2023年秋冬，日本最新「潮流髮色」和「流行髮型」係咩呢？日本髮型屋Salon預約App（應用程式）「minimo」邀請咗東京等地134位現役髮型師，參加一項有關2023年秋冬流行趨勢嘅問卷調查。即刻睇睇調查結果吧！
2023年秋冬潮流髮色 TOP3
第1位：紅色系髮色
各種紅色系色調中，「波爾多紅」人氣極高。另外，「葡萄酒紅」、「櫻桃紅」等優雅紅色系色調也亦有唔少人喜愛。
髮型師解說
- 因為最近潮流興紅色系髮色，認為呢種比較沉穩嘅秋季色調亦會隨之流行。
- 而且好多人會模仿韓國偶像，即使頭髮底色唔屬於亮色系，亦可以染出理想髮色，唔會太搶眼，但又會帶出染咗髮嘅效果。
- 秋冬季節就係要追求既有光澤又沉穩嘅顏色，睇落特別靚。
第2位：啡色系髮色
啡色系髮色中「朱古力啡色」贏取最多票數，真係好受歡迎！
其他仲有「啞光啡色」、「灰褐色」等柔和色調，亦得到唔少人支持。
髮型師解說
- 我認為自然風格會越嚟越流行。相比高亮度染髮所帶損壞嘅頭毛，呈現健康嘅髮色會成為主流。
- 夏天時可以選擇明亮色系，而秋冬季節時，帶有光澤感嘅朱古力色系散發迷人亮麗感應該都唔錯......
- 每年，紅色較易成為流行趨勢，而喺夏天已經厭倦高亮度嘅髮色，所以秋冬傾向於無需漂染即可呈現嘅穩重色調，並且容易展現光澤嘅髮色。
第3位：粉紅色系髮色
收到唔少回應話大家特別鍾意嘅人氣粉紅色系髮色係「粉紅啡色」和「黑加侖粉紅」等，深沉優雅嘅粉紅色調。
髮型師解說
- 春天時大家鍾意都粉紅色，但去到秋冬季節，更多人會選擇低亮度嘅色調。
- 奶茶色就係經典之選，因為柔和兼帶有粉紅色調，所以大受歡迎。
- 深粉紅色系於秋冬季期間人氣大增，更多人會選擇呢種夠帶出深秋至初冬感覺嘅色調。
2023年秋冬髮色三個流行趨勢
根據134位現役髮型師嘅回答，對秋冬流行髮色趨勢進行分析，得出以下相關結論。
1.跟上潮流色系「紅色」令人奐然一新
2023-24年秋冬，時裝界開始掀起充滿活力嘅「紅色」潮流。呢種精神奕奕嘅紅色成為時尚界新寵，唔單止可以成為穿搭中嘅主角，亦可以充當成點睛之筆，吸引眾人目光。而且呢種潮流不限於時裝界，連髮色方面亦備受關注。
喺髮色方面，特別係深沉嘅紅色已成潮流髮色，喺社交媒體上亦受到眾人喜愛。紅色系嘅髮色比較容易上色，即使係第一次染亦無需漂染，可以輕鬆呈現為其特徵。
「葡萄酒紅」和「波爾多紅」等色調，既有存在感，同時又能增添髮絲光澤，因此喺現役髮型師嘅回答中亦被多次提及。
2. 充分運用夏季髮色的餘韻
經常進行深色或濃度高嘅髮色染髮可能會導致「髮色殘留」嘅問題。若想透過漂染去除殘留髮色，會增加髮絲嘅負擔，所以建議最好充分運用殘留下嘅髮色。
如果髮尾殘留嘅髮色比較顯眼，可以將其視為設計嘅一部分，讓漸層效果更加突出。
要充分運用殘留嘅髮色，具計劃性嘅染髮至關重要，所以建議咨詢髮型師嘅意見。
3. 將經典秋季色彩演繹成今年的風格
喺春夏季節，米色和啡色嘅暖色系組合非常受歡迎。然而，去到秋冬季節，焦點已轉向橄欖綠和卡其色相結合嘅米色。意味著，追求消除紅色調感並展現更時尚嘅髮色，可能會再次引起風潮！
另一方面，秋冬季節嘅經典深沉自然色調，可以顧及之前喺春夏所累積嘅髮絲損傷，染上色調較低嘅髮色，打造望落具有光澤感嘅色調，如果結合橙色或粉紅色等顏色，仲可以為啡色注入健康氣色，令髮色更符合今年嘅時尚潮流。
2023年秋冬流行髮型排行榜 TOP3
第1位：分層髮型
