去日本旅行時，可能大家都會想去行日本嘅便利店。當中，大規模便利店「7-Eleven」（日文為セブン-イレブン）擁有多間分店，店內除咗有賣便當、飯糰、好啱買嚟做手信嘅零食，以及旅途中所需要嘅生活用品等各種各樣嘅商品。此外，7-Eleven唔單止商品種類豐富，服務亦非常完善。今次，小編帶你深入了解同發掘「7仔」7-Eleven嘅無限魅力。
※本文章所記載內容為2023年6月採訪時資訊。
日本最大規模便利店7-Eleven的概要
7-Eleven係日本擁有最多分店，最大規模嘅連鎖便利店。截至2023年2月底，日本國內總共有21,402間分店，包括日本在內18個國家和地區，其分店總數達至83,579間（截至2022年12月底）。其商標Logo中所使用三種顏色各具意義，橙色代表「朝霞」，紅色代表「晚霞」，綠色則象徵「綠洲」。意味著7-Eleven從早晨到夜晚都能成為顧客們嘅綠洲。
7-Eleven嘅起源可以追溯至1927年，當時美國一間小型製冰零售店根據顧客需求開始售賣雞蛋、牛奶等日常食品，因此「便利店」便誕生。去到1946年，營業時間變更為每日上午7時至晚上11時，作為連鎖店並改名為7-Eleven。1974年，7-Eleven喺東京都江東區豊洲開設日本第一間店舖。自此之後，7-Eleven開始於日本全國範圍擴展，並不斷提供具吸引力嘅商品和便利嘅服務。
去日本的7-Eleven絕不可錯過的必買清單！7-Eleven人氣商品介紹
無論係觀光途中定係喺酒店休息時，去便利店行個圈，即可為你解決肚餓或者口痕嘅煩惱。而且，7-Eleven每個星期都會推出各款唔同類型嘅新產品，喺裡面邊行邊揀嘅過程就好似尋寶咁有趣。而家就向大家介紹7-Eleven人氣嘅商品類別。下次去日本旅行時，記得入去行個圈，享受「尋寶」樂趣啦！
7-Eleven人氣商品：便當、飯糰
聽聞7-Eleven每個星期都會有新嘢推出！佢哋嘅產品經過精心製作，追求最極致嘅美味，所以每次嚟都有新嘅驚喜等緊你......
例如，佢哋嘅急凍食品，從運輸到陳列，都會喺特定溫度（低溫）下精心保管，確保品質嘅優質度始終如一，能夠保留烹飪時嘅美味，等客人可以品嚐到好似新鮮煮好咁好味道嘅食品。
另外，手捲飯糰嘅製作亦相當講究，精心挑選出適合飯糰嘅稻米品種和產地。再者，為確保糙米磨製成白米嘅過程中，其米粒風味不受損，特別選用溫度經控制下所磨製成嘅白米。
7-Eleven致力追求美味便當和飯糰，推出各地區限定嘅當地特色菜單，因此如果旅程中會遊覽多個都道府縣嘅話，記得要順便留意埋7-Eleven嘅當地限定商品啊！
7-Eleven人氣商品：三文治、甜品
喺冷藏陳列展示櫃裡，有使用雞蛋、火腿、雞肉、海鮮、新鮮蔬菜等多款食材製作嘅各種三文治。為確保能夠製作出最美味嘅三文治，特別烘焙用以製作三文治專用嘅方包，可謂相當講究。
美味嘅秘訣，當然唔少得使用優質食材製作食品。以生菜為例，為確保其鮮脆口感，無論係運送、洗滌、製造等每個步驟，都有徹底進行溫度同衛生管理。正正因為每一種材料同過程都經過精心管理，先至可以品嚐到安全又美味嘅三文治。
