喺活動當日，於會場館現場售賣嘅門票。當日票通常係因為出現更改舞台佈置導致座位增加，或出現釋放設備座位而臨時決定出售門票等情況，並且經常於活動前幾日先至會公開相關資訊，亦唔一定會有當日票賣。如果打算購買當日票，建議喺每個活動前一日或當日查閱官方公告。

身處日本海外都可以參加演唱會抽選活動？

除一部份服務，現時官方後援會和PLAYGUIDE售票網站原則上規定日本國內居住人士先可以購票。但對於住海外嘅歌迷，滿足一定嘅條件的話，都可以申請抽選。無論如何都要抽票的話，或者拜託一下向住喺日本嘅朋友幫幫忙啦。

近年多咗唔少藝人會為海外居住嘅歌迷們設立官方後援會、舉辦參加者專用嘅旅行團等活動，或者多咗支援海外發行信用卡進行付款，使用海外手機號碼進行短信驗證等，令全球歌迷更容易地參加抽票活動。

抽中門票後，要點領取？

跟著落嚟，小編為你講解成功抽中門票後各種不同門票嘅領取方式等相關資訊。

紙本門票的發行及領取方法①：親自領取或到便利店發行門票

當領取門票可以開始領取，你將收到取票指南相關嘅電子郵件，請按照指示進行相關手續。

Family Mart、Lawson

• 於店內設置嘅多語言支援多媒體機台（Fami Port、Loppi）中，輸入指南郵件中提供嘅編號或電話號碼，取得申請券。然後，拎住申請券去店內結帳處付手續費，即可完成取票過程。

7-Eleven

• 只需到店內收銀處向工作人員提供付款單號即可。

紙本門票的發行及領取方法②：郵寄

於申請時寫上指定地址，門票可通過利用掛號信或送上門等可追蹤方式嘅宅配方式送到府上。

收件時，需要本人或收件人嘅簽名或蓋章，所以如果選擇將門票送到酒店等住宿地點，建議提前聯繫工作人員。請記住，不同活動嘅紙本門票發票時期、送達時間亦會有所不同。

電子門票發票方式：電子門票應用程式

當收到顯示電子門票票面相關郵件時，請點擊郵件中指定URL並輸入所需信息，然後使用本人嘅智能手機接收或下載門票。

為方便領取門票，請於抽票時事先下載由各主辦方指定嘅電子門票應用程式，並使用於抽票時所提供嘅電話號碼完成短信驗證。

另外，於活動當日將需要展示QR碼入場，所以記得要拎可以上網嘅智能手機到活動場地啦。

除購票方式之外，仲有唔少去日本睇演唱會前需要知道嘅小知識！

小編將會於下一篇文章中，解釋日本演唱會場地類型、座位種類以及參加演唱會時需要注意嘅事項等等。全部都係必備資訊，到時記得睇文章啦！

• 去日本演唱會朝聖前必看入門指南：場地&座位種類與基本觀賞禮儀