透過喺頭髮中創造層次感嘅分層髮型，可以增加鬆散自然效果。受歡迎嘅原因包括「透過掌握分層程度去改變風格氛圍」、「能夠保持整齊卻又有一種輕盈嘅感覺」等。
髮型師解說
- 因為流行捲髮，亦非常適合分層髮型。
- 透過調整分層程度，可以將髮型變得既自然又充滿個性，所以可塑性極高。對於想稍微改變髮型嘅人嚟講，可以根據客人需要進行建議，例如只於面部周圍加入分層，或根據韓國風格進行調整。另外，仲可以提供不同嘅分層髮型，例如側邊分層造型，以滿足各種客人嘅需求。
- 秋冬季節，會著重於選擇重質感嘅髮型，同時保持整齊，並於細節位中透露出一絲不經意嘅鬆散感覺。
第2位：環繞臉部的分層髮型
喺臉部周圍加入分層嘅髮型可以輕鬆地展現出時尚感。受歡迎嘅原因包括「容易展現個人風格」、「輕盈感與時尚潮流相呼應」等。即使唔改變頭髮長度，只需要喺面部周圍加入分層，亦可以為髮型帶來變化。
髮型師回答原因如下
- 唔會太過搶眼，具有個人特色。
- 喺沉穩嘅秋冬中，稍微輕盈嘅髮型更能呈現時尚感。
- 單長度髮型為基礎嘅重質感風格髮型仍然會延續流行，因此呢種風格無論喺搭配服裝和髮色上等方面，更容易表現個性，並且能較容易地融入生活方式中。
第3位：狼尾頭
臉部周圍大量添加分層嘅狼尾頭能令臉部望落更小巧。最近，只喺臉部周圍打造狼尾層次剪效果嘅自然風格相當受歡迎。通過唔同分層方式和髮色，能夠實現各種不同變化，亦係廣受大眾歡迎嘅原因之一。
髮型師解說
- 因為正興起「平成時代」復古熱潮。
- 大家希望避免同其他人撞，因此唔少人傾向選擇不一樣嘅風格。尤其係只喺臉部周圍加入狼剪效果或其他自然剪裁，較容易融入日常生活，較易作嘗試。
- 透過調整臉部周圍形狀和髮色，可以實現多種風格嘅變化，繼而成為備受到關注嘅時尚髮型。
2023年秋冬髮型三個流行趨勢
根據134位現役髮型師嘅回答，對秋冬時尚髮型趨勢進行分析，得出以下相關結論。
1. 最時尚亮點就在「臉部周圍」
2023秋冬髮型趨勢，集中喺「臉部周圍」。透過喺臉部周圍打造分層，為髮型增添動感，能瞬間展現出華麗印象。厚實嘅整齊瀏海以及寬闊瀏海風格亦相當受歡迎。
透過保持厚實瀏海，同時喺臉部部周圍打造輕盈分層，能迅速提升整體造型時尚感。
2. 分層造型大熱
想跟上2023秋冬潮流嘅話，不妨試試分層造型。
分層造型迷人之處在於，只要改變分層位置，成個形象就會有不一樣嘅變化。
可以喺頭髮上層輕輕打造出蓬鬆感，或者喺底層保留輕微厚重感，打造出優雅風格。可以嘗試多種髮型風格。而且，只需要捲一捲髮尾，即可輕鬆完成造型，真係非常方便。
3. 韓國風熱潮持續
2023年秋冬，韓國髮型風格依然大熱。
例如有著流線曲線髮型和分層剪裁，既典雅又成熟嘅髮型依然極受歡迎。
從現役髮型師嘅調查中，得知「韓國風嘅風格仍會持續流行」嘅聲音，未來亦唔會忽視呢個趨勢。而且只要稍微變換一下，例如添加分層或調整線條，無需改變頭髮長度即可創造出令人驚豔嘅新風貌。
※MIXI和minimo嘅名稱，以及與它們相關的商標和標誌，均為株式會社MIXI商標和註冊商標。
▼【2023秋冬】トレンドヘアカラー総特集｜人気の髪色ランキング10位を美容師134名に聞きました
https://minimodel.jp/room/hair/haircolortrend-2023aw
▼【2023秋冬】トレンドヘア総特集《系統別》人気の髪型ランキングを美容師134名に聞きました
https://minimodel.jp/room/hair/hairstyletrend-2023aw
Comments