至於甜品方面，有使用時令水果製作嘅新品，亦有長期熱賣嘅經典款式，選擇非常豐富。另外，即使係長期熱賣嘅經典款式甜品，亦會持續改進，為美味程度升級，亦係其一大魅力之處。而和菓子嘅品質，亦展現出7-Eleven獨特嘅風味。
旅途必備&當地手信等選擇多多！「7PREMIUM」食品、雜貨
日本便利店有多款自家品牌（PB）商品。當中有以食品著名嘅「7PREMIUM」系列，亦有價格實惠兼實用嘅生活用品等商品，可謂選擇多多！以下落嚟，小編將介紹各品牌嘅魅力之處。
7PREMIUM
「7PREMIUM」系列除咗有多款「每日都想食」嘅商品，甚至致力開發對身體和環境友善嘅商品，不斷挑戰創新。當中，商品種類非常多元化，包括調味料、咖喱、甜品、拉麵等各種日常食品，每日飯檯上不可或缺嘅元素皆盡在其中呢！7PREMIUM系列希望為客人嘅飯檯上，呈獻上「每日都想食」嘅美味。
7PREMIUM GOLD
「7PREMIUM GOLD」係一個更注重高品質嘅7 PREMIUM品牌，為大家帶來更上一層樓嘅享受。聯合頂尖廚師和專家，精心開發出讓人愛不釋手嘅「獨特風味」。呢種「獨特風味」係每個人都想與他人分享嘅美味，並希望將呢份美味送到去顧客嘅飯檯上面。食品選項包括漢堡扒、香腸、拉麵、甜品、雪糕、葡萄酒等，可謂琳瑯滿目。另外，常溫商品亦非常適合買嚟做手信啊。
7PREMIUM LIFESTYLE
「7PREMIUM LIFESTYLE」提供護膚品、洗髮用品、沐浴露、毛巾、浴巾、清潔劑、剃鬚刀、指甲鉗等一系列日常用品。高質嘅生活用品亦推薦買嚟做手信啊。
7CAFE
店舖供應新鮮沖煮嘅正宗咖啡。使用經過嚴選嘅咖啡豆，並根據不同風味進行各種烘焙、沖泡方式、作萃取時間嘅調整。建議您搭配「7CAFE」品牌系列嘅甜品一同品嚐。
日本7-Eleven提供多元化嘅便利服務，讓您旅程更輕鬆無憂！
7-Eleven提供各種多元化嘅服務，提供多項適合訪日旅客利用嘅便利服務。以下落嚟，將為大家介紹幾個特別值得推薦嘅服務。
「Tax free」免稅服務
包括以觀光為中心嘅各個地區，可對應免稅服務嘅7-Eleven店舖於日本全國展開，令旅客可盡享免稅購物嘅樂趣。只需注意入口處附近，如果貼有「TAX-FREE」嘅標誌，即為免稅店舖。※僅部分店舖提供此項服務
點此搜尋店舖
「ATM」櫃員機服務
店內設有「SEVEN BANK」ATM，你可以透過ATM用信用卡提取日圓現金，並有提供英文、簡體中文、繁體中文、韓文、泰文、馬來西亞文、印尼文、越南文等多種語言支援服務。與店舖一樣，可全日24小時使用。
點此搜尋店舖
外幣兌換機
秋葉原、新宿、上野、淺草、京都等部分店舖皆設有外幣兌換機，可將外幣紙鈔兌換成日圓。可兌換嘅外幣種類包括美圓、歐圓、英鎊、澳幣、人民幣、港幣、台幣、韓幣等共計12種貨幣。兌換機與ATM一樣，可全日24小時使用。
點此搜尋設有外幣兌換機店舖
此外，亦有提供單車共享服務、手機充電器租借等多項便利服務，令訪日旅客嘅日本旅程更便利，更愉快。※部分店舖提供相關服務
想了解更多關於如何有效使用7-Eleven，以及店舖查詢等資訊，請點此。
※部分店舖或不提供某商品或服務。
Comments